السلام عليكم
بدخل بالقصه على طول
بنت جيرانا المسكينه تزوجت وهي اول متوسط الحين عمرها يمكن 24
اهلها ناس على قد حالهم وماصدقو بالرجال اللي جاها وهو كبير عنها يمكن بعشرين سنه ومطلق وعنده اولاد من زوجته الاولى
المهم البنت كانت عايشه حياتها مع زوجها ومبسوطه
زوجها عنده اخت اكبر منه مطلقه وقامو زوجوها لولد جيرانا اللي هو اخو الزوجه
واخوها مره صغير عن زوجته اللي اخذها عمره كان 19 وهيه يمكن بالثلاثين
وهيه مدرسه وقويه لدرجه توديه يمين وشمال مثل ماتبي جابت منه ولدين وصارت مشاكل وماستمرو وطلقها
وبنت جيرانا حياتها كانت عاديه مع زوجها لكن بعد ماخوها طلق اخت زوجها بداو اهله يحرضونه عليها
وهيه وربي مسكينه لو اضن تضربينها ماتقول شئ
وصلت فيه قبل اربع سنين انه يرميها بالرصاص
وصابتها وقام خاف هو وشالها ورماها بمستشفى عرفان بجده طبعا اهلها بمدينه وهيه بمدينه
وجلست مسكينه فتره طويله تتعالج بعرفان وكانت بغيبوبه واهلها مايدرون عنها والمستشفى ماعرفو يوصولون لا لزوجها ولا لاهلها
غير بالصدفه بعد ماجلست بنتهم بالمستشفى شهر دق زوجها الخبل على اهلها وقال ترى بنتكم بالمستشفى خذوها
راحولها اهلها وطلعت الفاتوره فوق 40 الف طبعا هم من يستحق الصدقه ولا يقدرون على هالمبلغ الضخم
قررو بعد فتره انهم يهربونها من المستشفى وفعلا هربوها اهلها من المستشفى بوقت الزياره وجابوها عندهم بالبيت
طبعا المشكله الحين عيالها
اشتكو اهل الزوجه على الزوج وفي الاخير تقرر انه يسجن وطبعا هو الحيوان مطلع تقارير عن بنت جيرانا انها مجنونه
بعد ما الرجال انسجن اولادها بقيو عن جدانهم لابوهم
طبعا جدانهم ناس قاسيه ولا في قلبوهم ذرة رحمة رمو الاولاد بدار الايتام
3 اولاد وبنت وحده البنت كان عمرها يوم تركتها شهرين الحين كملت اربع سنوات
حاولت بدار الايتام يعطونها عيالها لكنهم رفضو وقالو انهم معاهم تقارير انها مجنونه وماتصلح تربي عيالها
طبعا ابو الاولاد كان متزوج من قبل وعنده بنت تقريبا بالثنوي البنت جات امها تبي تاخذها بعد مانسجن ابوها قالت لا بجلس مع اخواني بدار الايتام ارعاهم لانهم صغار
بنت جيرانا مسكينه كل شوي تسافر لهم تبي عيالها ودار الايتام رافض
حتى جابو البنت ام اربع سنين قالولها تعرفين هذي قالت لا ماعرفها
:( شلون بتعرفها وهيه تركتها من عمر شهرين
طبعا ابوها متوفي و اخوانها شخصياتهم ضعيفه ولا هم من الرجال اللي ينشد بهم الظهر كل واحد رايح بعالم مع زوجته
وهيه مسكينه تندب حظها ولا هي قادره توصل لعيالها ..
هذي قصتها حبيت اطرحها عليكم لانها وربي شئ كانه مسلسل مو حقيقه
الله يكون بعونها وحسبي الله ونعم الوكيل في زوجها
هذا الموضوع مغلق.
شجوـون
•
لا حول ولا قوة الا بالله
لا اله الا الله
الله على الظالم وين يروح من رب العباد العمر اقصر مما يتخيل الانسان ايش يقول لرب العالمين لما يقف امامه
ربنا يعينها على الي هي فيه ويتصرها على من ظلمها ان شاء الله
الله على الظالم وين يروح من رب العباد العمر اقصر مما يتخيل الانسان ايش يقول لرب العالمين لما يقف امامه
ربنا يعينها على الي هي فيه ويتصرها على من ظلمها ان شاء الله
الصفحة الأخيرة