قصة تأخري في الحمل .. وكيف حملت بإذن الله ..الله ينفع بها يارب ..

مساء الخير يالغاليات ..
حبيت أحكيلكم قصة تأخري في الحمل يمكن تستفيدون أو تفيدون غيركم ..الله يرزق كل محرومه بالذريه وكل أم ببر عيالها يااااارب ..
أنا تزوجت قبل 14 سنه جلست أول سنه ماحملت وفي نهايتها جابت لي أختي عشبه من وحده بالحفر ب 1000 ريال أخذتها وكانت سبب بعد الدعاء إني حملت ببنتي الأولى والحمد لله فرحت فيها وكان نفاسي طيب أهل زوجي معاي ويخدموني وطلعت من الأربعين كاشخه وماتقولون والده بعملية .. بعدها طولت ماحملت وبديت أقلق وماخليت مستشفى بالجنوب لإني ساكنه فيه ولا بالشرقيه لإن أهلي فيها إلا جيته وكلهم يقولون لي نفس الكلام بعد التحاليل والأشعه مافيك شي يمنع الحمل حتى سويت رابع سنه منظار من البطن عشان أشوف إذا فيه إلتصاقات تمنع الحمل مثل ماتوقع الدكتور وماطلع فيه شي ومع كذا مافاد أي شي حتى المنشطات أخذت أشكال وألوان ومافيه فايده ..
وخلال هذي السنوات كان أخوي الكبير الله يحفظه يلح علي يقول روحي للشيخ أنا متأكد إن فيك عين مانعه الحمل وأنا إذن من طين وإذن من عجين شايله الفكره أصلا من راسي إليييييين جت نهاية السنه الرابعه وكنا بإجازة صيفية وتعرفون عزايم وزواجات ومناسبات مرضت فيها مرض بشع لايمكن تتخيلونه يابنات لدرجة إن زوجي يشيلني جنازة الله يجزاه الجنه يارب ووالله إني كنت أوصي ببنتي وأقول لزوجي سدد ديني لإني ميته خلاص ومن مستشفى إلى مستشفى ..نسيت الحمل خلاص ماأبي .. أبي أعيش وبس ولما جا هذاك اليوم وأنا بالمستشفى مثل الميته ودموعي على خدي وزوجي جنبي مايدري إيش يسوي والدكتوره تطالع فيني بضحكه تحسبني أستهبل تقول مافيك شي في نفس اللحظه كلم أخوي وهاوش زوجي قال ودها للشيخ وفعلا أخذني زوجي من المستشفى على مطار أبها والله إن المغذيه نسيتها في إيدي من الشي اللي أحسه ووصلنا وإستقبلنا الشيخ الله يجزاه الجنه بمطار الطائف لإنه صديق أخوي وحجز لنا شقه كبيره شوي وبدأ معانا العلاج بالقرآن والأعشاب ثالث يووووووم من القراءة .. قال لي إنتي معك أربع عيون ووحده مستقره في الرحم ومانعه الحمل وأنا بأثبتلك هالكلام وعطاني اليوم الثاني على الريق عسل قاري عليه وحاط عليه أعشاب ووالله يابنات بعدها بدقايق إلا جاني مثل الطلق بظهري وبطني رجعت للشيخ وقلتله إللي حسيت فيه قالي هذا هو اللي مانعك من الحمل ..
الحمد لله كملت معاه أنا وزوجي اسبوعين وبنتي عند أهل زوجي وكل ماسمعت صوتها أبكي وأقول ياربي أشوفها مره ثانيه ..رجعت بيتي وظليت فتره على الزيت والماء المقري والعسل حاط عليه أعشاب وعانيت كم شهر من الوساوس وتبعات العين والحمدلله بعد العلاج بأربع شهور حملت ببنتي الثانية وجبتها وبنتي البكر عمرها خمس سنين ..
والحمد لله حتى يرضى عندي خمس بنات ألحين الله يحفظهم ويبارك فيهم ويرزقني برهم ماليين علي حياتي الكبيرة عمرها 12 والصغيره سنتين ..وكلهم قيصري ..
تكفون يابنات إدعولي إن الله يرزقني بولد ذكر أخو لبناتي تعرفون القيصري حدي سبع ولادات ولو كان عندي أولاد كان وقفت لإنه بصراحه تعب لكن حكمة الله جل وعلا ..

أسأل الله العظيم رب العرش العظيم أن يرزق كل محرومه بالذريه الصالحه ياااااااااااارب ...
وعذرا حبايبي على الإطالة ..