قصة اختطاف انا ضحيتها

مرحبا يا بنات وش اخباركم......
والله العظيم اني اليوم بغيت اروح فيها ...كادت ان تنتهي حياتي...
انا يا بنات من النوع الحريص مررررة وما احط ثقتي في اي احد مهما كان و اين ماكان بحكم المواقف الت تعرضت لها واشدها ما حصل لي الييييييييييييييوووووووووووووووووم:44:
طلعت مع زوجي ابدل واشتري بعض الملابس (الصباح) وخلصنا ....وقبل ما نرجع البيت قالي وش رايك نمر محل ناخذ سندويتشات وخفايف لانه مايحب ياكل على الريق ...قلت له كيفك ...وانا لايعة كبدي من الحر والشمس...الزبدة لان مافيه مواقف عند المحل اللي يبيه وقفنا في الجهة المقابلة يعني لازم يقطع الشارع اللي رايح والشارع اللي جاي مشي حتى يوصل...قلت طيب بس انتبه للسيارات...خلاص راح الرجال قطع الشارع الأول...وانا بالعادة ودائما اذا نزل زوجي اقفل على نفسي السيارة...سبحان الله كذا ولا كذا الواحد مايدري وش يصير...والله يابنات هي كلها دقيقة بين لحظة نزول زوجي والموقف اللي صار لي...انا توني قاعدة ابي اريح و اتواسى على كنب السيارة لن ظهري خلاص (حامل بالثامن) يعني حالتي حالة وكرشتي اكبر مني..المهم بتعدل واقفل الباب...الإ اشوف ذاك الهندي قاعد يحوس ويدور شكله مريب وقاعد يطالع جهتي ...قلت في نفسي يمكنه يطالع من فوق السيارة يشوف المحلات ولا كل ماله يقرب من بابي مثل بعض الناس اللي يطرون وفجأة يفتح علي باب السيارة:(:06: والله يابنات ربكم حميد ان مدري وش ذا السرعة والقوة اللي جتني اني تمسكت بالباب اسحبه على داخل وفي نفس الوقت قاعدة احاول اقفلة قبل مايتمكن منه ومني...لا وجنب سيارتنا سيارة اجرة فيها السواق حقها شكله معه انه كان يستناه يسحبني فيها ويطيرون فيني حسبي الله عليهم...المهم لحقت على نفس وقفلت ابي اكلم زوجي الشنطة تحت رجولي وماني قادرة اطولها بسرعة من بطني وهالحرمية للحين حولي وصلت للجوال وادق على زوجي مايسمع من ازعاج السيارات ..بع 3 رنات رد علي وانهبل يوم قلت له وخفت عليه صار يمشي في الشارع من غير شعور..ويوم شافوني اكلم وهو جاي حط رجله في الليموزين وهج......
الحمد لله اني ما ولدت من الروعة والخوف....هذا وانا حرمة كبيرة فاهمة وحاااااااااااااااااامل وزوجي معي مابعد يدخل المحل!!!!!!!!!!!!!!!!!!
انتبهوا....انتبهوا....انتبهوا يابنات يا حريم يا امهات ..
انتبهوا لأنفسكم وبناتكم..
والله اني اكتب القصة وكاني اعيش احداثها مرة ثانية...احس اني مصدومة حتي زوجي يكلمني ماني قادرة ارد....:( حسبنا الله ونعم الوكيل):06::44: