الله يجزاك خير ويقومك بالسلامه ويرزقك الطفل السليم المعافى

الحين نكمل بعض طرق القشر ما راح تختلف كثير :

كثير ناس عندهم امراض تمنعهم من شرب القهوة العربية بكثرة مثل الضغط .. امراض القلب .. حرقة المعدة ... الحرقان اثناء الحمل ... عند قرب موعد الولادة لانها تعطي الجسم مناعة ضد البنج سواء الموضعي او الكامل ... وفيه ناس يخافوا من السهر ..

طيب كيف اتقهوى وايش اشرب مع صينية الخلى عاد حلى من دون قهوة ما يصير ... طبعا القشر هو الحل وهذه صورته



طريقة عمل ترمس قشر القهوة كمشروب بديل لقهوتنا الحبوبة ( بصراحة اعشق قهوة البن لكنها بهذلتني بالحرقان )

كاعادة نغلي الماء ونضيف له قشر القهوة وممكن نضيف جنزبيل مطحون ناعم حسب الرغبة وعودين قرفة غير مطحونه واذا مطحونه حطي ملعقة شاي او اقل حسب رغبتك .،ممكن تضيفي 3 حبات مسمار لا تكثري يصير مر مع الطبخ او حطيه بالثرمس مباشرة ... بعد الغليان لمدة عشرين دقيقة اسكبيها بالترمس وقربي صينية الحلى او صحن تمر وبالعافية بلا حرقان بلا هم ..

طبعا هذي الطريقة بتنحف وتشد الجسم بشرط تشربينه عادي موعلشان تنحفي لانه ما يأثر تأثير مباشر لكن عندنا العجايز بعد كل وجبه كل وحده بجنبها ثلاجة القشر وخاصة اذا دقت بالنعمه يعني عادة ويحسون انهم يرتاحون عليها حتى انهم لفتوا نظر عالم اجنبي دار بالسعودية وطب الجنوب وشاف هالعالم طايحه على هذا المشروب واجسامهم مشدودة رغم ان اكلهم كله سمن بسمن ... ومفطحات وذبايح ولقى انه له مفعول تنحيف وشد عجيبة رغم ان الشخص ما يحس باي شي مثل اعشاب التخسيس الثانية ...
..........................................................................................................

احيانا كثيرة نعمل القشر بدون اضافة اي شي عليه من حوائج القهوة ترييحة يعني للمعدة فنغلي الماء كالمعتاد ونط ملعقة او ثنتين من القشر ونتركها تطبخ ... ونحطها بالثلاجة واحيانا كثيرة نضيف جنزبيل لانه مفيد جدا جدا جدا فقط طبعا ونعبي الترمس ونشربها مثل القهوة باي وقت او نضيف سكر ونشربها مثل الشاي ...
.........................................................................................................

حذااااااااااااااااااااااري مهم مهم مهم

الحامل بالشهور الاولى او كل الشهور الين نهاية الثامن ابتعدي عن القشر بالتمر والقرفة لانني انا شربته اشتهيته جابته وحده من جاراتي وشربت 2 فنجان شاي بعد ساعتين بس رجعت لبيتي والله ما عاد قدرت اتحرك من قوة التقلصات واعتقدت اني اكيد راح اسقط لكن رجعت شربت ما مثلج لانه يهدي الطلق والتقلصات وما تحركت لليوم الثاني ...

..........................................................................................................

حلو النفاس تزيد على ترمس القشر القرنفل لانه ينطف ويضيق المنطقة ويجففها يعني بدل ما كنت تحطين 3 او 4 حبات حطي ملعقة كبيرة ...

كذلك احنا نحط نخوة شي بسيط ( نطحنها بوقتها ونستعملها ) براس ملعقة الشاي لانها تخفف من المغص بسبب الغازات ....


............................

هذا يابنات حواء الحلوات قشر القهوة العربية ***** الله استفدتم ...

بس شوفوا اذا حبيتم تستفسرون عادي انا حاظرة بس النت يكون شغال ما راح اقصر

ياعمري القشر مو حالي ... اذا قصدك علشان التمر خلاص لا تحطينه كليه لوحده مع انه يفضل يغلي مع القشر علشان يسهل امتصاصه بالجسم ... انت قد جربتيه تراه مو حالي بالمره واذا خفتي قللي التمر بس

صح ناس كثير يعملوها ... بس انا لا ما عمري جربتها ... لاني احب القهوة العربية اصلا فلو باحط هيل وزعفران على قشر افضل اسوي قهوة عربية ... الله يهديك شهيتيني بالقهوة والهيل والزعفران لكن الحرقان بهذلني

شكرا على اضافتك اعجبتني ***** الله البنات يجربونها فعلا

مشكورة

الله لايحرمك الأجر

هل القرنفل هو المسمار ؟؟