قصة المها الشهراني

انا ودي اليوم اقولكم قصة انخنقت وماعرفت وش اسوي قلت يمكن الي اكتبه يريحني بس ليتكم تسمعوني
مايهمني ردود بس يهمني كل مايقرا هالرساله في الغيب يدعيلها بس

بنت عمرها 24 سنه اسمها المها الشهراني تعرفت عليها من 7 شهور كنا في الخارج حنا لسياحه والمها كانت تحاليل تعرفت عليها المها من ناس عز وابوها بمركز معروف بس ناس متواضعين شفت هالشي بعيوني مايناظرونك من فوق اذا احد زارهم هم الضيوف والي يجي صاحب البيت
مضيافين وكرماء الله يكرمهم كل الي بقوله الحين عرفته من الي عشته هالفتره الشهور هاذي ومن اقاربها

المها مثل أي بنت كانت تحب الحياه مرحه جدا جدا بنت ملاك تشوفونها جميله ماشاء الله اخلاق ورقي في التعامل على انهم اغنياء بس كانت جدا تعاملها معي بتواضع ماعمري حسيت بالفرق اني اقل منها
كانت تحب تساعد غيرها جدا طموحه درست تخصص مو موجود في المملكه بس اصرت عليه ودرسته في الخارج وبتفوق ابوها سوا لها حفله لين الان الكل يذكرها بتخرجها وخطوبتها خطبها شخص من عائله ميسوره
كانت هديه ابوها انه تكون تكلفه بعثته ودراسته على حسابه وقرروا الزواج في شهر 5
المها حبته حب ماصدقته الا لما شفت بعيوني كانت تقولي عنه وهو ظلمه شين ان يحبها لين الان بس الظروف اقوى المها اكتشفوا مرضها سرطان قريب من القلب 4 سم ومشكله انسداد شرايين 2 يعني المشكله اصعب
مرت الاشهر ماراح اطول عليكم اكيد تدرون بمعاناه أي مرض وخاصة السرطان مرت بنفسيه الله الي يعلم فيها
ومرت الجرعه الاولى على خير والثانيه مالحقت عليها دوبها خذتها تعرفت على اخت في المنتدى لها احقيه بذكرها لقبها ممزممز اختنا وقفت جنبها والله يجعله بميزان حسناتكم في اصعب الظروف تركها خطيبها
اهله رفضوا يكملون الزواج من حقهم بس ليته قرر بس على الاقل وقف جنبها قرر بسرعه ونفذ
شوفوا عاد كيف استحملت حاولت تخفي الالم المعنوي والجسمي كانت دايم تخفي الالمها من خوفها على اهلها
الي سوته لي عمري ما انساه عمري في حياتي مابكيت عمري ماعبرت عن شعوري المها علمتني اني ابكي
اطلع الي في قلبي صرت اتكلم بالماضي الي اخفيه عن أي احد صرت ابكي من كل قلبي ترون المها من ذكائها
انا اسكن مع مرت ابوي يا شفت ايام انا واخواني ماتذكر من قسوه وذل واهانه منها الله يسامحها
كنت اشتكيلها المها تدرون ماكانت تاييدني تقولي اعطيها العذر يوم تعرفت عليها قالتلها ان ساره دايم تكلمني عنك وتشكرك للاهتمام فيها واخوانها خالتي انفجعت بس صدقتها لان طلعت الكلام من قلبها
خالتي شفت التغير كثير عليها صارت تدق علي بالمستشفى اذا تاخرت تقول لا تطولين انتبهي اذكريني بالاذكار كل صباح صرت احبها واعذرها من بعد وفاه ولدها الله يرحمه امي وبصارحكم كنت ماكلمها ما اكرها بس كنت الومها ليه تركتنا وحنا صغار وشفنا الويل بس المها والله خلتني بذكائها مادر اقولها بس صرت اشتاق لامي
اكلمها كل يوم واطب رضاها واشياء لا تذكر ماقدر اقولها بس ماقدر اساعدها ارد الجميل
يوم تعرفت عليها نذرت لوجه الله اني اساعدها بس مالحقت ماسويت الي سوته كانت تحلم باشياء كثيره
تحلم تشوف بالي اغلتهم بس ماتقدر تشوفهم كانت تحلم انها تتشافى تدرون المها على العز الي فيه عمرها ماتكلمت امها مره قالتلي قصة في عملها الموظفات كانوا يتفاخرون بالماركات والدنيا وهي لبسها ماركات
ولا بعد من بره مو من هنا بس ماكانت تقولهم لانها تعرف انه تقليد حفهم تقول تخاف تكسر بخاطرهم
او ينحرجون تخليهم يكملون كذبتهم ولا تقولهم الصراحه تقول ان الي تلبيه تقليد مشرفه عندهم
بسيطين امها تقول مادرت انها تساعدهم الا بعد تحويل من البنك جاهم على البريد كشف حساب
يوم واجهتا امها تدرون وش قالت انا اقدر اكل واشرب بس غيري لا وياليت ماتساليني
ليه وكيف وبالصدفه درينا عن اشايء كثيره بس يوم امها تناقشها ماترضى تتكلم بالموضوع
امها ماترفضلها طلب ابد لو طلبت عيونها عطتها وحيدتها على 4 شباب نسيت اقولكم عن اخوانها
2 اكبر و2 اصغر منها بس ماعمري شفت علاقه مثلهم يحبونها اكثر من عيونهم خاصه مع مرضها
في واحد تسميه توام روحي كل شي ولا المها مايرضى عليها اذا تنومت والله شوفت عيني يبكي مثل الاطفال
اه لو اكمل بتملون يمكن بس قصة المها ماتنتهي يوم الثلاثاء خاطرنا بالجرعه المها مناعتها ضعيفه وماتقبل جسمها الكيماوي بقولكم شي يمكن تستغربون وماتصدقون بس الله يشهد ومعي اختي ا لي ساعدتني هنا في المنتدى تشهد على كلامي المها قبل بشهر وهي تحلم برجال كبير بسن جميل يقولها انتي بامان وراح ترتاحين
وكل ماحسيتي بالم تذكري هالطفل وشال من صدرها طفل يبكي وتقول انها تسمع صوت بكاء الطفل بالحقيقه
سالوا شيوخ تضاربت الاقاويل اخر شي قالوا لهم اكفلوا يتيم وطفل مو كبير وفعلا ابوها ماصدق الا وسوا كل الاجرائات قبل الجرعه رغم انها متجهزه نفسيا الا تغيرت فجاه صارت تبكي مانعرف من ايش
دخل ابوها عليها وعلمها اذا متخوفه من الجرعه قالت لا انا بروح ماراح ارد البيت وماراح اشوفكم مره ثانيه
وانا حاسه بالموت ابوها صبرها وقالها تتوكل على الله واختي ممزممز ماقصرت وحاولنا قد مانقدر نواسيها بالنسبه لي ماكنت مصدقه اني بفقدها خذت الجرعه يوم كنت معها بكت وهم حاطين الاكسجين ومسكت يدها
ويالتها اذا تتالم ضغطت على يدي وهزت راسها وبكت يوم مسكت يدي واله جاني شعور اني بفقدها مدري ليه
تذكرت كلامها وانها حاسه بالموت امس ماخلانا ابوها نشوفها قال الدكتور يقول بخير مو ضروري جلستكم
شكيت وانا لين الليل في حيره فجاه دقوا علي انا بروح عندها رحنا ابوها قال انه توفت الله يرحمها وادخلوا ودعوها امها انهارت كانت حاسه من ضعفي ماقدرت ادخل شفتها من بعيد ودعتها ابوها لقنها الشهاده
يقول والله بكل سهوله نطقت ومرتين وطلبت منه انه يسامحها ويرضى عليها وانها تحبنا كلنا
وتوفت وجها نور ماتت وهي تبتسم والله كلام المغسله اليوم تقول رغم ان ابوها جايب من افخم المسك
بس والله الذي لا اله الا هو ان ريحتها حلوه قبل
المها توفت الساعه 10 الجمعه الله يرحمها ويغفر لها بس ودي تدعولها في موضوع الي حطته ممزممز
راحت المها وخلتني ليتني ماعرفتها هذي المها لقبها كلي تفاؤل بالشفاء او ايامي معدوده القدر حطها بطريقي بس ماكملت شي معها الله يرحمها ويسكنها الفردوس الاعلى مالقيت شي اسويه الا اني اكتب اطلع خنقتي ماودي غير الدعاء فقط مايهمني الردود ليتي ماطولت عليكم بس حبيت لهالبنت ذكرى حلوه