قصة الجني الشقردي مع أخوي وربعه

مساءالخير مساء ابريق الحليب بالزنجبيل وشبة الضو والحبايب حواليهامتجمعين اخباركم مع البرد:08:

اليوم جايبه لكم قصه اخوي اللي وعدتكم قبل العيد أني أنزلهايقول أخوي ياطويلات العمر
كنا طالعين رحله بريه لمنطقة جبله وهي منطقه جبليه تبعد حوالي ثلاثين كيلومتر عن اقرب خط مزفلت . يعني في قلب الصحراء والوصول لها في الليل صعب للي مو حافظ الطريق . المهم طلعنا وخيمنا واستانسنا وبعد يومين خلصت المويه اللي معنا وقررنا نروح نجيب مويه من اقرب مكان . وكان الكلام هذا وقت العصر المهم طلعنا وكنا خمسه وسيارتنا صالون جمس رحنا لقريه قريبه مناوعبينا الجراكل مويه واخذنا الاغراض اللي ناقصتنا . وبعد ماخلصنا كان الوقت المغرب صلينا ومشينا وهنا بدت المشكله بعد ما مشينا تقريباً خمسه كيلو في الصحراء لقينا صعوبه في تحديد الطريق الصحيح . واكتشفنا اننا ضيعنا الطريق واختلفنا وصار كل واحد له راي . المهم بعد وقت قصير شفنا قدامنا سياره صغيره وجديده من نوع فورد . استغربنا نزولها في طريق صحراوي !! لكن قلنا ماعلينا نوقفها ونسأل صاحبها يمكن يكون يعرف الطريق !. وقفناه وسألناه .وكان شاب وسيم لابس غتره بيضا . قال لنا انا معزوم هناك وكنت ناوي اروح بسيارتي شرايكم اوقف سيارتي واروح معاكم ؟ ادلكم الطريق وتوصلوني . قلنا حلو يالله اطلع معانا . وقف سيارته وركب معانا . ركبناه قدام وصرنا نتبادل السواليف معاه وسألناه انت من المنطقه هاذي ؟ قال لنا لا انا من الربع الخالي :blink:!! واهلي وجماعتي كلهم هناك وعندنا حلال ونياق ! وقعد يسولف علينا وبعض مفرداته غريبه ومانفهمها ؟ ويقول لنا من القصيد اللي والله مافهمنا منه ولاشي:unsure: . وكان واحد من الشباب اللي راكبين ورا يطلع لسانه (يعني يكذب سواليف الرجال ) فقال له عيب عليك ياولد تكذب كلامي:angry2:!! حناهنا :confused- استغربنا كيف شافه ؟؟ وحنا في ليل وظلام وهو راكب قدام ؟؟ . المهم بعد ماوصلنا واجهة جبله . ومنطقة جبله عباره عن سلسله جبليه دائريه مفتوحه من قدام .وكانت خيمتنا في الداخل . بعد ماوصلنا قال : ياشباب هاذي الواجهه تدلون خيمتكم الحين ؟؟ قلنا ايه الحين ندل. فجأه قال شوفوا مويتكم انكبت من المطبات !! والتفتنا كلنا في وقت واحد نشوف الجراكل ورا بما فينا السواق كان يطالع في المرايه في هاذي اللحظه الرجال اختفى !!!! وصار مكانه فاضي :o! طبعا
مايحتاج اقولكم وش كانت ردة فعلنا اللي منصدم :eek:واللي يصارخ :06:وأول
ماوصلنا خيمتنا شلنا قشنا وانحشنا ولا ردنا الا بيوتنا . لكن في الاخير نقول جزاه الله
خير دلنا على الطريق وسلانا بسواليفه وقصايده اللي مافهمنا منها شي .:) .