بسم الله الرحمن الرحيم كيفكم بنات ماراح اطول عليكم بادخل بالموضوع مباشره في يوم من اجمل ايام حياتي ربي رزقني بولد سميته سعود كان كل شي طبيعي ومر بمراحل طفولته من ناحيه الحبي والمشي والجلوس بشكل طبيعي ولكن .............ماسمعت صوته ماتكلم في سنته الاولى قالوا لي طبيعي لانه اول طفل بالعائله ولانه ولد ممكن يتاخر سكت انتظرت الى عمر السنتين ولم يتكلم فقط خرابيط وبعد قالوا لي الناس صغير ولما صار عمره سنتين ونص لم اسكت وبديت ابحث عن المشكله وديته عيادة سعد للنطق والتخاطب وشافته اخصائيه نفسيه للاطفال قالت ماعنده توحد او امراض نفسيه ورحنا لاخصائي النطق والتخاطب وقال الطفل ماعنده اي محصول لغوي ومانقدر نفيده لاني المركز متخصص بتعديل النطق وديه تدخل مبكروطلعت منهم وانا بحيره وين اودي ولدي وزي اي امي صعبه اوديه مركز اعاقه لانها هي الوحيده الى عندهم تدخل مبكر لان ولدي شكله طبيعي وما احس عنده اعاقه المهم ولدي كان عنده امساك مزمن وانا عند اخصائي جهاز هضمي اطفال كان ولدي فرحان بالغرفه لانها كلها رسومات ويتحرك كثير ويلعب وقالي لي الدكتور وديه عند اخصائيه مخ واعصاب اطفال علشان نتاكد من فرط الحركه مع ان ولدي من الاطفال الهادئين مره بس هذاك اليوم مدري ايش جاه المهم وديته عند اخصائية مخ واعصاب ولما شافته وبعد الفحص قالت طفلك بعيد كل البعد عن فرط الحركه وطلعت من عندها وبعد فتره قلت ليش ما اروح اكشف على السمع ورحت مستشفى المانع بالدمام وعملت فحص سمع والحمد لله طلع طبيعي وقالتي لي سجلي طفلك بروضه وبيتكلم كان عمر ولدي سنتين وثمان شهور وسجلته بروضه طبعا ولدي كان خواف قبل لا يدخل الروضه ومايحب يلعب مع الاطفال يخاف يضربوه لان ماعندنا اطفال انا اول وحده بخواتي عندي طفل كان يحب يلعب مع الكبار بس درس الترم الاول ما استفاد غير انه صار اجتماعي مع الاطفال ونطق كلمه وحده (حقتي) والترم الثاني طلعته لان يمرض كثير تعرفي العدوه بين الاطفال وخاصه الزكام انتظرت السنه الثانيه وسجلته روضه ثاني وكان عند بعض الكلمات البسيطهوجابوا خواتي اطفال وانا جبت بنت وبنتي تكلمت ولله الحمد وسعود مانطق زين يعني الموضوع مو علشان ماعنده اطفال في شي بس مو عارفته ورحت وديته ×××بالدمام اعمل له اختبار ولكن للاسف مركز ××××××وكنت اقول لهم ابغى تشخيص لولدي ابي اعرف ايش فيه ليه ماتكلم قالوا اعضاء النطق عنده سليمه بس هو مايعرف الالوان ويعرف بعض اسماء الحيوانات بالله عليكم هذه تشخيص وبعدين اقل قسم عندهم توحد انصدمت كيف اخلط ولدي مع التوحد وسعرهم 25 الف ياختى لو علي شي سنع كان قلنا الشكوى لله الواحد يجمعها بس على شي مايستاهل زي هالمركز لا والله المهم اخذت التقرير وقدمته بالضمان يصرفون له بالسنه اربع الالف انا كنت معارضه هالفكره بس وحده انصحتني قالت ياختي هذه من الدوله ومن حقه المهم ولدي كبر صار اربع سنوات وكلامته بسيطه وجمله من كلمتين بس مثلا افتح باب وغير كيذا صار عند لعاب يصب مع انه من قبل ماعنده هالشي وضاق صدري واذكر وقتها سئلت شمول الامل لما رحت لهم علشان الاختبار قالت لي اخصائية نطق وتخاطب احتمال عنده التهاب بحلقه لان هالشي ماعنده من قبل كان سيلان العاب بادي له سبوعين بس وصار ولدي يردد الكلام يعني اقوله ايش اسمك يقولي ايش اسمك يعني سعود صار يتردى وانا مو عارفه وين اروح الروضات العاديه ماوراها فايده الا انه صار اجتماعي وماعندنا مراكز لهذا التخصص وسمعت عن مركز سعد للنطق والتخاطب وانه المركز الوحيد المتخصص بس بالنطق وغير كيذا خيري فرحت الا طرت من الفرحه اني لقيت الشي اللى ممكن يخدم ولدي اتصلت عليهم وقالوا لي التسجيل يفتح بشهر ثلاثه وانتظرت الين شهر ثلاثه ورحت سجلت ولدي وقالوا انتظري نتصل عليك علشان نعمل له اختبار هينا انصدمت توقعت يقبلونه بسرعه طلعوا القبول بختبار وشروطوكلمت وحده اعرفها قالت وديت ولدي العام وما انقبل لان يقبلون مستوى ذكاء معين المهم جاء يوم الاختبار وعملو له اختبار طبعا الاخصائيه اسئلته اسئله مثلا ايش اسمك كم عمرك انتي ولد ولا بنت واسئله بالتركبيات زي التطابق واشياء زي كيذا طبعا ولدي ماعرف حسيت انه ماراح ينقبل قالت لي حرام تتركيه وديه لمراكز هينا صكت فيني الدنيا قلت لها وين اوديه ماعندنا مراكز للنطق ومراكز الاعاقه غاليه قالت لا ابنك ماتوديه مراكز التوحد والاعاقه العقليه لانه ممكن يتردا كيذا يحتاج مركز نطق وتخاطب قلت طيب ايش فيه ليش ابني مايتكلم قالت ابنك يحتاج فهم لغه اول مره احد يقول لي هالشي كيف يعني فهم لغهقالت هو مو فاهم الغه ومو فاهم الكلام علشان كيذا يردد والعاب اذا سال لان الطفل كبر لكن تفكيره نموه بطيئ وكل ماخليتيه راح يتراجع اكثر اذكر وقتها شوي وابكي لان والله مو تاركته بس مافي اليد حيله فرحت قلبي يضيع قدامي وانا واقفه مو قادره اسوي له شي وقالت لي انه عنده بعض من سمات التوحد مو مرض التوحد ولكن لديه بعض الصفات هي الاخصائيه كسر خاطرها ولدي بقوه وشافت حالتي ولدي بسم الله عليه جميل بس الكلام اللى مخرب عليه المهم قالت لي انا ممكن اساعدك وقتها كنت شوي واطير من الفرحه انا ممكن اعطيه جلسات تخاطب كلميني ونتفاهم وعطتني رقمها وطلعت من عندها وبعد كم يوم اتصلو علي المركز قالوا ابنك ما انقبل لان مستوى ذكائه اقل من المطلوب طبعا ما انصدمت لاني كنت عارفه هالشي لان ولدي ما جاوب على اسئلتهم المهم كلمت الاخصائيه واخذت موعد ورحت لها وشافت سعود وعملت له اختيار وحددت مستواه وعمره الزمني يعني عمره العقلي عمر تفكيره كان عمره ولدي الزمني سنه وثمان شهور يعني تفكيره زي تفكير طفل عمره سنه وثمان شهور مع ان ولدي عمره الحقيقي اربع سنوات وبديت الجلسات معاها اروح لها البيت ساعه باليوم كل ثلاث ايام بالاسبوع ومنعت بعض الاطعم الضاره زي الاندومي والكورن الفليكس الى انصدمت انه ضار على الدماغ والاكل اللى فيه الوان صناعيه وانصحتني ببعض الاكل المفيد ويزيد الذكاء مثل عين الجمل والتمر والقرع وانصحتني بعلاج زيت كبد الحوت هو فيتامينات تزيد الذكاء وكان طريقة تدريسها غير عن الروضه وغير عن الاشياء اللى اعلمها ولدي ومافادته وكانت صبوره وتردد الين يعرف الطفل ماشاء الله عليها ماتزهق طبعا من اول اسبوع وقف سيلان العاب كليا انصدمت وفرحت وتفاجأت ياربي لك الحمد ولدي قبل لايدخل عندها كان يخربط يسميني انا بابا وابوه ماما كان يقول الجمله من كلمتين و مايعبر عن الشي اللى يبغاه بس يجرني للشي ويأشر عليه وكان يردد الكلام بدون اي فهم وماعمره سئلني زي الاطفال وكان كل وقته على طيور الجنه فاتح فمه ولايدري ايش السالفه كان يعتمد علي بالبس وماعمره قال لي هذه البس حلو ولا ابغى البس كيذا ماكان يعرف يتفاهم مع احد صحيح كان يحب يلعب مع الاطفال بس على الصامت وبعد سنه دراسه عندها والان عمر ولدي خمس سنوات تغير حاله من حال الى حال بكتب التغير بس الله يوفقكم قول ماشاء الله لاقوة الا بالله اسئلكم بالله انكم تذكرون الله صار يتكلم الجمل من خمس كلمات يعرف ابوه وامه ويعرف اسمائهم ويعرف اسماء كل العائله والمهم صار يعرف يجاوب اذا احد قال ايش اسمك صار يقول اسمه كامل يعرف الالوان والاشياء والحيوانات والمواصلات ويختار لبسه ويقول هذه حلو ولا هذه لا اذا شغلت له التلفزيون اذا اناشيد يحاول يحفظ معاهم واذا افلام كرتون يعلق ويضحك ويناديني يقول لي ايش شاف وضحكه يسئل هذه ايش وهذه ليش كيذا ويشكى اذا شي يوجعه يمسك القلم ويرسم بعض الاشكال ويسميها وخاصه الهندسيه ويلون كل الرسومات واشياء كثيره والان عمر ابني الزمني اربع سنوات متاخر فقط سنه واحده وقبل لا اسجله تمهيدي تم اختباره زي اي طفل طبيعي والحمدلله اجتاز الاختبار وتم قبوله والله يوفقها وين ماراحت كنت راح اضيع اناولدي مع المراكز الخاصه وادفع فلوس على الفاضي وفوق هذه جلساتها سعرها مره معقول طبعا تحدده على حسب التاخر اللى عند الطفل ويشهد على ربي اني صادقه وان مالي اي مصلحه لما كتبت هالموضوع ومافي ام تتبلى على عيالها ماهما يكون السبب ولاني ام حاسه فيكم يامهات وحبيت افيدكم الى حابه يروح لهذه الاستاذه والله انها نعمه من ربي انسانه رحوم وتخاف الله واكثر شي احبه فيها ان ذكر الله دائما على لسانه وطيبة قلبها وصبرها على طفلي وعلي واي ام عندها طفل او طفلها عنده مشكله في الانتبهاء والتركيز او النطق والتخاطب او اي مشكله ثانيه صعبه احدد كل المشاكل لان هالتخصص واسع ممكن تتصل بالاخصائيه وتتفاهم معاها وتحدد معاها يوم وهي تعمل اختبار قبل ماتقبل اي حاله يعنى انسانه تخاف الله وماتقبل الا الحالات الى تقدر تعالجهم بعد الله معلومات الاخصائيه الاستاذه هدى **يمنع وضع الارقام**
المشرفه
ام سعود ودانه @am_saaod_odanh
عضوة جديدة
يلزم عليك تسجيل الدخول أولًا لكتابة تعليق.
شنطة ام امان
•
ماشاء الله تبارك الله ربي يتمم على سعود ويجزى الأستاذه هدى خير الجزاء
جزاك الله خير ماشالله لاقووه الا بالله الله يفرح قلبك بسعووود عريس بس معليش وين ساكنه اكيد انك الرياض والا الدمام اتوووقع بس ام سعود ممكن تحملينا شوي وتقولين لنا وشلون كانت الجلسات لان اكيد الي مو بنفس مدينتك ماراح تستفيد منها بس ياليت تقولين لنا شوي عن الجلسات واكثر شي تحسين نفع سعود بعد الله والله يجزاك خير انك حسيتي بالامهات الي مثلك
الصفحة الأخيرة