السلام عليكم ورحمة الله وبركاته
اختي عندها شغاله نيباليه غير مسلمه وجابت اندنوسيه طباخه والنيبليه بس لتنظيف ومن جت واختي تحاول فيها تدخل بالاسلام بس تقعد تبكي وتقول لا تقولولي اسلمي وإلا ابسافر وتركتها اختي على راحتها وامي واختي ملتزمات وامي لما تشوف النيباليه تقول ليش ماتسلمين وتسكت وتمشي وقبل اسبوعين قالت شغالت اختي الاندنوسيه لاختي ان النيباليه تقول ودي اسلم وراحت اختي قالت لزوجها وراح للجاليات وجاب كتب واشرطه عن الاسلام بلغتها وتركوها تقرأ الكتب على راحتها وبعد 3ايام دعتها اختي وقالت تبي تسلمين قالت ايه لان شفت معاملتكم لي لانه كانت تشتغل قبل بالهند وعند عائله هندوسيه وتقول كانويشربون ووسخين ويسبون الاسلام ويقولون لاتروحين لسعوديه لانهم مسلمين ويعذبون بالكفار وتقول شوهو صورة الاسلام بعيني ولما جيتكم شفت معاملتكم وعطفكم علي وبناتكم يحسبوني اختهم مايتكبرو علي والبارح تبكي تقول ابصلي ابي اسلم وتبكي راح زوج اختي للجاليات علشان ينطقونها الشهاده بس ما لقى المترجم مسافر راحت اختي خلتها تتروش وتتوضأ ولقنتها الشهاده بنفسها وتقول قعدت تبكي وحنا نبكي معها ونضمه وكتبت بنت اختي لها الفاتحه بلغتها والمعوذات 0وتبكي تقول ابصلي وابي اقرا قران علشان ما ادخل النار 0
شوفو وش اللي حببها بالاسلام المعامله الحسنه ( الدين معامله)
ودي اهديها شي حلوغير القران والسجاده علشان تعرف اننا فرحانين بأخوتها
المملكه 12 @almmlkh_12
عضوة نشيطة
يلزم عليك تسجيل الدخول أولًا لكتابة تعليق.
دانه 26
•
اهديها حلق ذهب واحتسبيه صدقه
ماشاء الله
الله يجزاكم خير والله يثبتها يااارب
اهديها ذهب زي ماقالت الاخت والله بتفرررح وتحس انكم تحبونها وفرحانين باسلامها
الله يجزاكم خير والله يثبتها يااارب
اهديها ذهب زي ماقالت الاخت والله بتفرررح وتحس انكم تحبونها وفرحانين باسلامها
الصفحة الأخيرة