قصة تكفى تخليني ...للكاتب باقي طعون

السلام عليكم يااحلى بنات هذي قصه قريتها وحبيت اشارككم اياها اذا عجبتكم اكملها واذا لا خلاص لا


الفصل الاول...
يلف اطرافي السكون وارمش وفي عيني الف دمعه وفي داخلي بركان من غضب على ما ال اليه حالي وماتسببت به من
اوضاع سيئه لابنائي ... وهنا في اقصى مخي توجد الاف علامات الاستفهام مغلفه بالتعجب اين كنت واي اب انت واي حال انت به الان ومن معك ومن ضدك....
من هنا سوف ابدا بسرد احداث حياتي
انا خالد .... متعلم مثقف اشغل منصب مهم في التعليم ولي علاقات واسعة الافق لي زوجه هي حبيبتي مشاعل عمري 67سنه بداءت حياتي كطالب بلا اب وام قليلة الحيله ونعيش بين الجبال في ذالك الوقت عندما اكملت المرحله الابتدائيه كان طموحي اكبر ولا اعلم اين اذهب اخبرني عمي انني استطيع اكمال تعليمي في احدى مدن المملكه ...ارتعشت اطرافي كيف اذهب الى مدينه وانا من صحراء لا يوجد بها أي شي ... لم يجول بخاطري حال والدتي لانني فعلا طفل ..اقنعني عمي وبداءت اخطط للسفر لكي التحق باالمرحله المتوسطه وبعدها مدرسة المعلمين ...وفعلا هذا ماحدث واتذكر جيدا باني شددت رحالي سيرا على الاقدام تارة على بعير راعي وتاره على اقدامي انا وصديقي المخلص وتاره تحت العراء نيام ... وصلت الى ماسعيت اليه مدينه يوجد بها اشياء لا اعرفها واناس غريبين
لا تحضرني تفاصيل حياتي لكني اتذكر جيدا ساعة الصفر عندما انهيت تعليمي واصبحت مدرس اصبح لي معارفي واصدقائي ..اتذكر جيدا عندما رايتها تلعب حالها حال أي طفله في عمرها .. بريئة جميله .. ادمنت رؤيتها كل يوم عندما اذهب الى عملي تكون هي ذاهبة الى مدرستها وعندما اعود اجدها تلعب امام منزل قريبي مرت على رؤيتي لها عام واحد وهنا لكم ماحدث
خالد.. يا بنت ايش اشمك
مشاعل .. اسمي مشاعل
خالد...وين بيتكم
مشاعل ................................. سكوت
خالد .. طيب ايش اسم ابوك
مشاعل .............................. حقران
خالد... طيب روحي بيتكم لاتلعبين بشارع
ههههههه
قرائي الاعزاء من هنا سوف تكون حكايتي باالهجه العاميه فسامحوني
فعلا راحت بيتهم بكل برائه وانا طبعا لحقتها وعرفت فين بيتها وعرفت مين اهلها ...الله هذا التاجر عنده هذي القمر لالا ماتروح مني حسب ونسب وجمال ياه اكيد امي داعيتلي ...امي .. امي .. امي .. فعلا ياهل ترى امي كيف حالها انا من جيت هنا الناس يوصلون لي اخبارها اه يايمه الله يذكرك باالخير .. رحت البيت بعد ماعرفت حبيبتي من تكون ونمت احلى نومه اصبح الصبح وقمت ورحت العمل وماشفتها ابدا باالطريق
ورجعت من عملي ولا لقيتها باالطريق تصدقون فقدتها ... اشتقت لها ابي اكحل عيني بذا الزين
مر يوم يومين ثلاث ايام اسبوع شهر البنت اختفت .. الحل ياخالد الحل ياخالد ؟؟؟ مالي الا انشد اهل اصحابي عنها وقولهم بنيتي باالزواج منها كود الله يجمعني فيها ..لحظه ياخالد تكون تزوجت لالالا ما اظن معقول ؟؟؟!!! متى يصبح الصبح علشان اروح لبيت عبدالرحمن واوصي امه تسالي عنها
وهذا اللي صار قابلت عبدالرحمن صديقي في التعليم وسلمت على امه وشرحت لها وضعي هنا بههالبلد واني ابي اتزوج بنت فلان اسمها فلانه وام عبدالرحمن ماقصرت راحت لهم بنفس اليوم وبلغتهم ... ههههه اثر حبيبتي صارت تتغطى علشان كذا ماشفتها ههههههه الله يازين ايامك يامشاعل ... رجعت لي ام عبدالرحمن وعطتني كل اخبارهم وتقول البنت متقدم لها واحد بس مو بزين منك .. وودي ياوليدي ياخالد تروح انت بكره لابوها ترى امها ماعندها مانع تملك عليها وزواجكم عقب سنه لان البنت صغيره عمرها 11 سنه بس هاه وش قلت
خالد.. هذي الساعه المباركه ان شاء الله من بكره بروح انا وعبدالرحمن لاابوها ياخاله
مجملها صدفه جابتك مثل الاحلام
مااظنها تحصل لو اني اريدك
الوقت جمعنا دقايق كنها عـــــــام
ماني بناسيها وايدي فايـــــدك
طول الليل اهوجس معقول بتصير مشاعل لي لالالا مو معقول مدري شلون قدرت انام ذيك الليله
اصبح الصبح وكان يوم خميس وماكان فيه عمل شلت عمري ورحت بيت ابو احمد اللي هو ابو مشاعل وسلمت على الناس وعطيتهم علومي واللي عندي واللي مو عندي ورحبوا فيني وقالوا بنرد لك خبر
انتظرت اسبوع انتظرت اسبوعين ماجاني أي رد رحت ل عبدالرحمن ابي امه تروح لهم تشوف وش صار على عروستي
راحت ام عبدالرحمن الله يرحمها ورجعت لي بااحلى خبر اهل عروسي وافقوا وتعال املك باي وقت تبي
وفعلا بعد اسبوع جهزت مهرها وذهبها ورحت لهم انا وكل معارفي اللي بااالطايف بذاك الوقت وملكت عليها و عقب صرت كل يوم خميس وانا عندهم مشاعل كانت طفله ماتدري وين الله حاطها ولا تدري انا وش اصير لها كنت العبها وتستابس وابوسها تزعل ....
بعد سنه .. التم الشمل صار عمر مشاعل 12 سنه وانا اكبر منها بعشر سنين تزوجت مشاعل وعشنا ايام حلوه بس انا كنت قاسي عليها كثير بعد سنه من الزواج قدمت نقل ابي ارجع لديرتي واهلي وجاني النقل بس مو ب الصحراء لالا طبعا بوسط المدينه اخذت مشاعل ورحنا وكانت نقلتنا فيها كل خير عارفين ليش ... لان مشاعل حامل .... ايه مشاعل حامل
9 شهور وجابت لي مشاعل اكبر اولادي وسميناه مشاري ..
الله قد ايش انا فرحان فيه كثير وعقب سنتين جابت لي مشعل وعقب سنتين جابت لي عاليه وللاسف جاء نقلي لديره ثانيه شلت زوجتي وعيالي ورحت للديره الجديده وعقب مااستقرينا جاني ولد سميته عبدالرحمن تدرون ياليتني مارحت لهالديره .... راح تعرفون ليش باالفصل الجاي ...




ودمتـــــــــــــــــــــــــــــــــــــ لي ـــــــــــــــــــــــــــــم