ابتدينا يابنت الناس
ومشينا الطريق
اتقابلنا وفي الأساس
على إني صديق
النهار ده ايه حصل لي
شيء عجيب أنا معرفوش
دقة القلب بتاخدني
لشيء غريب انا مفهموش
عرفينى إيه حكايته
هوه دا الحب ف بدايته
واسمحي لي ولو سؤال
بانتظر منك اجابته
هوه ايه اللي حصل لي
هوه ايه اللي جرى لي
هيه قصة حب حلوة
وحلم عايش في خيالي
والا نسمة حب هاديه
تدخل القلب بحنان
رايح اقول
.. لو كان دا حب !
ياريت عرفتك من زمان ..
***
فين جوابك .. ياحياتي
بانتظر منك جواب
هوه صحيح .. الحب ذاته ؟
ابعتي لي ولو خطاب
تسمحي لي اني احبك
أو أعيش بالقرب منك
هيه بداية .. ومشينا فيها
م المستحيل .. البعد عنك
وكل كلمة ح تقوليها
هيه قصة بتبتديها
وان سمحتي .. بعد إذنك
إكتبي لي .. إسمي فيها
عرفينى إيه حكايته
هوه دا الحب ف بدايته
واسمحي لي ولو سؤال
بانتظر منك اجابته
هوه ايه اللي حصل لي
هوه ايه اللي جرى لي
هيه قصة حب حلوة
و حلم عايش في خيالي
والا نسمة حب هاديه
تدخل القلب بحنان
رايح اقول
.. لو كان دا حب !
ياريت عرفتك من زمان ..
***
خلّيني أتخيل جوابك
وان الجواب كان بالإيجاب
يبقى انا نُلت السعادة
يبقى انا فوق السحاب
واحكي للناس فرحتي
وأعيش معاكي دنيتي
واخدك معايا لجنّتي
لجنّة الأحباب
أما الجواب
لو كان سراب
أو حتى كان
كلمة عتاب
ح ارضى بنصيبي وقسمتي
وكل اللى بترجاه
منك وبستناه
تفضلي طول الحياه
أجمل صديقة ف دنيتي
بأختم خلاص كلمتي
وآدي حكايتي وقصتي
وعرفينى ... إيه حكايته
هوه دا الحب ف بدايته
واسمحي لي ولو سؤال
بانتظر منك اجابته
هوه إيه اللي حصل لي
هوه إيه اللي جرى لي
هيه قصة حب حلوة
و حلم عايش في خيالي
والا نسمة حب هاديه
تدخل القلب بحنان
رايح اقول
.. لو كان دا حب !
ياريت عرفتك من زمان ..
مع تحياتي
حسني جاد..
ابتدينا يابنت الناس
ومشينا الطريق
اتقابلنا وفي الأساس
على إني صديق
النهار ده ايه حصل لي...
أحيانا .. نشعر بأن مشاعرنا تحمل صورة مختلفة .. أو ربما شكل مختلف ..
نشعر بأن شيئا في داخلنا تغير .. و نعطي لأنفسنا حق الإبحار في ذلك الشعور الجديد ..
لنكتشف بعد فترة نتائج مختلفة ..
إما أن يكون شعورنا صادقا .. وغالبا ما يقابل بالاستكار ..
و إما أن يكون شعورنا صادقا .. ونادرا ما يقابل بالترحيب ..
و إما أن تكون حالة شعورية طارئة سيطرت على مشاعرنا وتفكيرنا .. نكتشف بعد فترة بأن ذلك التحول المفاجئ في الشعور كان كاذبا ..
..
و رغم ذلك .. تبقى هناك ذكرى جميلة في ذهن وقلب الإنسان ..
..
كلماتك حقا جميلة يا أخي عاشق الورد ..
هوه ايه اللي حصل لي
هوه ايه اللي جرى لي
هيه قصة حب حلوة
وحلم عايش في خيالي
والا نسمة حب هاديه
تدخل القلب بحنان
رايح اقول
.. لو كان دا حب !
ياريت عرفتك من زمان ..
..
عبارات ومشاعر رائعة وواضحة ورقيقة جدا .. أسلوبك جميل ولغتك الجميلة هي من يتحدث عن جمالها ..
سلمت الأيادي .......... لقد أبدعت يا أستاذي الفاضل ..
تحياتي