بسم الله الرحمن الرحيم
السلام عليكم ورحمة الله وبركاته
مقدمة ::
{ وَلا تَيْأَسُوا مِنْ رَوْحِ اللَّهِ إِنَّهُ لا يَيْئَسُ مِنْ رَوْحِ اللَّهِ إِلا الْقَوْمُ الْكَافِرُونَ }
روح الله هو رحمة الله ، وفرجه ..
وفسر العلماء هذه الايه بانه يقول سبحانه وتعالى لا تقنطوا و تيأسوا من رحمة الله لكم وفرجه لكم و قدته على زوال همكم وكربتكم ،، فانه لا ييأس من الله الا الكافرون ..
صباح / مساء الخير اخواتي الحبيــبات
حبيت اخبركم عن قصة المثل اللي يقول ( راحت تشب الضو واعرست )
هذي قصة حرمه مطلقه ، في زمن الأولين من اجدادنا
طلعت من بيتها وقت العصر ومعها حطــبه وراحت لبيت الجيران تبغى تشب هذي الحطبه وتجهز العشاء لاطفالها
( لانه ماكان في زمنهم فرن او قـز او دافور .. وطريقتهم اني اخذ الحطبه و اروح لاي بيت ضوهم شابه و اشب حطبتي عندهم ثم ارجع لبيتي واشب باقي حطبي من الحطبه الاولى .. وهكذا )
المهم اثناء وجودها في بيت الجيران صادفها ابن الجيران وبعد التحيه سلها عن حالها ولمح لها برغبته بزواج منها
و لمحت له بموافقتها
بسرعه راح الرجال لولي امر الحرمه و استئذنه و وافق وليها ....
و راحو لـ الشيخ اللي عقد الانكحه و جابوه معهم
وراحو لبيت الرجل ،، و مازالت الحرمه جالسه تنــتظر حطبــتها تشب
و خطبوها و وافقت وعقدو لها و تزوجت بنفس ذيك الساعه ..
شوفوا سبحان الله كيف الله يرزقنا
راحت للجيران تبغى تشب حطبتها و تزوجت ..
شرقت شمس ذاك اليوم وهي (( مطلقه )) ...وما غابت الشمس الا وهي في بيت زوجها ..
سبحان الله الرازق
بختام هذي القصه
ارجو منكم الدعاء لي ولجميع اخواتي المسلمات بالازواج الصالحين وان يجعلهم الله قرة عين لنا ويرزقنا منهم الذريه الصالحه اللهم آمين

jojoita @jojoita
محررة
يلزم عليك تسجيل الدخول أولًا لكتابة تعليق.




الصفحة الأخيرة
واسباب يطلبها الانساااااااان
والله يفرج هم الجميييييييع
مشكووره يالغلاااا الله يوفقك