قصة المصرية العجيبه .

السلام عليكم ورحمة الله وبركاته.
كيفكم يابنات .
ابغ اعلمكم بسالفة المصرية الي بحارتنا . صراحه انا اعجبتني طريقتها بالتوفير وعرفت ليه يمدحون المصريات .
المهم ان الحرمه جت عندنا البيت وطلبت من أمي سلف ١٥٠ ريال على اساس بيطلعون هي وزوجها واولادهم يتمشون وتبغ كم غرض تشتريهم للطلعه .
المهم قلت لها وش تسويلكم ال١٥٠ وعددكم فوق ٦ اشخاص .
قالت تكفي ان شاء الله وبزياده .
المهم طلعت من عندنا على السوبر ماركت واشترت كرتون لحم همبرقر ب30 ريال واشترت 3 اكياس خبز همبرقر ب12 ريال .
صار المجموع 42 ريال .
واخذت اجبان بطاطس وكتشب ومايونيز تقريبا بحدود ال 30 ريال .
المهم اول ماوصلت البيت قامت تطبخ الهمبرقر الي اشترته وتحطه في قصدير وتلفه زين ثمن تعبي في الحافظه .
وقلت البطاطس وحطتها بحافظه لحالها .
واخذت علب الكاتشب والجبنة والماينيز في علبها ولا فكتها لين وقت الاكل .
طبعا لما توصل ترجع تفك الهمبرجر وتضيف له الكاتشب والبطاطس والجبنه والمايونيز قبل التحضير مباشره ..
المهم يابنات توفير شي خيالي .
وياحليلهم والله مستمتعين الاطفال مع أمهم من يوم جت أخذت الفلوس ولحظات الطبخ والتجهيز وعايشين التفاصيل بكل سعاده لين رجعو نامو آخر الليل ويمكن كانو اسعد ناس ..
اللهم زدهم سعاده وألفه .
المهم يابنات وش رايكم بهالمصريه الي اثبتت ان السعاده احنا الي نصنعها ماهي الفلوس ..
من منكم تقدر تسعد عائله من 6 أشخاص في طلعه من العصر الين 1 في الليل بمبلغ مايوصل 150 ريال شامل الاكل والشرب وهدايا والعاب الصغار ..
فعلا هالمصرية ماشاء الله عليها .. إمرأة عجيبه