بــآك

* .. تخرجت الحمدلله وفتها .. قدمت على جامعة فيها نفس صحبتي اللي من النت عشام ندرس في نفس الجامعة هيا كمان متخرجة بس هيآ جاتها ظروف وماقدمت وانا فاتني موعد المقابلة خصوصا انو في منطقة بعيدة عن منطقتي .. المهم مرا تحطمت وقتها ودخلت قسسسم ماحبو ولا راغبته بس قلت امري لله .. الا الان اكره القسم اللي دخلته .. آدمنت الشاتات للاسف وصار وقتي كله عليها وصرت اعاند امي علي اي قرار تتتخذه في حقي انا مقهورة من انها حرمتني من اللي يحبني نسيت اقولكم ولد عمي الكل يشيد باخلاقه بس لانها هيا ماتحب اهله وبعدها عرفت من بنت اخته انو ماقدم على الجامعة وشافو لو وظيفة عشان يتقدم لي قبل لاحد ياخذني وانحرقت اكثر.. امي صار تتآمر فيني بشكل ماتتخيلوه كلو عشان تتضغط عليه اوافق على ولد عمي الجامعي وانا مآبغاه قلت لها مابغاه عشان تبطلي تتخذي قرارارت عني .. تدرو كرهتني حياتي وتقولي محد بياخذك ليه بياخذوك ايش فيك بتجلسي عالة علي كانت تحطمني .. في يوم حضرت زواج ولد خالتهم واسلوب بنت عمي كان معاي مرا زفت شافتني جالسة ماجات تسلم ولا شيء وبعدين جات تسلم وكانها متقرفة مني عرفت انها ماتبغاني لاخوها رحت قلت لامي ترضيها على بنتك اتزوج واحد اخته ماتبغاني ..على العلم انو بنت عمي كنا اصحاب مرآ واخواتهم احسهم عادي وسط لا كذا ولاكذا مرا قالت لي اخته الكبيرة محد بيعدلك غيري .. دخلت الجامعة وتعرفت على بنات وصادقتهم وقلت لهم اسراري وكان كويسين *_* في البداية بسس حسسوني بمعنى الصداقة والاصدقاء اول سنة بس هههه تخرجت من سنة اولى وولد عمي تخرج من الجامعة وجو بيرسمو الخطوبة انا كنت رافضة مرا بس فكرت وقلت عادي باخذه عشان اريح امي مني وقلت بصلي استخارة وصليت ووافقت يوم جا عمي يحددو الموعد انا بكيت وقلت لامي الحين تطلعي وتقولي لابوي اني مابغى اهم شي رفضنا وانتهت السالفة وبنات عمي كرهوني اكثر والله ماعرفت لهمم .. ( وقتها كان رمضآن اللي فات )

* آصعب شي في الحياة ان تحس الكره من اهلك

يتبع

بــآك

برجع ورآ شويا قبل 9 شهور من رمضان في شهر محرم سويت آكبر غلطة في حيآتي انا لما كنت ادخل الشآت اعطل خآصية الخآص وسوالفي كلها قدام الكل كنت مفكرة كدا انو خلاص ارضيت ضميري طبعآ انا معروفة اني قشرآ ف الشآت وماعطي الشباب وجه الا كم واحد وكلهم يقولو لي اختي .. في يوم جآني نك بنت وقالي انا صديقتك آفتحي الخآص انا فتحتو لهآ طلع ولد وقال مالقيت الا اني اتنكر واكلم بنك بنت لاني عارفة انك مابتفحي الخآص قلت لها عآدي انتا اخويآ هدا كنت اعتبرو زي اخويا والله وكنت دايما اشوف انو اخلاق ومثالي واحلم اني اتزوج واحد مثله قال ابطلب منك طلب بس خايف ترديني قلت له امر قال ابي اضيفك على الايميل لاني بترك الشات ان ترددت ف البداية بس بعدين قلت انا اعرفوا ول مادخلت الشاتات مافيه منو ضرر اضفته سولفت معاه شوي وصكيته بلوك بعدهآ بكم فترة دخلت المسن وماحصلت احد غيره متصل قلت بفتح واسولف شوي قال فينك وقلقتيني عليك ومن الكلام دا تبغو الصرآحة اول مرا آحد يقولي كدا في حياتي كلهآ حتى من اهلي ماعمرو كان احد يلقلق عليه .. وجا في بالي موقف ساعتها افتكرت يوم تعبت على اهلي توقعت اموت هداك اليوم جسمي كلو بارد ومزرق وارتجف ابويا ماكان فيه جا خالي وشالني المستشفى افتكر امي بدل ماتطبط عليه كانت تقولي اسمعي يابنت ياياويلك لو قلتي لاحد انك تعبانة من زميلاتك مابغى اشوف ولا وجه وحد فيهم مو فايقين لمصااختهم كنت اسمع خالي يقولها مو وقته الله يهديك البنت بتموت بعدها فقدت الوعععي وماصحيت الا وانا في المشفى .. بصراحة المني الموقف دا مرة والحمدلله قمت بالسلامه طلع عندي سوء تغذية
.. نرجع للمسن انا استغربت الاهتمام قال انا بفاتح بموضوع انا احبك من سنتين ومو عارف كيف اقولك وخايف منك انك تكرشني لانك ماتكلمي شباب ووتعرفي عليهم وخايف اعترف لك واخسرك بس دحين خلاص مو متحمل .. انا سكتت قال لاتردين فكري في الموضوع ومو مهم تحبين اهم شي تكوني معايه
قلت لصحبتي اللي من النت السالفةة : قالت عادي طقطقي عليه لاتحبيه بس انتبهي تعطيه معلومات عنك او صورك او أي شيء انا اكلم صح بس مكالمات لا اطلع ولا اعطيهم شيء عني اهم شي حذرتني كثير كآن نفسي وقتها تقولي لآا انتي مو راعية هدي السسوالف لاتمشي في الطريق دا أي شيء ..
خربت كل شيء كنت دايما انصحهآ ودحين سرت زيها .. هيا حبوبة ومافيه احسن منهآ بس كانت تقولي انا ابغى احد يهتم فيني فقدت ابويا وانا صغيرة اخواني دايما يضربوني انا اتسلى بس واستحالة احد يلعب عليه ها كلامها

يتبع

ياااعووومري
الله يسامح بعض الامهات
كثير امهات يقسون على بناتهم من باب الخوف عليهم لكن للأسف بإسلوب خااااااااطئ
صدقيني مافي ام تكره الخير لبنتها
لكن للأسف بعض الأمهات ما عندهم إسلوب
ويتسببون في امراض نفسية لبناتهم
حلووو الحياء لكن للأسف إذا كان بزيادة يكون مردودة جدا جدا جدا سلبي
لازم الوحدة تكون قوية مو همجيه بس تكون قويه في حقها ولا ماتعيش

بــاك

سرت اكلم الولد مسن 24 ساعة وقبل لاانام او في الجامعة اكلمو طبعا اقول لصحبتي كل شيء وايش يسير بينا حسيتها تغيرت
وماسارت تسولف زيي اول معآي فعلآا تغيرت حتى الجوال ماصرنا نكلم بعض كثير قلت للولد قال يمكن انها غيرانة او لانك بعدتي عنها انا مابعدت عنها انا بالعكس كل يوم اكلمها بس مو زي اول .. قال انا عندي فكرة خلاص خليها تكلم صاحبي وهوا زي بالضبط وبيسعدها انتي كلميها قلت لو لا استحالة قال خلاص سوي محادثة جماعية وكلمها ووافقت بس صاحبو عذبها مرا وكان يبغى صور ومقابللاات معها بس هيا مآتحب ويفترقو ويرجعو وانا احس البنت شويا شوي تبعد صار هروجنا مع بعض كلو كيفك مع فلان وهيا كمان تقولي كيفك مع فلان طبعا علاقتي مع الولد تطورت وصار يعرف عني كل شي حتى بيتنا فين وتسير بينا مشاكل ونتصالح ومرا دخلت المستشفى عشانه طبعا في علاقتي سارت اشياءءءء كثييييير مرا بس اخر شيء اللي فجعني يوم قال ابغاك تصوري <صدرك< انا صحيت وقتها في احد يحب وحدة يرضاها عليها بعدين قلت يابنت هوا مايحبك ولا شيء هو يتسلى فيك كل حاجة مرت قدامي بديت استوعب المصيبة اللي سويتها اني اكلم وفي علاقة حرام * حرام حتى لو كانت مكالمات جوال وممممسن بسسس كمان حراممم وقتها تركته وقررت اني اتوب خلاصصص والحمدلله ربي اعاني حذفته ومسحت كل شيء يخصه الحمدلله بس ضميري يانبي نفسي تلوموني انا ليه سويت وهوا والله ماتركني في حالي على الواتس واتصاالات وو و يرسلي انو يحبني انا عارفة انو مايحبني ولاشيء بس يبغى ينتقم لان الشباب عندهم شي كبير انو بنت تتركهم غيرت رقمي وخلاص شلته من حياتي للابد من جد انتبهت على دراستي اللي كنت نازلة فيها مرا وكمان صحبتي تركت صاحبه وتقول انها ماتكلم بطلت على كلامها
الحمدلله على كل حال تركت الشاتات والبنات اللي اتعرفت عليهم من الشات انهيت علاقتي فيهم
وآحسنت علاقتي مع ربي

يتبع

· بسس جلست اتواصل مع صحبتي اللي تغيرت 180 درجة عن اول ماعرفتها هيا معايا بيبي وانتو تعرفو كيف لما احد يشوف تحديثاتك لما تكلميه مايرد عليك ماكنو في يوم كنا اصحاب وكنت اقولها انتي احسن وحدة تعرفت عليها في حياتي واقرب صحباتي والاسرار اللي بينا وثقتي الكبيرة فيها وهيا عارف نسيت ذا ولا كانو اصحاب وانا ما بغى اتركها لآنها هي الوحيدة اللي في حياتي كانت تسمع لي وتزعل عشاني وتسال عني دايما اكثر من صحباتي اللي معايا ماقدرت اتركها مهما سوت لي ..صحباتي الجامعة طبعا انتهت الدوامات لاحس ولاخبر .. اهلي طبعا امي ماكلمها الا تهزيء وخصام وتحب تتامر فيني امسس كنت انظف المطبخ ومن العصر شادة حيلي اخذت مكنسة الغرف بالغلط والله توني ماكنست بها جلست تخاصم كاني مسوية جريمة والنتيجة اني ماتسحرت معاهم هههه وقمت اليوم سويت المنتو بس ماعرف افتح الفرن ماحد رضي يفتحو لي انا اخاف من الفرن لآنو مرا كمان محد رضي يفتحو وفتحته بنفسي وحرقققت من يومتهاخاف بعدين فتحت اختي بعدا طلعت روحي لما اجو يرتبو السفرة ماخذوه اخذت لي منه شوي واعطيتهم الباقي و مافطرت معاهم لانهم مسوين على عددهم وماحسبوني فهمتها انا دحين كمان ماتسحرت هههه > لآزم اطلعكم على اخر الاحداث هع .. ا اختي اصغر مني بسنتين دايما هيا مخطوبة ماشاء الله لما انخطبت والله بكيت من الفرحة دايما تقولي انا احلى وانا مدري ايشش بس اطنشهآ اخواني مايحترموني ولما اعاتب او الوم يقولو انتي حساسة وانا احس مرا مو كذذا محد يسمع لي ولا اهرج احد وطول الوقت ساكته ولوحدي وخلاص تعودت على الوحدة دايما ابكي واقول ليش انا كذا اهلي معاي وصحباتي حتى صحبتي اللي من النت والكل ضدي وحظي مو تمام .. بسس على ذا كلو صابرة ومحتسبة وعارفة بيجي يوم ويتغير كل شي واكيد لربي حكمة في كل شيء يصير لي ومرا متفائلة واستحالةة ارجع للطريق اللي مشيت فيه اول لو اموت من الوحدة ماراح اصلح غلط بغلط بنآت آقسم بالله العظيم انو أي شاب تعرفتي عليه من النت كذاب والله عن تجربتي انا وكثير بنآت مهما كانت ظروفك قاسية لاتمشي في الطريق ذا ابدا ومحدبيفيدك غير صلآتك وربك انا لما اصلي احسسسس براححححة وكاني مالكة الدنيا على كل المشاكل اللي مواجهتني في حياتي وبسس
مشكورين كل اللي تابعوني وتقبل الله صيامكم وقيامكم J