قصة بنت خالي تقطع القلب

بدون مقدمات ابغى مساعدتكم فيقصة بنت خالتي
لها أكثر من ثمان سنوات مخطوبة وكل سنة أسمع أنها بتتزوج هذي السنة
ولا يصير شيء وبصراحة استحي اسألهاعن السبب (أنا عارفة بتقولون باقي بنات يستحو ن
هي بصراحة أكبر مني بكثير وبعدين هي مالها أخوات يا قلبي عليها بصراحة تكسر خاطري)
هي عمرها هالحين 32 وخطيبها 36 لا ومدير بنك بعد ما شأ الله
أقدر اسألها ليش ما تزوجتي لهالحين بس أمس تشجعت وسألتها
قلت لها اسمعت من الناس أنه زواجك هذي السنة صدق قالت لي
والله شوفي أنا ما صدقت أنك تكلميني في هذا الموضوع لأني قلبي مجروح
وأخاف اتكلم معك ثم أنزل من عينك أنا لما نخطبة منه ما كنت ابغاه بس أبوي
كل يوم يفاتحني في الموضوع ويمدحه و أنا أقول لا جلست ثلاث شهور وأنا على هالحال
و أمه كل اسبوع تكلم أمي وهو يكلم أبوي ما يمر يومين إلا وهو متصل يسلم عل ابوي
حتى استخرت ووافقت وبعدها بيومين ما قدرت اتحمل كرهته كره لدرجة أني ما اقدر أنام
والله طول الليل وأنا أبكي وقوم الليل اصلي وادعي أن الله ينزل كرهي في قلبه ويتركني
و صرت أصوم يوميا عسى الله يستجيب دعاي و تنحل هالمشكلة وهو بعد ما وفقت
الله لا يوريكم كل يوم يتصل على أبوي والله ما يمر يوم إلا وسمع أبوي يكلمه لدرجة
أني سمعته يقول لبوي وش رأيك تسكن عندنا في المدينة مو أحسن لك من الجنوب
والله ويضيق صدري وعلى هالحال سنتين والحمدلله أني كنت في الجامعة وإلا قال
خلينا نتزوج المشكلة كبرت بعد ما دقت علي بنت خالي وهي في الرياض وتقول صدق زواجك
هذي السنة وقتها دريت أن الناس كلهم درو أني مخطوبة وعرفت ليش ما جا أحد يخطبني
مع أن أبوي ما قال لأحد ولا أمي تسكرت الدنيا في وجهي و بعد ما تخرجت من الجامعة بسنة ما صار
يتصل علينا لا في مناسبة ولا في غيره حتى العيد ما يكلم أبوي ولا حتى أمه تسأل ولا تتصل
وإلى هاليوم على حطت يدك لا اتصال ولا غيره أنا ما همني بس اللي قاهرني أن الناس كلهم يدرون أني خطيبته
ومستحيل أحد يخطبني لأنهم يفكرون أني مخطوبة وأمي وأبوي لا يمكن أني اكلمهم في هذا الموضوع
ايش اقول ليش ما أحد يتقدم لي.
بصراحة قطعت قلبي والله لوتشفونها أن تقهرون وهي ما شأالله جميله والله كل ما تجينا وعندنا ناس أنهم يسألون من هذي وما تروح لاا زواج إلا والناس يطالعون فيها ولا يوخرون عيوهنم عنها بس كلهم لما يسألون عنها يقولون تراها مخطوبة وفوق جمالها ما شأ الله وموظفة في الجامعة ما شأالله يعني كل بنت تتمنى تكون زيها
بس اللي يعرف قصتها يتقطع قلبه عليها والله أنها تقول حتى أبوي صاير يلوم نفسه حتى صح ما تكلم معي
بس والله أعرف أني كاسره خاطره الله يعين.
أبغى لها حل ولاتنسون تدعو لها