وهل يوجد غير قصيدة عابرة سبيل رحمها الله
حيث تقول :
العيد باكر أسعـد الله ممسـاك *** والله مدري ويـن خـدٍ جلستـه
وين انت ياللي عيدنا في محياك *** كف القدر من ضيقة الخلق بسته
من يوم ما لوحت لي كف يمناك *** لليوم دمعي بالخفا مـا حبستـه
ومن يوم ماذوقتني حرّ فرقـاك *** واليأس زرعه في حياتي غرسته
شريت لي ثوبٍ على شان لقياك *** والثوب راحت موضته مالبسته
وشريت عطرٍ ما زهاني بليـاك *** أربع سنيـن بعلبتـه مالمستـه
ودفتر قصيدٍ كل يـوم يترجـاك *** مافيه يومٍ ماسهـرت ودرستـه ..
وقالت أيضاً :
ليته درى صبحية العيد وش صار *** ياهي جرت لي من عذابي هوايل
يوم العذارى بيّحن كل الأسرار *** وجت السوالف بين قيلٍ وقايل
هذي معايدها قبل وقت الأسحار *** وهذيك صاحبها عطاها رسايل
وهذي تقول إنه لفا البيت زوّار *** وهذيك راحت له زيارة عوايل
وهذي تفاخر في غلا الصاحب البار *** تقول عايدها بكل الوسايل
وأنا أطالع فوق ويمين ويسار *** بالعيد حتى مامشطت الجدايل ..
وهل يوجد غير قصيدة عابرة سبيل رحمها الله
حيث تقول :
العيد باكر أسعـد الله ممسـاك ***...
إن من البيان لسحرا..
رحم الله عابرة سبيل وأسكنها فسيح جناته..
العزيزة..دبه تسوي ريجيم..
نقل مميز وذائقة رائعة..
ولا يفوتني أن أشكر لك مجهودك في الدفاع عن أهل السنة والجماعة..
دمتِ بخير..