قصاااااااايد

هذه القصايد من اختياري اتمني ان تنال علي اعجابكم....

قالوا مريضه والمرض حولها حام ..... تشكي ولا حدٍ عارفٍ وش بلاها

امن الخبر عييت لا اهج ولا انام ..... والعين عيا لا يهّود بكاها

لايا طلال ياخوك والله ما انلام ..... لو ان عيني نثرت كل ماها

صيحيح راحت وانتهت كل الأحلام.....لا شك باقي بالظماير غلاها

احبها عــد الليالي والأيام ..... وعـد النجوم الساريه في سماها

واعداد ما طافوا على البيت بحرام ..... وعد الطيور الطايره في فضاها

احبها رغم انها صارت اوهام ..... ورغم العذاب اللي حصل من وراها

عايش من الذكرى على مر الأعوام ..... بس اتذكر ما مضالي معاها

يالله يا رازق ضعيفين وايتام.....يا واحـدٍ رحمتك كـلٍ رجاها

افـرج لها يارب في جاه من صام ..... انـت الذي يارب عندك دواها

***************************************************
***************************************************
راسك علامك رافعه يوم احاجيك .....الضاهر اني فوق حجمك عطيتك

لحظه نبي نرجع دقيقه لماضيك ..... بذكرك في أي حاله لقيتك

كان الضياع ودمعتينك تخاويك ..... منهار وفي عز انهيارك خذيتك

وارخصت عمري لجل احبك واداريك .....هدمت قصر الذل فيك وبنيتك

كان الغلا شمعه تنور لياليك ..... ولو اظلمت دنياك جيت وضويتك

يالاسف كنت امدحك وافتخر فيك .....رفعت من شانك وعليت صيتك

كنت انت عندي غير ومقدر اخليك ..... واموت واحيا ان قلت سم وفديتك

واليوم اشوفك خنت حتى مباديك ......صغرت في عيني وانا اللي هويتك

الضيف لو انه عدوٍ معاديك .....غصبٍ عليك تقدره وسط بيتك

ياصاحبي بتموت ماني براجيك ..... واشره علي انكان حتى طريتك

لاصار ذل النفس في قلب يغليك ..... يلعنك ياقلب ٍ عشقك وشريتك

اضحك حبيبي دام وقتك مسليك ..... باجر تموت من القهر لا نسيتك

****************************************************
****************************************************

حسبي عليك بجرح قلبي تمكنت..... ادخلت الغدر فيه وجرحته

وانا نسيت اني عرفتك على النت .... كنت اعتقدك اوفى عشير عرفته

واثر الغلا زواال ياسرع ماخنت... كم واحد غيري بزيفك عشقته

ونا تراي يابنت لامن غبت غبت ..والشخص لامني كرهته كرهته

ما اذل نفسي وارخي الراس يابنت ....والي بغى فراقي ترى ماجبرته

فسي عزيزة وافهم العلم لاهنت... الذل مايوم بعمري تبعته

رفضت غيرك وانت بالحب مالنت.... ياقرد حظي يوم غيرك رفضته

واذا الغلا يرجع على معرفه نت انسى الذي بيني وبينك كتبته

*************************************************
*************************************************


ناديتلك في عال الصووت واقفيت ..... ناديتلك وانا احسب انك تجيني؟

صديت ما كني من الشووق صديت ..... هذا جزى ماصار بينك وبيني

وش مقصدك في صدتك يوم صديت ..... وانا على شووفك تزاايد حنيني

مدري كبر ؟ مدري عليّه تغليت ..... مدري تبي فرقاي ؟ مدري تبيني

ليتك بكل اللي حصل لي حسيت ..... ليتك تحس بدمعتي والونيني

ليتك مثل ماني مقاسيه قاسيت.....ليتك ولو مره معايه تليني

عذبتني وانا بحبك تماديت ..... ترقد وانا ما ذاقت النوم عيني

*************************************************
*************************************************

اليــــوم لــو صديت مــا همنــي شيء.....عنــدي تسـاوت صدتــك والتفاتـــك

هــــذاك يومنــك بدنيــا الهــوي حي.....من قبــل لاوقــّع شهــادة وفاتـــك

راح الزمــان اللـي بــه يديــك بيدي.....يوم انت تشكي لي مشــاكل حياتـــك

حلــمٍ خذينــــا بــه زمانيــن واشوي ..... قبل القطاعـه لا تجــي من صفاتـــك

عشره ومــرت وانتهــت مــا اثــرت في ..... ذكـــرى وسجلهــا ضمـن ذكرياتـــك

********************************************************
********************************************************

ياللي جرحت القلب بالك على الروح..... قلبٍ جرحته لا تلحقه روحي

جرحتني بجروح والقلب مجروح ..... سببت لي اجروح زادت اجروحي

عذبتني من غير معنى ومصلوح ..... وراك ما تاوي لقلبٍ نصوحي

عليك قلبي جاوب الورق بالنوح..... اقول يصخف ون سمع صوت نوحي

لو قلت لك مسموح ماني بمسموح..... روحي تعاتبني وخطرٍ تبوحي

لو لا الحيا يا معذب الروح لبوح ..... واصيح باٍسمك والمخاليق توحي

****************************************************
****************************************************

لحظة عناد اللي بنينا هدمناه ....... في سيل هجرن مارحمنا في سيله

كلن تناسى والغلا مانسيناه ....... بقلوبنا ثابت ولحدن يزيله

من يوم فارقته على البال ذكراه ......... من وين ماراحت عيوني تخيله

لوابتعد ما فكر القلب يجفاه ......... ولا كنت افكر يهتويني بديله

ايست من شوفه وحبه وطرياه ........ وايست من عقب البطى شوفتيله

لا شك بالصدفة تلاقيت وياه ......... من بعد غيبات السنين الطويلة

شفته وكلن هل دمعه من اقصاه ....... حتى الجسد عيى القدم لا يشيله

اقبل ويمسح دمع عينه بيمناه........... في شوفتن فيها الاماني قتيلة

وكلن ذكر ذاك العناد وخفاياه ........ وآخر عهود الذكريات الجميلة

المشكلة ماهي بشوفه ولقياه ....... المشكلة شين يزيد المليلة

معها صغيرن توها تدرج اخطاه........ يمشي يباريها وهي تحتميله

ماخذ ملامحها حلا في حلاياه ...... سميت بالرحمن من نظرتيله

جيته وضميته ودمعي تغشاه ........ مغير اضمه في يديني واشيله

قالت خلاص ارجوك يكفي معاناة ..... قطعت قلبي وش بقى نرتجيله

غلطة عمر مني ومنك تركناه ........ ذاك الغرام اللي بقلبي عليله

من يوم فارقتك وقلبي ببلواه ...... طيفك معه في كل يوم وليله

والحين بعد اللي حصل ويش نرجاه ...... شين انتهى مافيه باليد حيله

كلن عسى الله يسعده في نواياه........ هذا قدرنا والقدر ننحنيله

وردت تقول أسئلك بالاه بلاه ....... حبك لطفلي وش معنى دليله

من يوم ماشفته اشوفك تنشاه ..... كنه غلا روحك وقلبك عديله

كنك تبي قربه وكنك تمناه ........ مستغربه من فوق صدرك تشيله

وش هالغلا حبك ودمعك على شفاه ....... ضميته بصدرك وكنك دخيله

قلت الغلا هذي بتالي بقاياه ........ طفلك أشمه لجل قربك أخيله

وقلت المثل ياخال أحبك ومعناه ...... من ريحة أمي فيك ريحة مثيله

وسلامتكم