قصة الدباب الي دعس الحرمة تم اغراقه في البحر انا شفتها امس

امس كنت في البحر وجالسين في امان الله وزي ما انتم عارفين الجهه الي عند المسجد قفلوها وقاعدين يبنون فيها فبتالي
اصبح المكان ضيق جدا والعوائل جالسين بجانب بعض وسبحان الله الكل سعيد وبجانبنا عائلة مصرية كبيرة معهم اطفالهم ونسائهم وشوي ما نشوف الا التكاربن الي معهم دبابات قامت حرمة وهزئتهم وقالتلهم شيلوا دباباتكم انتو عارفين فيه اطفال يلعبون اخاف تدعسونها ترى بتصل على الشرطة والله العظيم قالها ليش جيتي كان اتصلتي على الشرطة والحرمة عصبت وقعدت تسب بس مين يسمع ؟؟؟

شوي احنا مسكنا اطفالنا لان المكان صغير وصاروا ياجرونها لاطفال صغار ما يعرفون يسوقون ومن غير الخيول الي تمشي
فكل مكان واصوات الدبابات مزعج ودخانها يكتم وشوي ما نسمع الا صوت وصراااااااااااااخ عالي فعلا زي ماتوقعت
جات طفلة صغبرة بالدباب وصدمت العئلة المصرية وانقلب الدباب عليهم صوت الصراخ مرعب
ولم يكتفوا التكارين بهذا الحد تجمعوا كلهم بدبااباتهم وتجمهروا على المصارية وقامت مضاربة ولاكن قائد التكارنه كان مركب في دبابه صوت رصاص فكان يطلقه حتى يخافوا المصاريه ويسلمونه الدباب الذي سقط عليهم الناس سمعت صوت الرصاص
هاجوا والكل يصرخ وطبعا انا بسرعة رحت لحريم المصارية ومسكينة كانت منهارة بكاء لان الدباب سقط على ارجلها وكذلك سقط على عربة الطفل الرضيع وامه تبكي وتضمه لم تكن مصدقه انه نجا هربوا التكارنه وجائت دورية الشرطة ولكن الرجال كانوا غاضبين جدا وارادوا تحريق الدباب انتقام ولكنهم قرروا رميه فالبحر وبالفعل رموه فالبحر
حزنت جدا على منظر الحرمه المصابة وتجمهروا الناس واخذوا يصورون بالجوال والشرطة تطلب عدم التصوير
ورب ضارة نافعة اتمنى من الدوريات ان تحزم في هذا الموضوع لان الله لطف بالمرأة والرضيع وليست هذه اول مره
فلقد تم صدم امراة سعودية في ظهرها بالدباب ولكن زوجها اكتفى بالذهاب للمنزل لانه لايريد شوشرة وقبل عشر سنوات توفي طفل عمره خمس سنوات يقود دباب واصدم راسه ومات فورا ........












































































































































































































































































































































+