قصة ابني وصوت الي بقلبه>>> اسماء دكاترة تخصص اطفال وقلب

السلام عليكم،
الجمعة الي فاتت زاد البلغم بصدر ولدي ورحت فيه على م.العدان - الكويت والدكتورة طولت تسمع صدره وتوقعت تقولي فيه صوت بقلبه وفعلاً قالتلي في صوت بقلبه وشاكة انه يكون فتحة بقلبه وراح تتسكر بس يكبر>>هني حيل تخرعت وطلبت مني آخذله أشعة واقيسله نسبة الاكسجين وتخطيط للقلب وارجعلها
مع العلم أنها سألتني ولدج يعرق وانتي ترضعينه>>>>أنا: لا
يتخنق ويزرق>>> أنا: لا
خذيت النتايج ورجعتلها
>>> عقب عطتني موعد في عيادة الاطفال وقطرة ماي وملح عشان البلغم

راجعت عقب يومين العيادة والدكتورة الهندية حطت السماعة وقالتلي نفس الكلام وحولتني على م.الصدري - الكويت ورحت مع زوجي عشان ناخذ موعد>>> اقرب موعد 10/1 وانا بكي مو قادرة حيل تأزمت واكتأبت
المهم قررت اروح للخاص وزوجي وافق بس كان مو شايف انه شي يخرع عشان ما انطر موعد الحكومة
رحت م.دار الشفا الجديد - الكويت - د.ابراهيم عويدات>>>بصراحة ماقصر فحصه وقالي الصوت من قلبه خفيف ومو شرط يكون يبين من اول يوم ينولد فيه البيبي
حتى الممرضة وايد كانت حبوبة مع الولد وحولني على دكتور اطفال متخصص بالقلب د. اسماعيل رضا سيد هاشم واتصلت عليه ورحت عنده العيادة وفحصه بالسونار وقعد يشرحلي ثم صعد يصور والله انه قاعد يصور قلب ولدي وانا اطالع وادعي وأذن المغرب وهو يفحص فيه وانا وامي جنبي ندعي الله مايكون فيه شي
والحمدلله استجاب دعائنا وقالي الدكتور سبب الصوت الي كان موجود وقالي مليون بالمية انه طبيعي ومع الوقت بيختفي والصوت اصلا كان من الرئة لانه الشعيبات الرئوية مو فاتحة كلها
بعض الاطفال تنفتح من اول يوم ينولدون وبعضهم ياخذ وقت وولدي منهم

الحمدلله والله لا يشغل بال ام واب على ولدهم ولا يشغل بال ولد على امه وابوه