قصة اجهاضي ورحمه ربي اللهم لك الحمد

حامل بجنين بالاسبوع السابع متوقف النبض بالضبط ست اسابيع وثلاث ايام توقف النبض
هذا رابع اجهاض لي ولله الحمد من قبل ومن بعد
كنت اخذ دافستون ولما توقف النبض قالت لي الدكتوره اوقفه ومفعوله ينتهي بعد اسبوع
انا ما اخذت اي شي خلال الاسبوع هذا
لما كملت اسبوع شربت كوب ميرميه وبعده بيوم اخذت ملعقة من العصفر وشربت وراها مويه
وملعقة كمون مع ملعقه عسل بعد صلاة التراويح اخذتهم بعد صلاة القيام نزلت علي افرازات فيها دم وقلت الحمدلله بدايه خير
طبعا تسحرت وصمت لان هذا الدم طاهر اصلي واصوم لان الجنين صغير مايعتبر نفاس
المهم من بكره بعد الفطور اخذت بعد كمون بعسل وعصفر
وبدا الدم يكون نفس الدوره ونمت واليوم الثالث اللي هو امس قمت لقيت الدم زاد اكلت تمر وبدات تنزل معي قطع كأنها كبده تسلخات دمويه كل مانزلت قطع نزفت هذا من الساعه ١٠ الصباح واستمريت على هالحال الى الساعه ٢ الظهر ونزل الجنين واااضح كيس كامل داخله ماء واشوف نقطه داخله
واستمر النزف الى المغرب بس مو متواصل بالبدايه كنت كل نص ساعه وبعدين صار كل ساعه بعد مانزل الجنين
اخذت اعشاب مخلطه من كمون ويانسون وحلبه وفلفل كراويه وكركم
بعد المغرب ارتحت الحمدلله ولا كأن فيني شي بس من كثر النزيف جسمي مهدود وتعبانه وبالنسبه للالم اشد من الم الدوره بشوي
لكن اللي متعب النزيف هو الشي الوحيد اللي اتعبني
رحت اليوم للمستشفى وسويت اشعه وتحاليل والحمدلله كل شي سليم والرحم نظيف بس باقي فيه شويه دم وان شاءالله ينظف هالفتره صرفت لي الدكتوره مضاد وفيتامينات والحمدلله
حبيت اكتب تجربتي بالتفصيل الممل ابي غيري يستفيد منها والحمدلله على قضاء ربي وقدره
ادعوا لي بهذي الايام المباركة الله يكتب لي الاجر و يرزقني بالولد الصالح المتعافي
والله يرزق كل اللي يتمنونالحمل عاجلا غير اجل ويفرج كل مهموم