قصة اخوي بالتفصييل احتاج دعواتكم ..

السلام عليكم
كيف حالكم ي بنات حواء ان شاء الله بخير
ابي احكي لكم قصة اخوي المحزنه الي يتقطع قلبي وابكي عليها حرقه وألم
ابي اختصر فيها جدا
اخوي شاب بالعشرينات في عمر الزهور
انسان طيب وخلوق ماعنده عدوات واصدقاء سوء يحب الخير ومحافظ على صلواته وكان بيتوتي قليل يطلع ويختلط بالناس خجول اصدقاء محدودين جدا تخرج من الجامعه وصار يبحث كثير عن وظيفة
طبعا يتوظف بعدة اماكن ويطلع منها بسبب قلة الراتب وضغط العمل وكان يطمح بوظيفه افضل وتناسب مؤهلته الجامعيه
فيه يوم من الايام بما انه فاضي قرر يغير حياته واسلوب حياته للافضل
سوا حمية اكل الصحي ورياضة اشترك في نادي رياضي للتخفيف الوزن للمدة سنة
طبعا كان يعاني من (( مرض السمنة ))
واشترك يوميا يروح للنادي ويعمل رياضة
ويخفف اكل صحي
طبعا نحف بشكل ملحوووظ وتغيرت حياته وصار اكثر جراءه واختلاط بالناس وتعرف على اصدقاء بالنادي
وكل من شافه انبهر قال ماشاء الله لان نزل وزنه كثير وتغير شكله
بعدها فترة قرر اخوي ترك الحميه والغاء الاشتراك في النادي يبي يرجع للاكل الطبيعي لانه خلاص نحف وصل للوزن المثالي المطلوب
فجاءه جاءه شي غرييييب !!!
صار الولد متوتر مضطرب نفسيا جدا راح سوا تحاليل وراح للطبيب قالو مافيه شي ؟؟!
صار الولد حركاته وتصرفاته غريبه صار مايتحكم في نفسه ابد خصوصا بالاكل والشرب وصل للدرجة الجنون يعني ي ياكل كثييير او ماياكل يصوم وصار فيه وسواس قهري قوووي مو طبيعي ان هذي الاشياء ترجع تسمنه وتسبب له امراض!!!
انعزل عن العالم والناس وصار مايطلع من البيت من شهور ويتخيل الموت ودايما قلق ومتوتر
ومرت الايام شوي شوي بدا يطلع يروح ويجي لللاسف ماندري ان هالطلعات وراه شي مصيبه وكارثه عظييمه 💔
طبعا كان يطلع ويرجع للبيت للاسف ادمن 💔💔
وماكنا ندري ولاشي ولا هو ملحوظ عليه هذا الشي الي جننا 💔
وللاسف هنا الصدمه القووية الي صدمتنا وامي في سبتها جاءه انهيار عصبي من الشدة الصدمة من الشدة الصدمه مو قادرة استوعب كانه خيال او حلم قااعد يصير لنا
ابتلاء عقوبه عذاب ياربي رحمتك ...
اصيب ب امراض خطييرة جدا بالبطن من الادمان سببت له تليف كامل بالبطن طبعا كنا قبل دخوله المستشفى لاحظنا عليه دايما يستغفر ويتصدق ودايما يدعي باليل في النهار ان الله يتوب عليه دايما يقوول تصدقوو عني وحنا نحسبه انه حالة نفسية عابرة بسيطه ماكنا ندري في المصيبه لان مو واضح عليه ابد 💔
والحين بالعناية المركزة واحتمال ضئيل جدا انه يعيش 💔 ياربي ترحمنا في رحمتك
اللهم إني أسألك من عظيم لطفك وكرمك و سترك الجميل أن تشفيه و تمده بالصحة و العافية
اللهم لا ملجأ و لا منجا منك إلا إليك، إنك على كل شيء قدير
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
انا الحين مصدومه جدا جدا مو مستوعبه الي قاعد يصير قلبي يتقطع كيف اهملنه هذا الاهمال الشديد
الاعمار بيد الله سبحانه وتعالى ولكن
للقدر الله والله لايقوله اذا جاه شي هل يعد منتحر ولا ايش وايش مصيره؟؟! ياربي رحمتك 💔