قشر القهوة .. لكل من حابه تعرف عنه

السلام عليكم .. كيفكم يا حلوات ... لقيت اثناء تصفح موضوعات مختلفه بنات كثير يسألون عن قشر القهوة ..
انا من بنات الجنوب وقشر القهوة صديق دلة البن يعني ما يفترقون عن بعض واربعة وعشرين ساعة نشرب فيه لانه صديق وفي في العطش وفي البرد والشتاءالقارص .. في تخفيف الدهون .. في الدورة والنفاس .. كمان الاولين يقولوا انه يصفي الدم ... واحيانا نشربه من باب الفايدة او المتعة ....

له عدة طرق : لكن اهم شي تاخذي قشر القهوة الكيلوا حقه على ما اعتقد 25 ريال .. انا آخذه واحطه بصحن وابتدي انقيه احيانا يكون فيه احجار بين الحبات انتبهي لها تمام تكون طاحت فيه من مكان ما ... احيانا تكون فيه حبات بن متعلقة بقشرتها ( صعب الفراق ) .. خلصت من التنقية جاء دور الهز الحين طبعا يكون بصينية كبيرة شوي تمسكيها تمام وتهزي القشر وبعدين تطيرينه شوي بالهواء وفي هذي الاثناء تعبي فمك هواء وتنفخي بشويش علشان حبات الرمل العالقة ... صعبة عليك طيب حطية بصفاية وهزيها علشان الاشياء الناعمة تنزل من رمل او احجار صغيرة

خلاص صفيناه جاء وقت التحميس احنا بصراحة نخصص صاج او صحن خاص بالفرن لتحميس القشر والبن .. المهم تحطين القشر بصاج او بصحن بكيفك اللي يريحك وتحطيه اما بالفرن من الداخل وهذا اللي افضله او تحطينه على نار هادئة وطبعا تقعدين تقلبي فيه كل فترة والثانية الين يغمق شوية .. ( اوقات كثيرة ما نحمسه ونستخدمه مثل ما هوه على حسب ما راح ادخلكم بمتاهات ) بعدين نطحنه عادي مثل البن ونحطه بعلبة ..


نجي هنا اطال الله باعماركن في الموضوع اللي يهمكم : كيف نسوي القشر علشان اللي تبغى تولد او تكون بنفاس :

تغلي موية ... تحطيها ببراد القهوة ( ما ادري ايش تسمونه ) فيه ناس يسمونه بكرج تحطي موية تكفي علشان تعبين ترمس القهوة وتحطي عليها 2 ملعقة من قشر القهوة المطحون وتحطي معاه تمر 5-7-10 حبات على كيفكم وتخلينه يغلي لمدة من 10 دقائق الى 15 دقيقة.. وامي وجدتي يخلوه على نار هادئة يغلي لمدة 20 دقيقة بس احنا فينا عجلة ..
المهم تاخذي ترمس القهوة وتحطي فيه جنزبيل اخضر مبشور على حسب الرغبة وقرفة مكسرة وليست ناعمة جدا وقرنفل ( مسمار ) ممكن تستبدلي الجنزبيل الاخضر بالناعم وتحطي منه ملعقة شاي او اكثر شوي مع القشر وهو يغلي ...وبعد ما غلى القشر وطلعت ريحته صبية بالثلاجة .. طبعا هنا نشربه مثل الشاي لانه محلى بالتمر وممكن تزيدي التمر او السكر على حسب رغبتك ... وبنشربه بكل وقت طبعا هوه مفيد فاعطيه عادي لاولادي ..

فيه طرق ثانية اذا حبيتم تستفسروووووووووون احنا بالخدمة ..
يارب اشوف ردود