قصة بنت مع ولد الجيران💔💔💔

هالقصه جتني عالواتساب قلت انقلها لكم للفرفشششه
واحده تقول قصتهاالمحرجه
انا بنت بعمر 19 سنه واكبر العيال اهلي و اهل امي من الناس الميسورين و ابوي رجل اعمال وامي موظفة بمرتبة عاليه من زمان ومتعودين الناس بمناسباتنا استقبال متكامل من مجاميعه وبرستيج و الزيارات عند امي بمواعيد والضيافة كاملة ومتنوعةوقبل ظهور الواتس بسنوات قليله سكنا في بيتنا الجديد وكان بحي جديد برضو لكن كحال الاحياء الجديدة في بدايتها ماكان حوالينا أي محل أو سوق اقرب محل او تموينات تحتاج سيارة ل7 دقايق والسايق و زوجته الخدامه قبل نسكن مسافرين وبيرجعون بعد 3 اشهرسكنا بيتنا وبعد شهر من السكن كل من سألنا أو سأل امي قالت الحمدلله خلصت فرش بيتي و تأثيثه باقي كم جلسه كذا مابتستخدمهم ولمسات فقط وركبنا المطبخ والغرف و فرشنا ثلاث من المجالس الرسمية والاستقبال والحمدلله استقرينا لكن امي موظفه مثل ماقلت لكم وخدامتنا مسافره اتصلت عمة امي من احد مناطق المملكة وباركت لها وقالت ان شاء الله بعد اسبوع بنجي للرياض عند عمك واذا جينا زرناك بإذن الله و قالت لها امي اي وقت تشرفوني وسكرت الجوال
و كل يوم نروح لدواماتنا نفطر بالمدارس و الغداء يجيبه ابوي معاه من المطعم والعشاء كذلك مافيه التزام فيه وابوي مشغول باعماله ومرتبط بزملاه بالعشاء و بالويكند عند اهل ابوي او امي مابعد تفرغنا لاغراض المطبخ الا اغراض بسيطه وعصيرات العيال و سناك حتى القهوه ابوي يتقهوى بدوامه وعند اهله وقت المغرب وأمي تكتفي بالقهوه في دوامها في بالها اذا خلصت اختبارات وتصحيح وجت الخدامه تتسوق تموين المطبخ وكلنا نختبر
وبعد اسبوع رن الجرس قبل اذان المغرب راح اخوي الصغير يفتح وشافت امي بالكاميرا حريم كانت بتخبره لاتفتح بس الله يهديه سبقها وبسرعه فتح الباب وقالوا ماما فيه ودخلوا وعرفت امي انها عمتها تقول امي انصعقت لما شفت عمتي لأن ماشرينا واستعدينا ماعندنا قهوه ولا اغراضها ولا حلويات مناسبه للتقديم لسى ماجهزت للاستقبالات ولا جاء على بالي ان احد يزورنا بدون اتصال ورحبت فيهم كانواعمتها وبناتها2 وزوجة ابنها دخلتهم امي و رحببت فيهم و جايبين معاهم هدية النزله 😱كرتون كبير 😐 امي تقول يافضيحتي وعلى طول اخذت جوالها اتصلت على ابوي قالها انا خارج الرياض واخواني الاولاد صغار والبقالات حتى بعيده ولا بعد نعرف نوصف عشان تتصل على حلويات بس قالت احاول وابحث عن ارقام محل حلويات واحصل فالحي حولنا مافيه توصيل و اتصل عالدبلوماسي بعيد قال اوكيه بعد ساعه ونصف اخذت امي علب مويه قدمتها لهم قالت لهاعمتها لا تجيبن القهوه الحين لان بعد شويه زوجة عمك وبناتها بيجون🙆🙆🙆 وامي خلاص بتنجلط
كذا فجأه قالت الله يحييكم ليتكم اتصلتو قبل تجون عشان استعد لكم واقوم بواجبكم قالو لا والله مانبي نكلفك عارفينك احنا ماتكتفين بشيء قلنا قهوه وبيالة شاي وطالعين
في نفسها تقول امي واللي ماراح تقدم لكم قهوه 😭رجعت تكرر الترحيب وطلعت ماسكه انفاسها وانا واختي نفكر 🤔 معها كيف نجيب قهوه قلنا مالنا الا ندور جيران 😔 مع اننا ماعرفنا احد ولا من طبع امي و لا طبعنا ابدا نروح للجيران ولاعمرنا في بيتنا الاول طلبت من جيرانا شيء ولا نعرفهم ولايعرفوناوانحرجت امي وهي مؤيده للفكرة لكن قالت بتعرف عليهم بعدين واقولهم قصتي ويتفهموني بس اطلع من المأزق الجميل قالت لي امي البسي عباتك بسرعه وروحي للجيران وانا بنتظرك واروح وادق ادق مافتحوا واتجه للي بجمبهم و يفتح لي واحدشباب وارتبكت وقفت برى البيت عند الجرس قال آمري قلت انا بنت جيرانكم اصحاب هذاك البيت نزل راسه ولف يمين قال حياك قلت وين الوالده قال والله مافيه احد الوالده والاهل كلهم طالعين للسوق قلت طيب ممكن تخدمني خدمة (انا مره مرتبكه وادخل الكلام ببعض) قلت ولو ان وجيهنامنحطه منكم وامي منحرجهبالمره منكم ومن ضيوفنا ولانعرف احد قريب هنا ولا قدطلبنا شي من جيران و سواقنا مسافر و ابوي بالخرج و اخواني ..قبل اكمل الشرح قال امروا ولو حنا جيرانكم ولا فيها شيءاطلبو وابشروا قلت عندنا ضيوف ونبغى اغراض جايينا طب كذا وتونا ساكنين قال اذا عندنا في البيت بجيبها وش تبين 😩😩😩 انا هالوقت انقطع وجهي وشلون بقول وش نبي المهم قلت نبي قهوه و هيل و زعفران قاطعني..قال عدة القهوه والشاي ما ادل وش بمطبخ اهلي بس تدرين لحظه ( كان واقف ع الباب ومشى قدام ) فتح سيارته ورا وطلع العزبه وقال هذاك بيتكم قلت ايه وشالها ومشى قدامي و حطاها عند بابنا وشكرته وامي عند الباب تنتظر قال تبون شي قلت ايه نبي حلى😭😭 راعي الحلويات يقول بعد ساعه ونص قال ابشروا طلعت امي وحلفت عليه مايروح وارككض نجيب فلوس ومفتاح سيارة السواق ويحلف هو ماياخذ شيء قال اافاا والله ماخذ ولا قرش اش الحلى اللي تبون بس وامي يالي ماصدقت خبر تتشرط قالت تشيز و ووو قلت يمه خفي عالرجال حلف ماياخذ فلوس وتكثرين عليه تحرجينه قال الولد ابشرو
و راح شوي جو باقي الربع وماقمنا ربع ساعه الا اللي جايب محل الحلويات كله الي طلبت امي و اكثرر وانخزينا من الرجال وشكرته امي ولمن جاء ابوي وعلمناه قال مافيها شيء جيران لبعض و يوم صلى واجه الرجال وتشكره وسولف معه وقلطه وحلف عليه للغداء بكره
تغدأ عندنا الولد وابوه واخوه ومع السوالف عرف ابوي ان الولد متخرج جامعه له 3 سنوات وتوظف وماعجبته وتركها ويتوسط له ابوي بوزاره ويتوظف على مرتبة جيده و بعدها امي تعرفت عليهم و صرنا نحرص ع الجيران و خطبني الولد وتزوجته وكان يقول (اني كنت اسبوعين بس قبل تدقين الباب كنت تبرعت بمبلغ بسيط واستغفر كثير لعل الله يغفرلي ويرزقني وظيفه واتزوج ) والحين عندي منه بنت وكنا بنطلع للبر الشتويه هذي قال روحي لاهلك جيبي عزبتي من بيتهم 😳 اكتشفت اننا اخذناها وما رجعناها 😂😂😂😂 وصلى الله على نبينا محمد