من الحزن الى الصديق الضجر:

بين الحنايا 00 ذيب 00
مكسوره انيابه 00
شقق عواه القلب 00
تحت الجفن شوكه 00 تسهرني كتابه 00
وهذا الزمان الصعب 00
لو غاب 00 في غيابه 000
قمر الحزن بيغيب 00
بيني وبين الآه 00
اني اطلق ضلوعي 00
تركض في هاالشارع 00
بيني وبين الدمع 00
اني أسأل خضوعي 00
ليه الشجر فارع 00
بيني وبين الناس 00
آكل الم جوعي 00
وما بيعهم إحساس 00
يبكي ورى الألواح 00
ناي للحزن مجروح 00
يا اللي نبي فراقه 00
ويا اللي تبينا نروح 00
ليه تقفل الابوب 00
حنا سكنا دروب 00
وما للألم سارق 00
ونعاتب الاحباب 00
وما بينهم محبوب 00
نلقاه 00 ونفارق 00
اصبر معي 00 لاباس 00
روزنامه في صدري 00
ويمضي العمر انفاس 00

نهر فضه:



زينٍ رفعت الراس .. وزينٍ تقضّه
شَعرك سواده ليل .. والخد ياضي
لا يا قمر يا شمس .. يا نهر فضّه
لا يا خزامي الروض .. ورد الفياضي
لا .. ما بقي لي كود الابهام أعضّه
مستسلمٍ لك .. خاضع النفس راضي
أبني جدار الصبر .. وزينك يقضّه
صعبٍ رحيلي عنك .. صعبٍ مراضي
كل ما أصد بطرف عيني .. وأغضّه
عنك انشبتني العين والدمع فاضي
مديت لي كفٍ صغير .. وبضّه
وقضبتني .. عن نزعتني .. وانتفاضي

استبد :

استبد..استبد احيان
استمد كل هذا الظلم من ألمي
اتحد من راسي .. لقدمي
واضرب بعواصفي وبزلزالي
واهّدم الناس .. واهدّم بحالي
لين استرد بعض اثيابي من الريح
ولحمي من الشوك..
وابتعد..ابتعد

واحيان ما املك العواصف .. ولا الزلزال
ولا حتى .. فـ الهجير .. ظلال
لكن استبد..استبد باللي عندي
اضرب بيدي فـ الهوى..بجبيني فـ الصخر
لين اتعب ..اتعب..وانهمد
مثل طفل اضناه البكا.. والسهر
وانتي آخر ماأعد في عمري
واجمل ما أعد

اعشقي ظلم الغصون الخضر للحطاب
والجلد للأنياب..والجفن للسكين
اعشقي هـالظالم المسكين...
واتركيني انصهر في الشمس
والا ارتعد في البرد
لكن استبد..واسترد اثيابي من الريح
ولحمي من الشوك
وابتعد .. ابتعد

بيجيني السفر:

مربوط بالضي ..
مقيِّدٍ بالظل .. مسجون في الناس ..
مديون لكلمةٍ حلوه .. مرهون لي أنفاس ..
قولي لي .. وش أسوي ..
ملعون هالإحساس ..
لو هو حلو وافر ..
قاضبني لا اسافر..
بـ الهون ..لا تكسري هالقيد .. كله أصابع ..
خليني أفك أصابع الحاير المسكون .. بالخوف ..
عن زندي الخادر ..
يكفي مواجع ..
أظنني قادر على الوقوف ..
وقادر على الترحال ..
بس اصبري ..
لا تسافري .. الين أقوم ..
بالله لا تستعجلي ..
لا تزعلي مني ..
أوراقي وثيابي .. خذيها معك ..
بس افتحي بابي .. وخليه ..
في يوم بيجيني السفر ..
ويدخل علي .. واهج مثل الناس ..
قول وش أسوي .. ملعون هالإحساس ..
لوهو حلو وافر ..
قاضبني لا اسافر ..

سهر:

سهر.. والدنيا نعسانه .. سهر
والفرقا كانت عن حبايبنا .. قدر
والجرح نزف الدمعتين .. والدمع شباك الحزانا للقمر ..
ِبِعد الأمل .. لما ِبِعدت وفرحي راح ..
ِبعد الزمان .. عني .. وعن عيني الصباح ..
ذي الفرقا كانت عن حبايبنا قدر ..
والجرح نزف الدمعتين .. والدمع شباك الحزانا للقمر ..
آه .. من حنانك .. لسا مالي بالدفا كل الوجود ..
وآه .. يا حبيبي .. لو بعادك كان جفى والا صدود ..
ذي الفرقا كانت عن حبايبنا سهر ..