فهو يساعد على إنقاص الوزن وينحت الجسم نحت وينفع للنساء في تنظيف الرحم خصوصا في وقت الحيض والنفاس
وطريقته للي يسألوا عن الطريقه ...
يحطوا قشر قهوه قرفه او كمون وزنجبيل ... كلهم الثلاثه معروفين عن فوائدهم ...وكلهم اذا انشربوا لحالهم يزيلوا البطن فكيف الثلاثه مع بعض ... يا سلام ...
اذا راح تشربي لحالك ... ودلتك صغيره ...
حطي ملعقه صغيره من قشر القهوه ... بس خلي الملعقه مليانه جدا زي كذا
وملعقه صغيره قرفه او كمون ناعم ...
وملعقه كبيره زنجبيل اخضر مبشور او قطعه كبيره بكيفك المهم زنجبيل او حتى مطحون براحتك ...
وتحطي عليهم المويه المغليه في ثلاجة القهوه وتقفليها ... وهذا حجم الثلاجه ..
حطيت الدله جنب الماكينه عشان تشوفوا حجمها ...
المهم تخلي الدله نص ساعه بعدها تشربي القشر بالعافيه ..
وبصراحه ان مرات اكون مو مزاجي اشرب قشر ... فايش اسوي عشان طعمه اخذ حبة جالكسي ... حبه وحده بس ...
واشرب عليها الدله كلها .. مو كرتون جالكسي وكانك يا ابو زيد ما غزيت لا...
بس قطعه صغيره جداااااا اشرب عليها الدله كلها ...
وطبعا كل يوم تشربي دله كامله او نصها على حسب مزاجك ..
واذا يوم ما قدرتي مو معناتها خلاص توقفي لا عادي انا مرات اجلس ثلاثه ايام موقفه وارجع اشرب ما في مشكله ..
وفي اي وقت صباح ليل بعد الغدا برضو بكيفك ...
وراح تبدأ النتيجه من ثلاثه اسابيع لشهر على حسب حجم البطن وبعدها تبدأ بطنك شويه شويه تروح
وعلى حسب مداومتك للشرب ...
*******
وكمان مغلي النعاع لحاله ممتاااااااز للانتفاخات والبطن ممكن تسوي جدول يوم قشر ويوم نعناع كمان احاى واحلى ...
ولا تنسي التمارين انا بصراحه ما سويت تمارين لكن حبدأ فيها ان شاء الله قريب ...
ادعولي ربي يسهل علي ولادتي ويرزقني بالولد السليم المعافى الذي ليس به زيادة ولا نقصان
وربي يسخر لي زوجي ... ويصلح لي ذريتي اللهم امين ياحي ياقيوم