هلا أختي أم سليمان ..
بنت اكتشفتها .. كان عمرها سبع شهور ..
وقت ما سوينها كان عمرها سنة ونص ..
وأحين كملت ثلاث سنوات عمرها ..
يعني صار لها سنة ونص من لبست الجهاز ..


وبالنسبة لتطاليف العملية تختلف على حسب نوعية الجهاز ..
بنتي نوع فريدوم يقول أحسن نوع ..

وكلفنا الجهاز مع الملية تقريا 200 ألف..
والله يشفي لج عيالج أختي ..

هلا اختي اتمنى انك تكمل القصة مع كل التفاصيل لكي نستفيد لان انا عند بنتي لديها ضعيف شديد في العصب السمعي ولحين عمرها 10 اشهر تلبس سماعات من 3 اشهر وتقول بابا وماما ونحن من ثاني يوم من الولادة خبرونا انا عندها مشكلة ف السمع عزيزتي سوف اكون متابع لك وانتظر التكملة

هلا أم ساروني ..
تشرفت بمرورك..

بنتي لبست جهاز السماعه ..

وحنا طبعا خلصنا العملية وتمت على خير وكان يوم العملية جدا أليم ..

وبعد شهر من العملية ركبو للبنت جهاز صغير على الأذن يساعدها على السمع .. يعني

بدون الجهاز هذا ما تسمع ..

وفي هذا اليوم كان أول يوم لغدير تدخل عالم الأصوات.. وردة فعلها هو البكاء وبشدة من

الخوف ..

وأول صوت سمعته غدير هو صوت الأذان بصوت والدها وهو متأثر لموقف غدير وخوفها

من الصوت ..

في هذه اللحظة المؤثرة كانت غدير بأحضاني وأنا أضمها لصدري لكي لا تخاف ووالدها

يلقي على مسامعها الاذان..


هذا بالنسبة لأول يوم سمعت فيه غدير الأصوات


والبنت الحين الحمد لله عمرها سنتين .. وصار لها عشر سنة من اجراء العملية .. والحين هي قاعدة تنطق كلماتها الأولى مثل ماما .. وبابا ..وتنادي أخوانها باسماهم..وحتى انا ما تناديني ماما .. تناديني باسمي .. يعني حالي حال اخوانها..
والحين بدات تنطق جملة من كلمتين
مثل
بابا تعال
ماما جيبي
جذي يعين

هذا تطور غدير من لبيست السماعة عمرها سنة ونص لين ما صار عمرها سنتين ..


وشكرا لجميع من رد على موضوعي


وألحين بكتب تطورها لين ما صار عمرها ثلاث سنوات باختصار ..
لي عودة قريبة ..
وأتمنى لكم الاستفادة

وغدير ألحين عمرها ثلاث سنوات .. يعني سنة ونص من لبست الجهاز ..

والعمر السمعي لها يحسبونه سنة ونص ..

لكن ما شاء الله تبارك الرحمن ..

ببركات الدعاء لها .. وجلسات النطق اللي تاخذها غدير ..
غدير تقريبا صارت تتكلم بنفس الأطفال اللي في سنها ..

وناوية ألحقها بروضة عادية السنة القادمة ان شاء الله ..

البنت ألحين تتكلم بجمل .. تعرف الألوان .. تعد الأرقام من 1 - 10

ترد ع التلفون .. وتجي تنادين .. ماما تليفون .. أسألها من بالتلفون ... تميز وتقول مثلا بابا .. أو زهرا .. اللي هي أختها ..
يعني تميز نبرة الصوت من التلفون ..


وصار لي مدة موقفه معاها الجلسات ..
لأني انتظر الاجازة .. أروح البحرين تقريبا اجلس طول الاجازة السنوية ..
علشان ألحقها بمركز نطق ممتاز جدا عندهم ..
اسمه مركز الأمير سلطان للنطق ..


هذا باختصار تطورات غدير ..

ولي عودة باذن الله ..
بكتب الطرق السهلة وطرق التعامل مع غدير ..
اللي حسيت من خلالها أن البنت لانطلقت بسرعه في نطقها ..

ربي يشفيها وتفرحي بيها عروس وان شاء الله تلاقي علاج لها
وربي يطمن قلبك عليها