قصة اسقاطاتي والحمل المختفي ساعدوني احبتي بتجاربكم..

السلام عليكم ورحمة الله وبركاته

بدايةً حابه أشارككم بقصة إسقاطاتي
وأريد من حصل لها مثل وضعي تطمني
ربي يطمن بالها..

حملت بعد زواجي ب٦شهور وجبت بنت بقيصري
واثناء الولاده الطبيعيه نقص الاكسجين وحولوني قيصري واصابها شلل كامل
وتوفيت والحمدلله..

وبعدها بسنه حملت وصار حمل ضعيف ونزل..

وبعد بسنه حملت وجبت بنت بقيصري
خافوا تكون نفس البنت الاولى
والحمد لله الحين تدرس روضه..

وبعدها ب٣ سنوات حملت وصار شهرين معاي دم ع الخفيف واخذ مثبتات بعدين نزل والحمد لله ..

ودكتورتين قالوا لي انه عندي الرحم اليمين
مايل ع الخفيف ولايأثر ع الحمل..

وبعدهاب٥ شهور حملت واسبوعين وضعي كويس
بعدين بدا ينزل دم واروح اخذ اشاعه موجود كيس
وبعدين جاني نزيف ٣ايام
وخف بعدها
وبعدين سويت تنظيف والحمد لله..

وبعدب٣ شهور صار حمل اخر دوره ٧/١٤
وبعده الدوره ٨/١٤تأخرت وبعد١٢ يوم
سويت تحليل وطلع حمل
وبنفس الليله استخدمت زيت مقري فيه
والفجر نزل معاي نزيف قلت ممكن يخف واستمر ويوم جاء العصر رحت للطؤاري
وسويت اشاعه قالت الدكتوره صغير
بعدين صرفت لي حبوب و٤ ابر تثبيت بواقع ابرتين كل اسبوع
قالت بعد اسبوعين تجين اسوي اشاعه اشوف الجنين كبر
ورحت بعد اسبوع اخذت الابرتين
وبعده بإسبوع رحت سويت اشااعه
والمفاجأه ماااافي حمل 😱
وسويت تحليل مافي حمل😭
يارب سترك ماادوي وين اختفى الحمل...

يعني اسبوعين اخذت اربع ابر وحبتين تثبيت
يومياً ع الفاااضي.

والنتيجه ماجت الدوره ...
اخر شي النزيف اللي جاني
بتاريخ ٨/٢٥ بعد الزيت المقري..

بتاريخ ١٠/١٨ جاني دم اسود خفيف وقت المغرب
ووقف
وبعده بيوم دم بني خفيف ووقف..

برمضان رحت لطبيبه شعبيه قالت الرحم مايل بقوه
ولاقلت لها اليمين انه مايل
قلت ابتأكد من كلام الدكتورتين اللي قالوا اليمين مايل
قلت ابيك تشوفين فيّ ميل
وتدلكني قالت ياوليدي رحمك اليمين منصفق قوه
يعني ميله شديد

قالت هو اللي يسبب الاسقاط الميل
لانه الرحم مايل وصغير واذا صار الحمل
يبدأ يكبر بالرحم ومايكون فيه مكان فيسقط الحمل

ومرختني ٣ مرات بعده قالت اعتدل
وقالت احس الجنين موجود مرتين قالته لي..

قلت بالاشاعه والتحليل مافي حمل

قالت انه صغير جداً ولايبين بالاشاعه

وعطتني عشبة العوار قالت اذا حي يرفعه
واذا ميّت ينزله وشربته ولاشفت شي

وانا الان في حيره من أمري
ماادري انتظر لين تنزل
او اروح اخذ حبوب تنزلها

وانا حجزت لي موعد عند مستشفى الحبيب ببريده
عند الدكتور وليد الشرطان..

اللي صار لها نفس وضعي تطمني

ربي يوفق كل من ردت او دعت علن او بظهر الغيب...🌹🌹🌹🌹