السلام عليكم
بطرح قصة الوالد ربي يحفظه مع السرطان
الوالد كان عنده انتفاخ بسيط بالبلعوم
وكان ما مهتم ابد
يوم من الايام سار يشوف صديقه الدكتور ولاحظ الانتفاخ قاله لاااازم تسوي فحوصات واشعة وغيره
ورجع البيت وخبرنا ونحن خفنا وايد صراحة لأن الانتفاخ كبر عن قبل والوالد ابد مب مهتم
بعد الفحوصات الطويلة صراحة وايد تعب اكثر عن مرة يسوي فحص وانتظار نتيجة والي يقوله حميد والي يقوله غير حميد
الوالد ايمانه قوي ابد ما انصدم ولا بكى ولا شيء ربي يزيده ثبات يارب
والمشكلة هذا المرض وراثة يعني جدتي وعمتي قبل صابهم
واخيراااا بعد طول انتظار النتيجة كانت ورم غير حميد بالبلعوم
والحمدلله عمل عملية واستأصلوا الورم:44: حبيبي هو وايد تعب بالعملية
وبعد العملية بدء بمرحلة الكمياوي
وااااايد تعب وايد تعب من هذه المرحلة وصل للموت خلاص وربي يقول اني شفت علامات الموت
مسكين اكثر شيء تعب فيه الابرة الي اعطوها له بالعمود الفقري
والحمدلله يارب بس شعر لحيته تساقط وشوي من مقدمة شعر راسه وصار ضعيف
والحمدلله بعد المرحلة هذه اعطوه فترة شهرين يسير المستشفى يسوي فحوصات وبعدين صار كل ثلاث اشهر او اربعة اشهر لمدة سنتين والحمدلله النتيجة اخيرا انه تشافى يارب يديم علينا الصحة يارب
حبيباتي الوالد شاف مرضى يقول احمد ربي على مرضي
اطفال صغار بنات بعمر الزهور
والي كبار بالعمر
حالهم يبكي والله
الي ما فيها شيء تحمد ربها على الصحة
والي مريضة تراه اجر وعليك بالدعاء والطب النبوي
الوالد كان ياكل على الريق عسل طبيعي مقري عليه
والحين اختي صابها ورم حميد نفس المنطقة الي كان الوالد يعاني فيها
والحمدلله بعد العملية هي بخير
يارب الصحة نعمة يارب لك الحمد والشكر على هذه النعمة
مـــــ ام ـــارية @m_am_ary
عضوة جديدة
يلزم عليك تسجيل الدخول أولًا لكتابة تعليق.
أسأل الله العظيم رب العرش العظيم أن يشفيه ويشفي أختك شفاء تام لا يغادر سقما اللهم آمين
الحمدلله الذي بنعمته تتم الصالحات
الحمدلله على سلامة والدك و أختك أختي
إن شاء الله في ميزان حسناتهما
تم إضافة القصة لقصص الشفاء :)
•·.·´¯`·.·• هكذا شفانا الله من السرطان ... شاركينا تجربتك ( قصص و تجارب )•·.·´¯`·.·•
الحمدلله على سلامة والدك و أختك أختي
إن شاء الله في ميزان حسناتهما
تم إضافة القصة لقصص الشفاء :)
•·.·´¯`·.·• هكذا شفانا الله من السرطان ... شاركينا تجربتك ( قصص و تجارب )•·.·´¯`·.·•
الصفحة الأخيرة
ويشفى اختك وجميع من ابتلى بهذه الامراض انه ولى ذلك والقادر عليه
خليه يقرا على نفس المكان الفاتحه 7 مرات فهى شفاء
ولا تنسون الطب النبوى