قصة تغيير زوجي والحمدلله

السلام عليكم ورحمة الله وبركاته اخباركم بنات
اليوم مثل ماوعدتكم بقولكم قصة تغييري لزوجي

ربيٍ .. إنْ لمّ أڳنْ أهلاً لبلوٌغ رحمّتڳ فرحمّتڳ أهل لآنْ تبلغنْيٍ لآنْهآ قدٍ وٌسٍعت ڳل شٍيء

اول شي بقولكم طبع زوجي وصفاته زوجي حنون حييل وطيب واي طلب اطلبه قادر عليه مايقول لا ودايم تمشيات بشكل يومي الا اذ كنا طالعين لدار تحفيظ مانطلع لان مايمدي الوقت نذاكر لما نرجع وننام بدري للمدارس
ومعاملني بالحيل مايحسسسني انه لازم يتسلط ويقول لا وماتروحين كذا لا كل شي اوكي به الحمدلله بس به شي واحد شي احسه بالنسبه لي لاصار تختفي كل جمايله وكل معامله له زينه انساها بسبب هالشي
انه عصبي جداً جداً جداً يعني مايتحمل نقاش ابد اذ فتحت موضوع نقاش يعصب وليته ع كذا يضربني 😭 وليته ضرب مثل ضرب الناس لو يعطيني كف ويمشي اقول الحمدلله
لكن انه متسلط ع راسي مدري ليش يضربني بكل قوته وتعرفون الرجل والله مدري كيف انا عايشه للحين ههههه شكل راسي حديدي 😹
ويغولني يابنات لدرجة اني اتشهد خلص ويلف رقبتي بقوه والله اسمع طقطقة عظامي وانا مادافع ولاسوي شي
والله اني ماكنت اطلبه لافلوس ولاشي ولاكنت اتكلم عليه بشي يضايقه وبيتي نظيف وشغلي بوقته ولاعمره جاء ومالقى غداء ولاعمري شكيت له شي حتى الزواجات اخذ كن اخواتي فساتين عشان ماضايقه لان راتبنا ع قدنا
وحتى ملابس ماعمري قلت بشتري بعد كم شهر ان عطاني من نفسه رحت شريت واكثر شي ابدي البيت اشتري النواقص يوم يعطيني مثلا مكوا او طاوله او شي زي كذا ضروري

ومع ذلك يطلع لنا سبب نتهاوش عليه مالي علاقه فيه مثلا يقول اسمعك تكلمين واقول لا انت تتخيل ماكلمت يقول الا كنتي تكلمين ولما دخلت قفلتيه ببداية زواجنا حيل بهالسبب شكاك بقوه هو يقول ان طليقة كانت تكلم قلت لاتظلمها قال مسجلتهم عندها باسماء بنات
انا قلت يمكن احد متسلط عليها وخافت منه وسجلته باسم بنت مو شرط انها تعرفه
ويفتح الاسامي ويشوف الارقام وانا كنت غبيه ماعرف اتصرف بس اصرخ واهاوش انا تشك فيني انا صاينه نفسي قبل اعرفك وانا مافي اشرف مني وكنت ارفع صوتي حيل وهذا يزيده صراخ بصراخ كل مره وضرب

هذا بوقت المشاكل بالايام الثانيه كل يوم مع بعض حيييل ماتقولين هذولا اللي يختلفون ويضربها حييييل نحب بعض لدرجه ماحد يتخيلها وانا مو مدح لنفسي واصلا محد يعرفني حتى ادور المديح مجرد معرف فقط انا حيل مريحته ولاغثه بطلبات ولاشي وغيرت البيت خليته حيل يجنن لان عندي ذوق بالتزيين واحط حركات بكل البيت ودايم اغير واهتم ببيتي وبنفسي ونسولف مع بعض حيل يناقشني بكل شي بشغله باهله باخواته لما يختلفن مع ازواجهن بامه لما تهاوشه وتزعل بابوه وحاجاته واخوانه واصدقائه يعني والله احس انا مثل الاصدقاء انا وياه بالحيل مع بعض لدرجة اني ماروح لاهلي الاقليل بس اذ تهاوشنا وربي تقل عدوه له تقل اني ذابحته ولاذابحه امه بالحيل ضربه وحتى وانا حامل ببنتي ويضربني ومره ياخذني للبر ويقول ابي اذبحك ويضربني هناك حيل وانا بلساني الشهادتين بس وحتى بالطريق ضرب حيل بكل شي
اصاباتي راسي حيل متورم وعيني مره اسبوعين نزل بها دم ومره خلع يدي للحين يدي ماطابت ورقبتي للحين بس تطقطق المهم اني شفت عذاب حيل منه لدرجة اني بغيت اقول له وش فرقك عن بشار الاسد مو كلكم تعشقون التعذيب لانه دايم يسب بشار لما نكون نسولف بس لاخلص ضرب وش يسوي يبكي حييييل حيييل ومايحط عيونه بعيوني ويقول شي غصبني عني مقدر اتحكم بنفسي مدري شفيني والله يحب حتى رجليني حتى اسامحه وانا بصراحه الاحظ عيونه يتغيرن حاسه فيه شي مو طبيعي

المهم انا شلون كنت اتعامل معه كنت ارد الصراخ بالصراخ يوم تعبت من الضرب اطلبه لاتراضينا لاتضربني يقول خلص ماضربك بس لاتصرخين تعذر بصراخي بعدين حكمت نفسي ولاصرخت ومانفع لو نقاش هادي فجاه ينط يذبحني

اول مره ضربني ماعلمت اهلي وتمادى بعدين صرت اعلم اهلي واروح لهم وكانو اهلي وقتها يهاوشوني انا بحكم اني تطلقت من زوجي الاول لاني انا عفته ىيحسبون هذا مثله مايدرون اني احبه بس مابيه يضربني
وقامو يتكلمون قدامه انتي وانتي انصدمت حيييل وتمادى علي يوم نتهاوش يقول حتى اهلك عارفينك وانا تعبانه من وحامي وكل هالضرب اخذته والاهانات حرام
ماكنت ارضى من قلبي يرضيني بس مارضى لاني انا وقت مانتهاوش مايخليني اتكلم بس هو يتكلم ويضرب ولابرد قلبه قال سامحيني طيب وانا ليش ماتكلم ان قلت بتكلم ورجعت اناقش ضربني مره ثانيه

المهم بعدين بعد شهور علمت اهلي هو مثلا بالشهر مره يضربني او مرتين علمت اهلي انه قال اهلك عارفينك وجيت ابكي كنت مضروبه واللي زعلو اهلي بوقتها وهالمره رقضت ارجع له بس تخويف له جاء لابوي ابوي هاوشه قال ضربناها عشانك وانت ترجع تضربها وطرده وامي لما كلمها هاوشته قالت ترى هذي بنتنا مابعناها لك بيع ماهي عبده مملوكه كل شي الا الضرب وقالت بنتي ماتخطي وانا اعرفها انت الخطا منك حنا يوم هاوشناها نحسب ينفع بك الطيب مو ترجع تضربها

وارسل امه ورفضت ارجع وجت ثاني يوم ورفضت وزعلت وطلعت وهي تحرم انها ماتجي مره ثانيه لي ترجعني
بس بعذري ماحد فكني يوم يضربني امه تسكت وخواته وهم عارفين فيه حاله مو طبيعيه ولاحد يفكني يسمعون صراخي
وبعدها ارسل ابوه وعمره فوق الميه وجاء يالله يمشي
والله يابنات اني رديته امي قالت عيب هذا كبير
ارجعي قلت لا
عاد زوجي انجن فقدني وقام يرسلي الحين اطلع بالشارع وابكي واناديك واصرخ باسمك>>>>> حسسني اني انابع مسلسل كويتي قصة حب هههه

ولارديت ع رسائله اخر شي كلمته وقلت اسمع ان ضربتني مره ثانيه اخر يوم بيني وبينك مسويه نفسي شديده وانا خرطي هههه

المهم رجعت وبعدها جلس خمس شهور مامد يده علي 😲😵
قلت خلاص الحمدلله تغير ونفع معاه التخويف وكذا وجاب بناته عاد ماقلت لكم اول ماقال يجيبهن قلت اني رفضت انهن مسؤليه وانا توي عروس المهم بعدين وافقت وقلت له اسمع
انا ماعندي مشكله بس يدك ماتمدها علي قال اصلا خلاص الضرب مافي وحرام ورفقا بالقوارير

بعدين مامداه جابهن يمكن من اول شهر ضربني وصراحه انقهرت طيبه معه ولااطلبه ولا اغثه واربي بناته وانا حامل والعب معهن وحيييل تقل خويتهن مو زوجة ابوهن ويضربني رحت لاهلي وتركت البنات عنده وانجن بلش بهن يبي يداوم وين يحطهن ولافي احد يمسكهن امه تعيي ماتبيهن وخواته عين
وبالحيل وجاء يرجعني ورجعت وحلف ع القران مايضربني ورجع وقطع حلفه وضربني
وحتى لما بدن المدارس بنته باول وتعرفن دراستها متعبه التحفظ بالحيل اتعب وانا والله في ناس يقولون لي لاتحفظينها قولي حفظتها وهي ماتحفظ هذا هو يضربك
والله اني قلت لا وانا محتسبه تحفيظ القران لوجه الله
وفعلا كل ماحفظها اجدد النيه انه عمل ينجيني من عذاب القبر واسال الله بهالعمل ينجيني
ورجع ضربني ومره رحت لاهلي وارسلت له رساله
اني انا اسوي كذا وكذا وبناتك حيل معاملتهن زينه وادرسهن وصارن يقولن لي ماما من طيبي معهن ومتنازله عن حقي بالراتب عشان ماغثك ومرتبه ومنظفه وطابخه وش تبي بعد ليش تضربني وتشوه جسمي كل مره ليش

المهم اتصل وقال فعلا انا فكرت قلت لو اني يهودي ماضربها وهي تحفظ بنتي وتتعب بتدريسها

المهم بعدين رجع ضربني كل مره يكذب علي لا مايكذب هو صادق بس مايفدر يوفي

انا تعب وجلست افكر الحين وش اتعامل معه رحت لاهلي ولافاد معه بس تغير شوي خف ضربه مر مثل اول حيب يضرب ورى بعض يعني ضربه ويتركني او ٢
يعني الوحده ماتسكت عن ضرب رجلها لازم تفضحه

وتركت البنات ورحت ولافاد ولاحس بقيمتي وافكروافكر وافكر ولقيت الحل اهااااا
ًبنات لاتقولن تكذبين والله وربي بيحاسبني عن اللي اكتبه وان كنت اكذب عسى ربي ياخذ روحي الليله

قلت هالحين يوم تصير مناسبه زواج او جمعه دايم بي ضربه واخبيها بالمكياج واظل مو واثقه احس يشوفني والمكياج يخف كل شوي اروح مرايه احط وجت فتره قلت ماراح اعلم اهلي عشان يمكن يفيد وبالعكس تمادى وطمع اكثر يحسبني ميته عليه وخايفه من الطلاق >>>> عاد انا فعلا ميته عليه😍 بس عرفت ان الزوجه خطا تبين ضعفها

قلت ليش مايجرب شعوري لازم يجربه عشان يحس وحطيت ببالي قلت هين اول هوشه بس متى تشوقت لها حيل

والله يابنات ياحبيباتي وهي تصير من تمنيتها ههههه
وانا كالعاده شاهد علي ربي ماخطي ولااصرخ مثل اول وهادي وهذا زيني وقام يضربني وانا اقوم واضربه واضربه حيييل وهو يضربني وانا اضرب بكل شي امسكه من جسمه اترك به اثر
وهو يضربني بعد حيل انجن مني بعدين انا اخر شي ماافي طاقه طحت وهو ماطول تركني مو مثل اول
بعدها صار مايلبس رياضه يديه كلهن تغريش ووجهه
وقال متزوج بس انا وسكتت ماعلقت

بعدها جت فتره طويله مامد يده علي لانه طول مايلبس نص 😄 ووداني مطعم وهو مغرش 😃 وناسه والله

المهم بعدها بفتره طووويله يمكن شهرين وزين صار كذا طول بعدها اختلفنا وتنازلت ورجعت سكت ماعلمت اهلي عطاني كف بس وسكت وبعدها باسبوع رجع ضربني وزود شوي ولاعلمت اهلي وبعدها باسبوع ضربني والمرات هذي ماضربته بس هذيك المره


وانا ارجع لخطتي الاولى قلت مايفيد معه غير الضرب
وحنا نختلف ويضربني وانا اقوم بقوووووه عجيبه عليه وحسيت ممكن اطيحه وهو رجل تعرفني الرجل قوته وانا اعضه واضربه ع وجهه عجز يتحكم عجز يضرب وبعد عني صار يتنفس بقوه وقمت ضربته حيييل وضربني خفيف هو بعدين بسرعه تركني مايطول من كثر مااخليه بكل مره يفقدني وبعدها وانا ارضيه واحب ع راسه مع العلم مو مخطيه بس براسي شي😄>>>ان كيدهن عظيم

رضى وبعدها طلع وحنا نضحك عادي وانا اخذ بنتي واطلع من البيت وتركت بناته طبعا قفلت الغاز ورفعت الولاعات عنهن وخليت الباب مفتوح عليهن وطلعت

لما رحت لاهلي مارسلت له رساله مثل عادتي اللي تعود عليها ولاكلمته امي ولااحد
شسويت قفلت جوالي وحتى الواتس حذفته
وانقطعت عنه اسبوع
مايدري من يكلم كان مختلف مع اهلي بسبب مره لما هاوشوه عشاني تقفلت بوجهه مايدري شيسوي كلم ابوي قال بكره او بعده اجيب ورقتها ههه
انا ماهتميت لاني دريت انه بس يدور شي عشان ابوي يبدا معه ويتكلم لانهم كانو مختلفين بس ابوي ماقال شي وبعدها اتصل باخوي قال اذ تبي الطلاق اطلق واخوي ماعطاه شي
هو اول مره قال بطلق بعدين اتصل قال اذ تبي الطباق بس كذا يبي يشوف وش عندي ليش قفلت وانقطعت عنه
وانقطعنا عن بعض لاول مره بدون مانكلم ولانرسل لاعتب ولاغيره بعد اسبوع رجعت الواتس وارسلت له قلت ارسل مفتاح البيت بجي مع خواتي اخذ اغراضي لانني اكتشفت انك ماتبيني
الرجل اللي مايتحمل زوجته بنقاش وعلى طول يعصب هذا مايبيها ولاهو محترمها ومقدرها كل الازواج يختلفون ويتناقشون مافيها شي عادي بس اللي مو عادي اللي مايتحمل زوجته ويضربها هذا اللي يسوي كذا مايبيها
رد علي قال
انتي اللي ماتبيني
قلت انت عارف لو مابيك مازينتي بيتي وخسرت فيه انا ابي حياتي زينه بس مابي حياتي ضرب وخلاص ابي اتطلق

قال حتى انتي ضربتيني وغرشتيني جبت مرهم من الصيدليه عشان دوامي واضحات
قلت احسن عشان تحس فيني يوم كل مره اشتري مراهم
قال
احبك ياجنيتي
وانا اسكت مارد
بعدين قال انا ابي اتصل عليك
قلت صوتي مقطوع>>>طبعا اكذب عليه مابي اكلمه
حط ضحكه هههههه
وسكت قال تدرين اكتشفت شي بالحريم
قلت وشو
قال
المراه لازعلت تصير قوتها اكثر من الررجل
بعدين قال بكلمك واصر >> وانا طبعا مابي السالفه تكبر واتطلق بعد يفرحني قرايبي
قلت اوكي واتصل واحاول اسوي صوتي مقطوع عجزت وضحك علي ومارديت بدا يتكلم انا ابيك وبدونك ماعيش والبنات يسألن عنك غثني يبن يجن يمك وقال ان الصغيره. ياخذها معاه الدوام لان مافي احد رضى يمسكها من اهله

وانا اقاطعه قلت
اسمع واسمعني زين انا طلاق مايهمني والله حيل ارتحت هالايام وسمنت عند اهلي من الوناسه ويازين العيشه نايمه بين ولدي وبنتي وفلوسي معاي ومرتاحه
وش ابي فيك ماغير تضرب
قاطعني انا تعاملي زين وطيب ومامنعك عن شي وبس اتمشى طيب تذكري محاسني بس جت ع يوم اعصب
قلت يوم تعصب تذبحني تصرفاتك تخوف وضربك حيل خلاص جسمي اكتفى
وان ماحترمتني ولاقدرتني والله انا مالي شغل فيك ولا بالبنات خلاص ليش انا طيبه معاك وتجازيني كذا
وقلت اسمع انت عصبي انا اكثر عصبيه منك ولاراح اسكت ان مديت يدك وببادلك بضرب وبغرش وجهك اكثر واتركك وابلش ببناتك حتى خواتك وامك مانفعنك ماحد مسكهن ولاحد غير لهن ولاحد طبخ لكم ولا احد درسهن
انا اللي انفعك وانا زوجتك ماني عدوتك تسوي فيني كذا وخلاص دامك متهاوش مع اهلي وماتبيهم خلاص انا مابي بناتك

قال خلاص كل شي يرجع وخلاص براضيهم وولاراح اضربك قلت قلتها الف مره ورجعت ضربتني ماراح اصدقك بس بقولك اني بضربك وبشوه وجهك ان مديت يدك علي

المهم جاء ورضى اهلي بعد زعل ٩ شهور ورجعت المياه لمجاريها ورجعت لبيتي وجروحه خلاص طابن مافي شي بوجهه

ولما رجعت البنات قالن لي ماما يوم كنتي مريضه حنا نقول نبي ماما
هو قايل لبناته اني مريضه مايبي يعلمهن يوم المعركه ماشافنا المهم شفتن يابنات ترى يوم جن عندي لليوم هذا
ولاحده قالت. ابي ماما
وانا رحت اسبوع جننه وحيييل خلاص متعلقات فيني وانا بعد الحمدلله

والحين لنا فتره متصافين وترك العصبيه امس انا عصبت غصب عني وهو سكت مسك نفسه والحمدلله وودعنا الضرب لاجل غير معلوم😁

وان عاد هين ابو سروال وفنيله مايتعلمون الا لما يذوقون سواياهم بنا وذاك الوقت يحسون

بنات ماحلل من تكذبني وتسبني اللي مايعجبها موضوعي مع السلامه مو لازم تعلق



وراح انزل موضوع ثاني ان شاء الله بيفيد كل الامهات بأذن الله

ربيٍ .. إنْ لمّ أڳنْ أهلاً لبلوٌغ رحمّتڳ فرحمّتڳ أهل لآنْ تبلغنْيٍ لآنْهآ قدٍ وٌسٍعت ڳل شٍيء