أسطـــــول الحريه @astol_alhryh
عضوة نشيطة
قصة أسطــــــــــــــــــــــول الحريه
السلام عليكم ورحمة الله وبركاته .. قصة حياتي.. وثقو ا يامن تقرؤن قصة حياتي أنكم ماتقرؤن الأ الصدق .. أنا عشت حرمان الأب منذ ولادتي وفتحت عيناي على هذه الحياه وأبي قد شهر سيف الطلاق .. فالطلاق ليس لعبه .. بل هو كالسيف .. خطير اللعب فيه .. سامحك الله يأبي .. مافكرت لحظة فيني .. تزوجت أمي برجل طيب خلوق ..عاملني أجمل وأرقى معامله .. ورزق بأبناء وبنات من أمي والله الحمد .. أكملت دراستي وتخرجت من الثانويه العامه .. وكانت طيلة السنين الماضيه لم أنطق بكلمة يأبي قط .. أبي كان يزورني في الأبتدائي مرتين كل سنه .. ويعطيني مصروف لايكفي شهر .. أمي ذهبت الى أحدى محلات الذهب لتبيع ماعندها حتى تصرف علي .. آهــ يأمي ماذنبك النساء يشرين الذهب وأنتي لايهمك تبيعين أجمل مالديك وأثمن شئ لأجلي .. حتى تشري لي أجمل الفساتين .. عشت طفولتي طولها وبعرضها في حضن أمي ..لاترفض لي طلب .. فيديتهاااا.. أستلمت الوثيقه .. وقبل تخرجي من الثانويه .. أبي أصبح يأتيني كل شهر مره ..بل لايرد لي طلب .. ويعطيني مصروف الي أبي ؟؟ كم تبين ؟؟ أحيان أقول ألف ريال .. فيعطيني .. وأحيان أكثر .. ولاكن .. دخلت الجامعه .. السنه الأولى كان أبي متواصل معي عبر الهاتف النقال جوالي .. ويأتيني شهريا ..ومصرووف لا بأس به .. ولأن تغير كل شئ يأخذ سنه .. سنتين .. وأنسى ملامح وجهه .. أما الهاتف ..قطع الأتصال بي .. قال أذا أردتي شئ أتصلي بي .. أتصل فيه .. وأصبح لايعيرني أي أهتمام ..لايتصل ... الى هذه اللحظه أذا ماتصلت .. لا يتصل .. صرت مأكلمه الا بالشهر مرتين فقط.. أحسست بأني ثقيله .. وعاله عليه ..كبرت فلم يتقدم لخطبتي أحد .. رسمي .. :44:.. تزوجن بنات خالاتي وخوالي الي أصغر ..والي كبري .. والي أكبر مني .. الغيره .. أغار .. بس أدعي لهن بالتوفيق ..أنا مو ملاك نازل من السماء الغيره تشرق فيني وتغرب ..بس أحاول أمسك نفسي ومأبين لأحد هالغيره .. قبل قليل أستقبل أتصال من خالاتي تزف الي أجمل خبر بنتها التي تصغرني 7 سنوات أنخطبت ..ماشاء الله تبارك الله ..ولها أخت متزوجه أنا أكبر منها ب3سنوات الله يوفقها .. بس أنا الحين أحس بالنقص أقول لو أبوي ماطلق أمي كان تزوجت .. الناس تنظر لي بأني معقده ..أو مغروره عياذا بالله ..وهذي النظره كله بسبت الأشاعات .. وقررت مأروح ولا أجي لأحد خصوصا خوالي وخالاتي كم مره أنجرحت ..لدرجه وحده منهن ماسكه أمي بنت فيها شئ كاسرها .. مع أني كاشخه .. وأضحك وأسولف معاهن ..لاكن بين علي .. لأن الواحد من لحم ودم يحس ويشعر ويتضايق ويفرح .. لاكن ماباليد حيله .. وخالاتي فيهم شئ قاهرني لاتجمعن لازم أجي ولا يزعلون .. وأمي تقول لاتروحين جلسي أنتي وخواتك .. كله علشان ماتتعرضين للتجريح .. وتعرفون النساء .. وحركاتهن .أذا ربي عطاهن .. وضحكت بوجيهن الدنيا .. وحبهن للشماته .. الا من رحم ربي .. أدعولي أتزوج .. وكيف أخلي أبوي يحس فيني .. وكيف أحافظ على مشاعري من التجريح لاتقولون أنتي حساسه بزياده .. لا مو حساسه بس وضعي حساس ..
1
350
يلزم عليك تسجيل الدخول أولًا لكتابة تعليق.
الصفحة الأخيرة
وعليك ياقلبي يقياام الليل والاستغفاار