دايم ادخل هالقسم واسرق وصفات واطلع :biggrinlo
ماعمري افدتكم وحسيت اني خاينه وقلت لازم اعطيكم وصفه من وصفاتي المميزه :27:
هذي الله يسلمكم قشده تمر بالهشتويه تدفيكم وتعطيكم طاقه ،، هي وصفه نجديه الاصل للي مايعرفها
مالنا بالمقدمات بنبدا بالصور
المقادير
دقيق اسمر - اصبع زبده - فنجان لبن او اقل - تمر حسب النوعيه المتوفره ( انا سويته بسكري مكنوز )
الطريقه سهله جدااا
اولا ذوبي الزبده
بعد ماتذوب تماما اضيفي الدقيق حسب كميه التمر لا تكثرين انا حطيت على كميتي 4 ملاعق كبار ممكن تحطين اقل او اكثر حسب كميه التمر
اذا اختلط الدقيق بالزبده وطلعت ريحته (( تددددوخ الريحه )) اضيفي التمر وابدائي بالتقليب المستمر بدون ماتضغطين عشان مايتكسر التمر ويتفكك وانتبهي تستخدمين ملعقه حديد استخدمي خشب من البدايه للنهايه عشان التمر مايتفكك
استمري بالتقليب لمده 10 دقايق الى ربع ساعه بعدها اضيفي اللبن انا نسيت اصور هاللقطه لا تكثرون يابنات فنجال شاهي صغير كافي واذا كميه التمر اقل حطي نص فنجال
قلبي خمس دقايق لين يختفي اللون الابيض من اللبن وبعدها طفي النار
لو عندك سمسم ممكن تذرين شوي عليه يعطيه طعم حلو .. بس انا للاسف ماكان عندي
وهذا الشكل النهائي
روووعه مع القهوه :icon32:
وبس
اللي تجربه ويعجبها تدعي لي بالذريه الصالحه وتيسير الامور يارب :04:
جدا جدا رائع
ماشاء الله