اليوم جايبتلكم قصت اخي مع البشت .....
(قال اخي:)
كان يامكان في قديم الزمان في سالف العصر والامان مدري ايش هههههه
في ليالي الخريف الماطره كنت بايت عند بيت جدتي وكانت جدتي الله يحفظها تحبني لدرجة ماتتصوروها لاني ولد بنتها الوحيده ومع ان معاي اخوان لاكن كانت تحبني اكثر واحد ودايما ماتفاجأني بالهدايا والسيارات وكنت افرحبهن عند جدودي اقول جدتي احسن من جداتكم وتجي امي تشمطلي اذا رجعت البيت هههههههه المهم جدتي راحت العمره وجلست تقريبا شهر وكنت مشتاااااااااااق لها حيل ودايما اذا مرينا من عند بيتها اجلس اخشع <<< يويو منه
المهم بعد كم يوم رجعت جدتي من السفر وانا متوله عليها رحت استقبلها مع اوبي ويوم رجعنا البيت طلعت الهديا انزين جاباتلي درزن سيارات وبغبغاء تتكلم وجابتلي بشت هههههه انا معد بغيت الف من شفت البشت نسيت السيارات والاشياء الي جابتهن اقولكم قبل لا يأذن العصر رحت المسجد وانا والثوب والبشت << ياخا امام مسجد ههههههه وشليتت معي اخوي الصغير والسقله مال الحاره ع اساس بخطب الجمعه من على المنبر وهم يستمعوا المهم يوم دخلنا رحت انا المنعول المنبر مكان الخطيب واشخيهم و احاكمهم بالمحاضرات قلت لهم الصوم حرام واكل التفاح من الكبائر هههههههههههههه وربي كنت صغير ومعرف من وين جبت الكلام اقولكم وانا بخطب ويدخل علينا الشيبه جد واحد من المسقاله ويتشاردو الخاينيين بعد ماستفادو من خطبتي الثمينه وانا والبشت مالي معد عرفت ايش اسوي نزلت من المنبر والشيبه حاجرلي قدام الباب وفي داخله بيقول وين بتروح مني اقولكم معد دريت ايش اقول قدني بتعكل من ربشه وبغيت اشرد ماشي فايده المسجد مافيه الا باب واحد وهو واقف قدامه قلت ايش اسوي ايش اسوي واجبها قلت مالي الا اصلي ركعتين ههههههههه واصلي والشيبه بيحاكم تعال يا ...... وانا ولا كني بسمع كملت صلاتي وفي السجود اطالع من بين رجولي اريد اشوف عاده هناك اقولكم الشيبه ماتحرك من مكانه قلت في نفسي ايش يريد الشيبه هذا واكمل الركعه الثانية ويوم في السجود طالعت من تحت رجولي هههههههههه واشوف الشيبه طلع من الباب واشوح في مكاني و ارفع هاندر واعطيها جير ثاني ويوم طلعت من الباب والاقي العيار واقف ورا الباب
ومسكني ويشمطلي و ظربني ويوم تفلتت منه شردت وهو دخل المسجد على بالكم خليته ؟؟؟؟؟؟؟
واروح اشل حجار الي قدام المسجد وادخل عليه واظربهن فوق راسه :شرير:ههههههههههههههه واقيمها شرده للبيت .. ويوم رجعت حصلت اوبي رايح المسجد ويوم رجع حصلته بيحاكم وبيناديني وهو معصب قلت عز الله رحت فيها هههههه ويوم دخل علي الغرفه ...... صار الي صار ههههههههههههه مابخبركم ايش صا ر
هذي قصة اخي مع البشت الي ماكتملت فرحته به
:S_45::S_45:
نلقاكم في قصص اخرى باذن الله باااااااااااااي :icon35: