قصة الفلم المرعب الي حصلي

اولا احمد الله سبحانه وتعالى الي شافاني وقدرت ارجع لمنتدايا الحبيب ...
قصتي قبل شهر تقريبا ، حملت واهملت في تغذيتي ومراجعات المستشفى لأني بكريه وزوجي كل ما قله ابغى اروح يفتحلي موضوع كبير عريض يقول ان امه مراحت مستشفيات وان هذا دلع .. وطبعا طاوعته وكنت اداوم في العمل وحاسه نفسي مو طبيعيه كشفت علي الدكتوره الي في العمل وقالتلي عندك هبوط شديد فورا لازم ترتاحين وتاكلين زيتون ، المهم رجعت البيت وقاومت اتصلت على زوجي حسيت مو حاب الفكره المهم وانا نايمه صحيت على الأستفراغ وكلمت اختي وجات طايره قالتلي ترى وحده حامل ماتت بسبب الهبوط وبسرعه رحت لأقرب مستوصف سابا الله لا يربحه وكان الدكتور مو عارف ايش الي بيعدل الضغط وكشف علي ودخل غرفته يقلب في الملازم وانا بموت من التعب حتى محلول ماحطوا المهم شوي وما احس الا شلال دم ينزل مني طبعا الدكتور شرد وقال جيبوا دكتور النساء وبعدين نزلوا دكتور النساء واسمه عبد الحليم الله لايسامحه
وانا في غرفة الطوارىء مرميه لوحدي لأن اختي انهارت وصارت تبكي وتدعي والحريم يهدونها وطبعا اول شي قاله الدكتور انا مو مسؤل على الي حصلك انتي مانزفتي عندي يالله امشي اطلعي فوق غرفتي المجرم من غير عربيه ولا سستر تساعدني وانا انزف اول شي سواه بيدخل يده ورفضت وجات اختي تجري وقالت عرفت مكانك من نقاط الدم الي في الممرات المهم جيت بجلس على الكرسي رفض وقال لا توسخينه المهم وخرجنا من عنده تخيلوا اختي الي جابت العربية ودفتها والممرضات قاعدات يتضحكون ويسولفون رحنا مستشفى بقشان وفعلا طوارىء السرير عند الباب طلعوني فيه وفورا كشفوا بالسونار عشان يتأكدوا الجنين حي او مات ودخلت غرفة السونار والحمد لله اجمل خبر سمعته فحياتي يوم قالت الجنين حي واختي صارت تبكي من الفرحه وشوي انا اتغير صوتي وصرت اسبها واسب الممرضه واقول لأختي والله ماخليكم تفرحون فيه وطبعا اختي عرفت انه مو انا وان هذا بسبب السحر الي معمول لي وصارت تقرأ قلرآن وتمسح على راسي وانا اسبها وادف يدها واقول خلوها وحيده المهم حتى ابرة المغذي انفلت الغطاا من الممرضه والدم صار يصب صب من الوريد الي فيدي واتنومت وقعدت يومين الى النزف وقف والحمد لله وقالوا الأطباء لازم راحة
والحمدلله ان الله عداها على خير خصوصا اني كنت اول حامل والجنين نفس القصه نزيف ومات
وذحين انا طيبة والحمد لله بس اشياء غريبه بسبب السحر تحصلي مثل الأستفراغ وقت المغرب السخونه الشديده بس انا صابره ومحتسبه لرب العالمين واتمنى اولد على خير واجيب طفل سليم وانتهي للأبد من اجزاء فلم الرعب الي عايشته
واتمنى ماطولت عليكم ولأنكم فعلا وحشتوني ولا تنسون التحصين التحصين