ماشاء الله تبارك الله
بس الاخصائيه بالشرقيه وحنا بالرياض كم الفتره بين جلساتها؟؟
وولدك قدمتي فيه على التاهيل الشامل والا الضمان؟؟
الله يشفيهم

جزاك الله خير والله ولدي نفسك نفس ولدك وقالو فيه سات توحد رغم الحمد الله اشعاته ونتايجه سليمه والله خايفه عليه بوديه عند امي بالخبر عشان يروح لااخصائيه الي قلتي عنها بس شلون اصبر عن بعده بس اسبوعين واجيه اكمل معه بالعطله لاني ساكنه بالرياض

ام سعود ولدك متا نطق ماشاء الله معها بعد شهر والا شهرين ابي ولدي يناديني ويفهم

الله يشفي جميع اطفال المسلمين امييييييييييييييييييييييييييييييييييين

الله يسعدك يسعود ويفتح عليك
جيبة عند اولادي بسم الله مشاء الله عليهم والله انهم ليخلونة يسبق سنة بخمس سنة الله يحفضهم ويصلحهم
انا عندي ولدي اخر العنقود باذن الله عمرة سنه ونصف ما يتكلم رغم الي حولة
بالعادة اولادي ما يكمل الواحد سنة الى وعنده حصيلة من الكلمات تفوق اي طفل في سنهم الى هذا نادر ما يقول ماما وكلمة بابا نسيت متى اخر مرة سمعتها وكلمت دده ما نطقها ابدا بس يبربر شوي وما تفهمين علية بس يعرف ايش انا اقول وماهو غبي
بس انا اخاف من النطق مع انه يسمع ممتاز وسالت الدكتور بس ولدي اذكاء من الدكتور نفسة ما استفدنا شي من كلامة
وانا شوي متطمنة موكثير لانه ولد اختي ما تكلم الا لمى صار عمرة ثلاث سنوات فمدري متى ابدى اقلق علية واقول انه يحتاج طبيب ارجو انك تفيديني يام سعود

مع العلم انا من النوع الي اتكلم مع اطفالي من اول يوم واغني لهم ونلعب ونطط ونلعب لعبة التخفي اكلهم ولله الحمد صحي يعني اندومي والكرن فلكس ما تذكر متى اكلوها لانهم ياكلونها برى عند خالتهم او عماتهم لانها ما تدخل بيتي الاهمبرقر ما يعرفون لة طريق اصلا يتقرفون منه
بس الصغير هذا مدري ايش قصته يمكن هدوء ما قبل العاصف الله اعلم