هذة المره ليس كعاادتي اكتب خاطره ما..
ولكن احببت ان اجمع بعض القصائد الرائعة لبعض الشعراء.. واسطرها هنا
هدية مني لشخصكم الجميل...
وفي كل مره اجد قصيدة تستحق ان تصافحها اعينكم الحبيبة لن اتخاذل..
فقط شاركوني متعتهااا واحساسهااا..
*************
قبل ترحل
وتنسى الدار و الديره
أبي نظره تساعدني على فرقاك
أبي قلب ٍ مثل قلبك
وفرحة يوم تبيع اللي مضى كله
اترجاك و اتوسل
تشيل القلب والا الحب من قلبي
**************
((انتي حلم ))
انتظرتك .. عمري كله .. وانتي حلم
ومرت الايام والله .. وانتي حلم..
ليه تأخرتي علي ..
توهي مره واسالي ..
كوني في غير الزمان .. والا في غير المكان
كوني عمري .. عمري كله..
اللي باقي .. واللي كان..
انتظرتك عمري كله .. وانتي حلم ..
كل نجمه شعشعت والقلب عتمه .. كانت انتي ..
كل حرفٍ حرك شفاهي بكلمه .. عنك انتي ..
وكل حبي اللي مضى والحب قسمه .. منك انتي ..
كانوا الاحباب ظلك .. بعض احساسك ونورك ..
ما عرفتك يوم كلك .. ياللي في غيابك حضورك ..
انتظرتك عمري كله .. وانتي حلم ..
هذا إنتي .. قولي والله إنه إنتي ..
وين غبتي ؟! .. عني هذا الوقت كله ..
وين كنتي ؟! ..
شيبت عيني طيوفك .. وما أصدق إني أشوفك ..
ياللي قلبي في كفوفك .. نقش حنا ..
وفي جديلك عطر ورد ..
آتمنى .. لو تكوني في فراغ اعيوني وعنى
وفي سموم ضلوعي برد ..
ليه تأخرتي علي ..
وما طرى لك تسألي ..
ليه نأخرتي علي .. وما طرى لك تسألي ..
إنتظرتك عمري كله عمري كله .. وانتي حلم
للشاعر المبدع بدر بن عبد المحسن...
***************
مدري . . .
الزمن ماهو زماني ...
ولا .. انا طبعي غريب . . !!!
مدري . .
أحس أنهم ما يفهموني . .
و صعب يطلعون لمستواي . .
مدري . .
يمكن أنا مخلوق من ذاك الزمان . .
ولا أنا أخطيت المكان . . .
مدري . .
كل هذا ما همني . .
ولا نقص فيني شيئ . .
بس . . .
المشكلة . . وين بلقاها ؟ ؟
وين بلقى اللي من زماني ؟ ؟
و طبعها مثلي . . . . !!
غريب !!
مدري . . . . . . . . . . .
***************
عسى ما زعلتك البارح وزودت الجراح جراح
عسى ما مرت الدمعة على أهدابك من أسبابي
جرحتك من كثر شوقي وخليت الكلام رمـاح
ولادري شلون ياعمري طعنتك حيـل بعتابـي
بدون شعور صدقني ترى كثـر الغـلا ذبـاح
تعال وشوف بغيابك غـلاك شلـون سوابـي
حرام تغيب من عمري وتعطيني الفراق وشاح
حرام الدمع في عيني مناديلـه هـي أهدابـي
غيابك يشغل عيون الزوايـا وأمتلـي أشبـاح
وأنا أنثر صوتك بقلب المكان وأشعل أبوابـي
تلفت للأمل دام الرجا فـي عمـري الملـواح
أناديلك ولو شرهة وصولك تقطـع أعصابـي
أبيك الجاي من عمري أنا مابيـك شـي وراح
مدامك أجمـل وأخـر مدامـك أول أحبابـي
أبي أرتاح ياعمري أنا أدري هم تبـي ترتـاح
تعال وقبل ما أفرح ترى تفـرح بـك ثيابـي
أحبك يا بعد عمر الحزن والجرح والأفـراح
أحبك كثر ما نامت عيونـك داخـل أهدابـي
اتمنى ان تعجبــــــــــــــــكم
وهذي القصيده معروفه للشاااعر ((ســــالم الســـــياااار))
**************
لا بارك الله في السوالـف والقصايـد بيـت بيـت ان ما اظهرت مخزونٍ..في صدري عجزت استطلعه
اشتقـت للمغـرب وانـا فـأول نهـاري مابديـت وتبعت نجمٍ فـي الفضـا ضايـع وضيعنـي معـه
عز الله اني ماعرفـت الليـل ليـن انـي سريـت من يوم صار النـور مزعـج و المسـاري ممتعـه
المشكلة ما هـي بكثـر النـاس حولـي لا شكيـت المشكلـة دمـع ٍ نثرتـه ميـر عيـيّـت اجمـعـه
اصبت ماكني اصبت اخطيـت مـا كنـي خطيـت ناسٍ تشوف ولا تحـس الصـدق ترفـض تسمعـه
عجـزت ادور هالرفيـق اللـي بـبالـي مالقيـت والوقـت عاندنـي اليـا مـن كـن شفتـه ضيعـه
بحـق ربـي لا كذبـت ولا ظلمـت ولا جفـيـت افرح بمـن يقبـل علـيّ ومـن يقفـي مـا اتبعـه
سجيت رجلـي للجبـال وعندهـا جيـت وبكيـت هلّـت ابدمعـي واقنعتنـي ان فـي الدنيـا سعـه
من عقبها شفتك وانا ما قـط فـي غيـرك حكيـت سولفت بك عند الجبـال وقلـت هـذا مـا اروعـه
مادام حبي لـك مدينـة وانـت فـي قلبـي بنيـت اجمل بيـوت الحـب وصلـك لا تحـاول تقطعـه
جيتك مسافر ضيّع اليّمه وشـف مـن ويـن جيـت انـا دخيـلـك زابـنـك الـهـم عـنـي تقلـعـه
جيتك من اديـار تسـل اسيوفهـا بـي لا انحنيـت وادور اديـار عسـى قـدري وشـانـي ترفـعـه
جيتك و حزني ماليٍ وجهي ومـن فكـري محيـت كل السنين اللي مضـت كـل الطعـون الموجعـه
جيتك ادوّر للشقـى راحـه عسانـي مـا خطيـت يصعب علي اليا خطيـت اعيـد بعضـي واجمعـه
والله ما انسى من وقف بالضيق جنبـي مـا حييـت ومـا اسامـح اللـي ضيـق جهـاتـي الاربـعـه
للشاعر جديع الملعبي..
*****************
انتي نسيتي ::..
نقف في مرفأ الشاعر والراوي ..:: مساعد الرشيدي ::..
لنتمتع بهذه الكلمات الرائعه..
حتى لو كنتِ السنين اللي راحت
مااقدر انا احبك..
وحتى لو كنتِ الحنين اللي في جراحك
مااقدر انا قربك..
انتي نسيتي ..وكيف انا ماانسى؟
انتي قسيتي..وكيف انا مااقسى؟
ياصدى من غير صوت..!
مابه حياة من غير موت..
لو تدرين وش انا منه خايف..!
انه باقي لك من الذكرى حسايف..
اخاف شوق الالم..واخاف ذكرى القلم..!
اخاف يشكي السطر والورق..
اخاف يشكي الشقى والارق..!
ياذكرى الصحاري والجفاف..
يا يأسي اللي باقي واللي طاف..
ماعاد شي يربطني فيك
غير الشقى ان كان يرضيك..
حتى السنين اللي عطت
حتى الدموع اللي بقت..
صارت تخاف..!
*******************
عفا الله عن خطا غدر الخناجر والضلـوع ابطـال
بسامح واتركـك تحـت الظـلام الحالـك لحالـك
دخيلك وفر دموعـك تـرى هـدر الدمـوع اذلال
وترى ما فيه احد يصبر مثـل صبـري بغربالـك
انا عيب علـي أنقـض كلامـي والرجـال افعـال
واذا قلت اقطـع احبالـك ترانـي بقطـع حبالـك
عشان اكسب هدب عينك تجرعت العـذاب اشكـال
وليتـك تـرأف بحالـي علشـان ارأف بحـالـك
مسوي في حياتـي شـي مـا يذكـر ولا ينقـال
حشا حتى العدو وهو العـدو مـا يعمـل اعمالـك
تمسيني علـى الهـم وتصبحنـي علـى الغربـال
تقلطنـي فناجيلـك وتقـصـر عـنـي دلالــك
تحملت التعب لجلـك وانـا حملـي يهـد اجبـال
رحلت من العذاب ومـا وقفـت الا علـى جالـك
علامك كل ما جيـك متواضـع جيتنـي تختـال؟
معاك اليا متي بصبـر وصبـري معـك يحلالـك؟
مثل ما اقبلت لعيونـك لـزوم تلـد لـي باقبـال
ومثل ما قد حشمتك حس واحشم قلبي اشوى لـك
أنـا محـدن بجابرنـي أسايـر معـك هالمنـوال
ترى لانـي تبيـع لـك ولا نـي باصغـر عيالـك
أنا جيت اعشقك نبض ومشاعر ما اعشقك تمثـال
أنا جيت اسكنك واحياك وابقى فيـك وابقـى لـك
أنا جيت بظما عاشق تعـب يطـرد سـراب الـلال
أنا جيت استفز رضاك مـن فرقـاك والجـا لـك
أنا ما همت بك عاقل أنـا كنـت اعشقـك بخبـال
أنا ما كنت احبك حي أنـا كنـت اعشقـك هالـك
تخيل من كثر ما اخـاف تلقـى للزعـل مدخـال
أخاف اخطي على طيفـك وادوس برجلـي ظلالـك
تبعتـك والعـرب تتبـع رعـود البـارق الهمـال
وانا شفت المطـر يتبعـك فـي حلـك وترحالـك
كأن اللي خلق حسنك خلقني مـع جسـدك ظـلال
وصرت اقرب جسد يمشي معك باقفـاك واقبالـك
أبـي قلبـك يحـس انـه فقـد بمحبتـه رجـال
ملكته من هدب عين وخسـرت رضـاه باهمالـك
صحيح ان الفراق اقسى ولكـن الوصـال محـال
أنا صعبن علي أرضي غـرورك واضعـف قبالـك
بعـد مـا حققـت عينـي فبعـدك للرقـاد امـال
أعود للسهر؟ -- يا خـوي فـال الله ولا فالـك!
ببدل نظرتك فيني واجـي لـك كـل يـوم بحـال
بكون اقـرب مـن ثيابـك عليـك ولا تهيـا لـك
بالمك وانثرك واجمعك وارجـع وانثـرك باهمـال
بخونك وازعلك وارضيك وازعل منك وارضى لـك
أبرسم بالثرى وجهـك وابدفـن صورتـك برمـال
أبشكي للعـرب فرقـاك واضحـك عنـد عذالـك
أبهديك الوصال فـراق واهديـك الفـراق وصـال
بسوي مثل مـا شوفـك تسـوي وافعـل افعالـك
عشان تعرف من فينا الزعول ومن وسيـع البـال
أبيـك تـذوق فنجالـي وانـا بـذوق فنجـالـك
نصيحة واحتفظ فيها قصر معـك الزمـن أو طـال
أبي تسمع كلامـي زيـن وتحطـه علـى بالـك
اذا حبك هبال اطفـال لـك عنـدي هبـال اطفـال
ولا --- وابشر بعد بهبال حب مـا هـو بهبالـك
واذا قصدك تهين اسمي عشـان تشمـت العـذال
ترى لا انته ولا غيرك --- ولا عشرة من اشكالك
للشاعر الاسطوره.. حامد زيد..
**************
حاولت أدور لجرحك في قلبي اسباب .,,,, حاولت اشوف بعين ماهي بعينــــي
حاولت اكابر ومأقبل فيك عذر وأسباب ,,,,, حاولت اعيش في سنين ماهي سنيني
حسبت لطعون الايام عـــندي حســاب ,,,,,, إلاخطــــاك مـــاتـــوقعــته يجــيني
كنت بعيوني أقرب من كل الاقــــراب ,,,,,, لـــيه تقــتل حــــب بقلبك سجيــني
كابرت في حبي لين خاطرك طــاب ,,,,,, صبرت لين الصبر شال منه يديني
احتري قلبك وهو في دنيتي غــاب ,,,,,,, جرح شئ احسه زمـــان بخفوقي
سلمتك الــــمركب ولافيه ركـــاب ,,,,,, واسقيتك نبع الوفــــا من يديــــني
خليت دمعتي سيل على جفن الاهداب ,,,,,,, نسيت كل اللي عطـــيتك يميـــــني
ابي اعلمك إن الهوى فيه كــذاب ,,,,,,, بس وشلون وشعور الهوى مبتليني
ابي ترحم خفوق عاش مرتــــأب ,,,,,,, عطاك كل اللي بعـــــيونه ثمـــيني
تعال وخذني ولاتعذر بالاســـباب ,,,,,, الوقت هو الوقت بعبر سنينـــــي
***************
كفاية حزن يا سنيني كفاية جروح ويا آهـاات
كفاية ما قدرت أصبر على جرح ن يجي فينـي
كفاية والجروح تطيب وأنا حزني بكا بسكـات
كفايـة دوم تاخذنـي علـى كيفـك تمشيـنـي
تمشيني على كيفك وتبكينـي كمـا الدمعـات
وأنأ دموعي مثل ماهي على جرحـي تعزينـي
كفاية بشكرك وأروح على كل الذي قد فـات
على كل الجروح الي علـى حزنـي تقوينـي
على كيفك تبي نرجع على كيفك بعد ما مـات
على كيفك تجي قايل أنا صبري نسـى سنينـي
غريبة ما حسبتك يوم تجي وتعد لي البسمـات
تقـول أيامنـا راحـت وأنـا أيامـي تكفينـي
طلبتك لو بقى عندك بقى باقي غلا مـا مـات
أبي تبعد عن أيامـي عـن الـي كـان يدنينـي
أبي ترحل وأبي أرحل على درب طويل شتات
عن دروبك أنا برحـل وأبـي دروبك تجافينـي
لو احزانك تجي غابة أنا أحزاني تجي غابات
ولو دمعك معـك هايـن أنـا دمعـي يعنينـي
ولو طيفه غدر مره ترى طيفك غـدر مـرات
وأنا ماني مثل غيـري مـع حسابـه تقيسينـي
ولو عشتي الحزن ليله أنا عشت البكى ليلات
ولو ليلك طلـع غـادر تـرا قبلـه غدرتينـي
ولو عشتي الفرح ساعه أنا ما أذكره لحظـات
تراها حيـل تتعبنـي وتـرا دموعـي تعنينـي
ولو جيتك أنا راخي ترا ماهو لجل حاجـات
تراها بس أهي حاجـة وذي الحاجـة تربينـي
أبيها بس لو مره ولو فيهـا بعـض كلمـات
تعالي بس قولي لي عـن الـي لـه تخونينـي
أهو قادر يرجعها على دروبك بعـد غيبـات
يرجع ضحكك بعينـك وأنـا بدمعـي نسيتينـي
طلبتك لو تجي ليلة وقلـت نـرد للـي فـات
أمانـه لا تعيديهـا وروحـي هنـاك خليـنـي
أنا شخص ن يخاف الله ويرجي غافر الزلات
ترى ذنوبي بحر غادر ولـي رب ن بيهدينـي
للشاعر روح القصيد..
*****************
أنــا أمشــي كـثــر مــا أمشــي دروب الهـم تطــوينــي
أدور فــي ظــلام اللــيــل.. غــريـب وتــايــه ٍفــــكــري ,,
أشــوف الصـبــح مثــل الليــل يسهــرنــي ويبكــينــي
وأغــوص فبـحــر أحــزانـي وعينــي تحـتــوي فجــري ,,
أنــا مــن يــومــي وهمــي مثــل دمــي فشــرايـيــنــي
غــدى منــي غــدى كــلــي غــدى فــي دنــيـتــي وزري ,,
وحـيــدٍ مـا لقيـــت اللــي مـن جــروحــي يــداويـنــي
كتـمـت الجرح فــوق الجـرح وصـارت وحـدتي عمـري ,,
لقــيـت النــاس غيــر النــاس !! عطــاهـا مـا يكفيــني
أنــا ظـامـي مشـاعــر حيـل.. بــلاي النــاس مــا تـدري ,,
أنــا ما أطـلـب وسـخ دنيـا.. أنــا أطلـب إيـد تحــوينــي
تـضـمنــي وتمـســح دمـوعــي تشــد بــقـــربهــا أزري ,,
تمـر سـنيــن مـن عــمــري وأمــل بـاكــــر يعــزيــنــي
يــنــوّر نــوره الخـافــت.. ظـلامٍ ضــاق بــه صـــــدري ,,
ولا لـي فـوحــدتـي إلا.. قــلـــم وأوراق تــنـســـيـــنــي
عــذابـي والقــيـود اللــي فــرضــهـا للأســـف أســري ,,
أحـــس الحـرف بــأوراقــي يحــرك كـــل مـا فــيـــنــي
يهــيِّض روحـي العطـشــى..وأخـط مـن الألـم شِعــري ,,
صبـــرت وقلــت يــا دنيــا عــذابــك مــا قضــى فينــي
وأنــا بقلــبـي أضــم الحلــم وبعــيــونــي أمــل مقــري ,,
بظــل أمـشـي علــى دروبــك أدور عــن عنــاوينــي
أدور فـي زمــانٍ كــان عــن أخطــائـي.. مــع عـــذري ,,
لاادري من هو شاعرهاااا ولكنها فعلا جميلة جدا...
********************
********************
الغلطة ماهي غلطتك بالعكس صدقني
المـره هذي أنا اللي كنت غلطـــــــــانه
غلطانه لني تركت ايديك تحــــــــــرقني
ورضيت أبقى تحت رحمتك منهــــــــانه
صدقت إنك علـــــــــى قولتك تعشقني
واني أنا اللي تبيـع العمــــــر من شانه
شملي وجمعته عشانك يا مفـــــرّقني
وعمري قضيته على لقياك حلمــــــــانه
جيت اتنفسك وانته جــــــيت تخنقني
يـا قلب ضيّع مع الأيام عنـوانـــــــــــــــه
كم كان عندي أمل إنـــــــــــك تروّقنـي
وتمسح دموعٍ من الأحزان غــــــــــرقانه
كنت اتوقع قبل لاجيك تسـبقـــــــــــني
وألقى فقلبك بعد هالعمـــــــر لي خانه
حسبت لكن حسابي خــــان وارهقني
ولقيت نفسي في آخر شي خسـرانه
الغلطه ماهي غلطتك والله صـــــدقني
المره هذي أنا اللي جد غلطــــــــــــانه
@ تذكار الخثلان @
*********************
.*.*.*.
ليـــــــــه ..!!!
هذا هو اللي تبيه .. ؟؟
اني ارحل من حياتك
واشعل عيوني بــ ليه..!!
بس خلاص ..!!
هذا هو اللي قدرته ..؟
وقدرك ربي عليه ..
بذمتك هذا كلام ..؟
اني ارجع من جديد
ارجع افرش كل تعب
عمري وانام ..
زين لحظه..!!
لااسالوني الناس وينك ..؟
وان درو ضحكة عيونك
عن عيوني سافرت
ردت لعينك ..
بذمتك قول ..
وش اقول ..؟
قول قول قول قول
الله يخرب بيت بيتك
توني يادوبي بديت
بعت عمري واشتريتك
خطوه خطوه واشتريت
توني باطراف البدايه
مدري وشلون
انتهيت ..؟
ياخي حس ..!!
والله عيب اللي تبيه ..
اني ارحل من حياتك ..
واشعل عيوني بــ ليه ..
لاجبينك شمس واحساسك مطر ..
لاعيونك شوق وشعورك دفا ..
جبت لك بـ ايدي ..
ابتسامات العمر ..
ليه تكسرها على اطراف الشفا ..؟؟
شوف ..!!
بعثرني احتياجي بالنظر..
شوف ..!!
وجهي امتلا منك بــ افا ..
ماتجي منك ..
ولكن يابشر ..
منت اول من طعني بالجفا
ابرا منك كل جروحي بالسهر
ولاافكر من ورى قلبك شفا
ول ياقلبك ..!!
مايجيب الا القهر ..
ول ياعمرك ..!!
ماعرف طعم الوفا ..
والا انا ..!!
مثل النهر ابقى نهر..
من تحوسه ترجع تشوفه صفا ..!!
فيني والله احساس لامنه ظهر..
يشعل ضلوعك اذا قلبك طفا ..
هذا هو اللي تبيه ..؟!!
وهذا هو اللي قدرته ..
وقدرك ربي عليه ..
بذمتك هذا كلام ..؟؟!!
اني ارجع من جديد..
ارجع افرش كل تعب ..
عمري وانام ..
وين اروح ..؟؟؟
شلون اجيب لقلبي المجروح .... روح
هذا هو اللي تبيه ..!!
.*.*.*.
للشاعر المبدع سالم السيار..
***********************
ماكان قصدي
في يوم جرحتك دون ماأدري...وسألتني يومها....
تسألني عمري كم؟؟
اسألني عن اللي مضى وعن اللي راح
اسألني عن أوهام الليالي والجراح
تبي تسأل....؟؟؟؟،،،،،قول كم من أوراق فصلك طاح
كم جرح في قلبك باح؟؟
.
كم مرة لوّعتك أيام؟؟
وكم وكم خانتك أحلام
كم مرة غرستي ورود...وكم بوجهك ليقتي سدود؟؟؟
كم آه قالها نبضك...وكم دمع حرق قلبك
.
قول ...وش كثرها شموعك...وكم مرة انطفت
وينها انتي...ومن هي اللي بقت؟؟؟!!!؟؟
...وش كثرها أهدابك....وش كثر غرقت؟؟!!!!
......صارت بقايا أهداب ....بقايا شوف ....بقايا دمع...بقايا نبض
صارت أيامي جفاف ........كل مافيني جف
صارت ثواني بس عجاف.....كل اللي كان راح ..وهف
.
.
.
تبي عمري؟
احسب دموعي...وعدّأوراقي اللي ذبلت
احسب جروحي.....وعد شموعي اللي انطفت
عدّها وبتعرف عمري كم!!!!!!!!!!!!!!!!!!!!
اعذرني....ماكنت أقصد....واللي خلقك ما كنت أقصد
واعذروني على كلامي...وعلىحروفي اللي ضايع نصّها ...أو بالأحرى كلّها
**************
ياصاحبي جيتك أبشكي لك عن أحوالي
جيتك ومدامك رفيقـي ليـه أطولهـا
العلم ومافيه ياأول وآخـر آمالـي
عندي رساله ولادري كيف أوصلها
اللي سبتني وانا من قبلها سالي
أبيك توقف معي وتروح تسألها
وش فيها تفتح علي أبواب عذالي
وتحّمل النفس حاجه ماتحملها
وش فيها رغم الوفا تتركني لحالي
وأنا لجفاها تركت الدنيا بأكملها
وأن كان هذا زعل علمها يالغالي
ماكان قصدي ورب البيت أزعلها
علمها واللي يخلي قلبك الخالي
عن ضيقتي وين وصلت من تجاهلها
علمها كم لي وأنا ماشلت جوالي
كله على عشان ماأقلب رسايلها
علمها وشلون لامرت على بالي
أروح وأضم صورتها وأقبلها
وعلمها كيف أنشغل عن كثرة أشغالي
واسرح وأغمض عيوني وأتخيلها
علمها عني وعن همي وغربالي
علمها عن كل حاجه في تجهلها
وان شفتها دنقت تبكي على حالي
أنسى الكلام وتذكر كلمه وقلها
قل شاعرك :بيعتذر ويعاهدك تالي
أنه يرتب حساباته من أولها
ويقول:حتى القصيد اللي على بالي
والله ماعاد أكتبه كانه يزعلها
وهذة القصيدة للشاعر الذي طالما عشقت شعرة..واحببت جنونه
اسطورة الشعر فهد المساعد...
حاولت اكابر ومأقبل فيك عذر وأسباب ,,,,, حاولت اعيش في سنين ماهي سنيني
حسبت لطعون الايام عـــندي حســاب ,,,,,, إلاخطــــاك مـــاتـــوقعــته يجــيني
كنت بعيوني أقرب من كل الاقــــراب ,,,,,, لـــيه تقــتل حــــب بقلبك سجيــني
كابرت في حبي لين خاطرك طــاب ,,,,,, صبرت لين الصبر شال منه يديني
احتري قلبك وهو في دنيتي غــاب ,,,,,,, جرح شئ احسه زمـــان بخفوقي
سلمتك الــــمركب ولافيه ركـــاب ,,,,,, واسقيتك نبع الوفــــا من يديــــني
خليت دمعتي سيل على جفن الاهداب ,,,,,,, نسيت كل اللي عطـــيتك يميـــــني
××××××××××××××××××××××××××××××××××××××××
روعه قلوبه ومشكووووووووووووووووره
بصراحه ماقريتها كلها بس كل شي منك حلو ياحلو