قصةاثرت فيني مره

السلام عليكم
هذي القصه لأخو صديقتي الله يرحمه توفى قبل خمسة اشهر اثرت فيني مرره كان اخوها طيب جدا ويتعامل بأخلاق وحنون ولا يعرف لا لف ولا دوران حصل له ظلم من ناس قريبين له ووكل امره الى الله لأن ما بيده شيء
هو طبعاالله يرحمه ويغفر له كان عمره 36 سنه وما كان يصلي ابدا لانه كان عنده دوام ثقيل ولسا شاب يعني غفله ما ابرر له طبعا بس لمن سألت اخته ليه مايصلي ردت لي كذا انه بسبب الدوام بعدين زار اخته قبل ما يتوفى وفرش السجاده يصلي. كان وقت صلاه فاستغربت مره وقالت له مبارك اخوي من متى وانت تصلي فقال لها انه رأى في المنام كان احد فتح عليه الغرفه كان وجهه نور ولابس ابيض وكانت الغرفه مرره مظلمه وما كان يشوف لوجهه كأنه زعلان منه مرره قال له ليش ما تناظرني اشر له فقط ان يلحقه فلحقه فتح غرفه ثانيه كانت منووره وفيها سجاده ومسبحه قال لو صلي اولا فصلى بعدين الرجال ضحك له ساعتها وانتهى الحلم فقال لاخته انه من ساعه ما رأى المنام ما قطع اي صلاه وتغير وصار يسبح كثير ويذكر الله وما قعد الا اربعين يوم وتوفى بحادث الله يرحمه ويغفر له
تأثرت مره بها القصه وعرفت كيف ان الله تعالى رحيم بعباده لان المتوفى كان طيب وما كان يحقد على احد ربي كتب له حسن الخاتمه احسبه كذلك ولا ازكيه على الله
اللهم ارحم موتانا وموتى المسلمين
حبيت احكي لكم القصه عظه وعبره وكيف ان صفاءلقلب من الاحقاد ينجي صاحبه و مهم افضل من العبادات وانت قلبك مليان حقد وامراض