قشر قهوه والحوائيات بطلع من الاربعين وماطهرت

الله يخليكم نفسيتي تعبانه بطلع من الاربعين باقي لي 5 ايام وما طهرت ولا بعد جرح العمليه ما ألتأم على الطرف يوجعني مدري يمكن لان هالمرة نفاسي بيتي ولا من نظامي في نفاسي

بقولكم وش اخذت في العشرين الاولى والاخيرة شوفو وين والمشكله وحلوها لي الله لايخليني منكم
في العشرين الاولى
اكلت على فكة الريق سبع حبات حبه سوداء مع عسل ثم لهوم يشبة حق قشر قهوة بس مظاف له حبة سوداء وحلب وبعدين افطر
وبعد احط حلبة مع الاكل الغداء واشرب قشر القهوة احطها في ترمس مع زنجبيل وقرفة علشان بطني يخف
وبعدين ماعاد كلت الحلبة قالو لي موب زينه في الاول كليها في الاخير
في العشرين الاخيرة رجعت للحلبة واخذت لهوم (ماش وحلبة ورشاد)
واستمريت على قشر القهوه
وتوني بديت بخلطة الخمس فناجيل وتركت كل شيء وبس اشرب قشرة قهوة مع القرفه فقط وش رايكم يمدي
ولا وش اسوي ابي انشف واطهر وارتاح ساعدوني الله يفرج لكم