قصة أخ ... وأخت ... اكتبها .. للفائدة ...
- مساء الخير ..
- مساء النور ...
- كيف حالك .. ؟
- الحمد لله بخير ...
- وش فيك ... ؟؟؟ مالك شايلة هموم الدنيا على راسك ..
- واللي يرحم والديك ... اتركني ... مالي خلق أكلم أحد ... طلعت نتائج الثانوية العامة .. ونسبتي تفشل ...
- ليه ... كم نسبتك ..؟؟
- 89% بس ..
- بس .... وش ذا الطمع ... نسبتك حلوة .. وكويسة ... قولي الحمد لله ... غيرك ما حصل ...
- حلوة ... وكويسة .. !! الله يسامحك ... صحيح إنك رايق ..... وأي قسم راح يقبلني ... بهذه النسبة ...
- أي قسم ... !!! ليه ... من قال إنك ... لازم تدخلي الجامعة ... وتكملي دراستك .....؟؟
الحين أنتي ما شاء الله عليك ... متعلمة ... ودارسة ... وتخصصك علمي .. بعد ... يعني حصلتي تعليمك الأساسي ... كامل ...
ليش ما تفكرين في أي شغلة ثانية غير الجامعة .... ليش ما تبدأين مشروع تجاري مثلاً ... تستغلين فيه مواهبك ... وقدراتك ... خاصة إنك – ماشاء الله عليك – لدايك .. قدرات .. وسمات شخصية تؤهلك لخوض مجال العمل التجاري ...
أقولك شغلة .... تذكرين ذاك اليوم اللي جمعتكم فيه كلكلم ... أنت والوالد ... والوالدة ... وبقية الأخوان والأخوات ... وسويت لكم اختبار تحريري ...... تذكرين ... ؟؟
- إيه أذكر ... وش فيه ذاك الاختبار ...
- ذاك الاختبار .... قدرت من خلاله أحدد السمات الشخصية لك واحد منكم ... وقدراته ... ونقاط القوة والضعف فيه ... وإيجابياته ... وسلبياته ....ومن خلاله عرفت سماتك ... وصفاتك الشخصية ... وإيجابياتك .... وسلبياتك ..... ومن بعده صرت مطمن ... عليك .... ومتفائل خير بالنسبة لمستقبلك ...
- بس .... بس .....
-بس أيش ؟؟
يتبع ...
22
2K
يلزم عليك تسجيل الدخول أولًا لكتابة تعليق.
همس طيبه
•
في الانتظااار
- زميلاتي ...
- وشبهن ...
- كلهن راح يدخلن الجامعة ... ليش أنا لا ... تكفا واللي يرحم والديك ... شف لي واسطة ...
- الحين ... وش عليك من اللي يدخل الجامعة .... ومن اللي يخرج منها ... فكري بنفسك ... وبس ... فكري بمشروعك ...... مشروعك التجاري هذا راح يكون فرصتك ... لإثبات ذاتك ... وتحقيق أحلامك .. وطموحاتك ... واستقلاليتك المادية ..
وبعدين تعالي قولي لي .. دخلتي الجامعة ... وبعدين ... تخرجتي .... طيب وبعدين ... مردك للبيت ... وبتجين تقولي لي : تكفا واللي يرحم والديك شف لي واسطة أتوظف ...
طيب ... شفنا لك واسطة وتوظفتي ... وغالباً راح تتوظفي في مدرسة أهلية ... كم راتبك ؟؟
2500 ريال ... ثلاثة ألاف ... أربعة .... خمسة .... بس ... هذه هي قيمتك ... قيمة فكرك ... وجهدك ... وتعبك .... وشقاك .... طول الشهر .. تكرفين من 7 الصبح لوحدة ... ثنتين الظهر ... خمسة أيام في الأسبوع ... وفي الأخير ... هذا راتبك ... ومدخولك ...
صراحة ... أستغرب منك ... ومن كل وحدة ... همها ... وين .... وكيف ..... تلقى وظيفة ... وبس .... وهي ما شاء الله عليها ... مواهب ... وأفكار .... وطاقات ... وقدرات ..... بس ... إنها مضيعة نفسها ... ما غير تطامر في ها المنتديات ... تكفون شوفوا لي وظيفة .... اللي توظفيني لها اول راتب ... مين توظفني ولها عندي الحلاوة .... الخ ... واحسايف والله ...
- تصدق عاد ... كلامك صحيح 1000% ... والله معاك حق ... الحين 6 سنوات ابتدائي ... 3 متوسط ... 3 ثانوي ... 4 جامعة ... 16 سنة دراسة وآخرتها 2500 ريال ...
أقول يا اخوي ... شورك وهداية الله .... شور علي ... وانا معاك ... أبتوكل على الله ... وبأبدأ مشروعي الخاص ...
لكن ..... يا اخوي ... ما قلت لي ... من وين راح أجيب ... دراهم لمشروعي ... ؟؟
وبعدين ... وش هو المشروع اللي راح أبدا فيه .... ؟؟
وكيف راح أبدأ .... ؟؟
وإذا فشلت ... وخسر المشروع ... أيش راح أسوي .... ؟؟؟
- شوي ... شوي ... يا وخيتي .... وراح أجاوب على كل أسألتك ...
شوفي ... ياطويلة العمر ...
يتبع .....
الصفحة الأخيرة