*قصة ثرائي
سالفة ثرائي بالتفصيل الممل جدا
والله العظيم واللي خلقني
هدفي هو للفايدة فقط
للفااااااااايدة
لاابي اسحب عملاء تحتي
ولا ابي منكم فلوس خلوها لكم انا بغنى عنها
ابي بس تاخذون فكرة والهام
والذكي واللي فكره نظيف وقلبه سليم ونظيف
ومايعاني من الحقد والحسد
هو بس اللي راح يفهم وش اقصد وراح يستفيد من القصة
اسمعوا انا سبب ثرائي مو تداول عملات
والله مو تداول عملات
انا تسلفت الخمس وتسعين الف ريال
دخلت فيها اسههم مواد غذائية
اكرر
دخلت اسههههههم مواد غذائيه
وصار الربح = ضرب ٣
يعني ٩٥٠٠٠ في ٣ = ٢٨٥ الف
رجعت وشاركت بالاسهم نفسها بالمبلغ كامل
مواد غذائية
والله مواد غذائية
ناتج الربح = ٢٨٥٠٠٠
برضه ضرب ٣
يعني ٢٨٥٠٠٠ في ٣ = ٨٥٥٠٠٠
(((
يلا هاجموني بعد وقولو ان فلوسي حرام)))
بس هذا اللي ربحته
طبعا رحت ركض اسدد ديني
٨٥٥٠٠٠ ناقص ٩٥٠٠٠ = ٧٦٠٠٠٠
سبع مية وستين الف هذا اللي كسبته
من وين كسبته ؟!
من اسهم المواد الغذائية
من وين ؟
اكرر من اسهم المواد الغذائيه
طبعا السبع مية وستين الف مارح تساعدني احقق احلامي كلها
قمت فتحت عاليوتيوب وجلست اتعلم
كيف انمي واطور هذا المبلغ اللي معي
مابيه يضيع مني
لقيت قنوات كثيرة تعليمية
وياكثرها
كنت اتصفح واتسلى وصرت مدمنة يوتيوب
مدمنة ايش
اكرر
مدمنة يوتيوب
طبعا زوجي عندي يوم من ورا يوم لكن لاولاده بس
اليوم اللي مافيه زوجي
اقضي اكثر وقتي على النت واليتيوب
يعني حطيت لي مواد مدرسيه والزمت نفسي فيها كطالبة متعلمه
الله يجزى صاحبات القنوات اللي تطورت وتعلمت على يدينهم
خير الجزاء ويوفقهم
ويجعل ماتعلمته منهم في موازين حسناتهم
ياكثرهم مدرسات قنوات اليوتيوب في كل المجالات
كل وحدة دروسها احلى واروع من الثانية
يخي اليوم يتكون من ٢٤ ساعة
احسبي ساعتين مثلا عناية بالبيت والعايلة
واخصمي بعد ساعتين مثلا للصلاة
و٧ ساعات للنوم والراحة
كم يبقى من اليوم ؟
تقريبا ١٢ ساعة
خليتها كلها دراسة وتعليم وتدريب
وش هي المواد اللي درستها؟
خياطة ..وتطريز ..وكروشيه ..وتجميل
وطبخ
تر والله سهل
ليش مستصعبين ومستنكرين ؟
شي راجع لكم
المهم
اعتنيت ببشرتي شعري جسمي
كل شي فيني عناية مميزة
يعني زيتي شعرك وروحي ادرسي
سوي تقشير لجسمك وروحي ادرسي
سوي ماسكات لبشرتك وروحي ادرسي
والله العظيم سهل جدا
اشتريت من فلوسي
ماكينه خياطة واقمشة وادوات الخياطة كاملة
وسنانير واصواف
وجهاز بخار للوجه والجسم
وادوات التجميل والعناية
وطارات التطريز وخيوطها وابرها
وهذي الدمى اللي بالمشاغل عشان اتعلم تسريحات وصبغات
ودراجة هوائية اتمرن عليها احافظ على رشاقة جسمي وحيويته
لازم اضغط على نفسي واتطور في كل شي نفسي فيه
عندي عدو في حياتي
ابي اكون الافضل
في هذي الفترة اخذت دورة صغيرة مدتها شهر واحد وسعرها
١٥٠٠
دورة تجميل وميكب وتسريحات
هذا الكلام قبل جائحة كورونا
وتطورت بالشغله عن طريق النت
وصار اليوتيوب هو المدرس حقي
تقريبا ١٢ ساعة
اعتبرتها دوام اجباري
وقمت اتعلم وانفذ واتعلم وانفذ واتعلم وانفذ
(((الطلاب والطالبات مو احسن منا)))
بخلال سنة ونص او سنتين احترفت كل شي حبيته
واشتغلت شغلة ثانية هي اللي كرهتكم فيني وضيقت صدوركم
والحمدلله بعد سنه ونص اشتريت فله حلوة
واثثتها طبعا بمساعدة زوجي
ماهو بيت عياله مثل ماهو بيتي لازم يساعدني فيه
طبعا في هذي الفترة كنت عايشة مع زوجي بدون مشاكل لكن كاخت
وكان يصير بينه وبين ضرتي مشاكل كثير بسبب غيرتها وتطفلاتها
اما انا كنت مخليته على راحته واوفر له كل سبل الراحة
قلت خلي يطف بها اول سنه سنتين
بكرة تقدم بعينه وتصير شي عادي عنده وتنشغل باولادها عني وعنه
اما انا ارجع بشخصية جديدة
بشكل جديد
بفكر جديد
بجسم جديد
انسانه غير
كنت افرح جدا بالوقت اللي افضى فيه
ومحتاجة جدا جدا جدا جدا جدا جدا للوقت
للوقت وبس
عشان اعمل واعمل واعمل واعمل
طبعا اطفالي هم اكثر شي كان يحفزني للعمل والانتاج
يمكن لو كان ماعندي اطفال كان ماصار عندي كل هذا الاصرار على النجاح
طبعا زوجي كان يعدل بيني وبينها بالنفقة
هي تروح ركض تشتري لبس ومكياج وعطورات ومدري وش
وانا اوفر واجمع اوفر واجمع اوفر واجمع
براسي شي
هي تقضي وقتها بالصبغةوالمشاغل
ومدري ايش
وانا اخذ نفس المبلغ وسجلت فيه دورة تدريبة في المشغل اتعلم كيف ازين الحريم
الين ماجمعت بعد كم سنه واشتريت سيارة باسمي
طبعا انا ماقابلتها ولا ابي اقابلها
ولا عمرها شافت اولادي ولا تفكر تعرف بس اشكالهم او تشم ريحتهم
وهذا الشي قهرها وزاد تطفلها
كانت تراقب علينا من شبابيك بيتها
تتمنى بس تعرف كيف اشكالنا
لكني صديتها وماعطيتها فرصة
وتجاهلتها تماما
وتراقب طلعاتنا ودخلاتنا
وهذا السبب اللي خلاني اصمم اني اشتري لي بيت اعز نفسي فيه
بعد مااشتريت الفلة وطلعت من فلةزوجي
طلبت منه يدفع لي اجار
ليش ؟
لانو مو عدل هي تسكن بالفله حقته مجانا
ويسكن هو عندي مجانا
اقنعته ياجر واحد من ادوار بيته ويدفعه لي ولاولادي
طبعا انا آخذ منه الفلوس واحطها في رصيدي
الين جمعت ووسعها الله علي
واشتريت الفلة الثانية واجرتها
يعني نص املاكي اصلا من جيب زوجي
واكثر دخلي من عملي الخاص اللي كلكم هاجمتوني عليه
طبعا قدرت استقدم خادمة وسايق واشتريت سيارة باسمي
ليش جبت سايق؟
لان زوجي حبيبي طال عمره منعني من القيادة منعا باتا
واشترطت عليه لوبيجيب لها خدم يدفع لي مثلها
يعني جالسة غصة بحلوقهم
بعد ٣ سنوات من الجفاء مع زوجي
تمنيت طفل
وقلت ليش مااقهرها وارجع اخلف منه
ليش اخلي عيالي وحيدين
والحمدلله
بعدها جبت بنتين وولد
يعني صار معي
ثلاث اولاد وبنتين
والحين حامل ببنتي الثالثة
…
اشتغلت بالكروشيه وعملي الخاص اللي ماعجبكم ولاصدقتوه
وبالتجميل والخياطه والتطريز ولله الحمد
ماكنت اصور شغلي ولا حطيت لي كتالوجات ليش؟
لانه بصراحة ماجا على بالي ابيع
اون لاين
كانت كل مبيعاتي على اهلي واخواتي واهالي ازواجهم وصديقات ام زوجي وجيراننا
وزوجات اصدقاء زوجي واهاليهم واهالي ازواجهم
يعني دائرة المعارف والاصدقاء
انتم اللي دخلتوا براسي فكرة اني ابيع اون لاين وشكرا لكم من القلب
اما الان انا حاليا بطور التنفيذ لمشرعي الكبير
وهو مركز يضم مشغل خياطة
وقسم تدريب خياطة
وورشة تعليم وبيع كروشيه
وقسم للبوفيه
ومقصف زي حق المدارس
وروضة وحضانة لابناء العاملات
وطبعا قسم للدونات والكوفي والشوكولاته والكيك مع جلسات نسائية
طبعا بس نساء
وكمان قسم مفرزنات للبيع
اشغل فيه كل وحدة تحب تطبخ وتبيع
يعني اسر منتجة
اشتريت استراحتين
وحدة مأجرتها اكسب منها فلوس
واوقات فراغي انا وعيالي واهلي نروح نغير جو فيها
والثانية استراحة خيرية مسوية طاولات واجار يعني بازارات
وخالتي ام زوجي تصوم الاثنين والخميس
كل اثنين وخميس يروحوا يفطروا بالاستراحه الخيرية هي وصديقاتها
هذي المشاريع مو انا اللي اشتغلها كلها
لكني ااجر نساء وعاملات للعمل معي
كل وحدة حسب مجالها
وفي طور بناء مسجد لامي وابوي وابو زوجي الله يرحمهم
كان ودي بعد اقيم حلقة تحفيظ قران بس كورونا منعتنا
….
طبعا انا افكر بانتاج مشروع ثاني وهو مركز صغير رعاية موهوبين
مرة عجبتني الفكرة
مو انا قلت لكم اني غرقانه باليوتيوب وتعلمت منه الكثير ؟
حبيته بصراحه وفكرت افتح قناتين
وحدة لعملي اللي كرهتوه
والثانية لي يعني حياتي ويومياتي
شوفو انا تعرفت على وحدة صاحبة قناة يوتيوب
عندها ٩٠٠٠٠ مشترك
ماشاءالله
هي والله اللي شجعتني افتح قناة الله يجزاها خير
تقول انها تاخذ حوالي ٦٠٠٠ ريال شهريا بس من قناتها
اللي صدق صدق صدق تبي تسترزق
ليش مثلا ماتفتح قناة ؟
كل المطلوب تصورين طبخة فلوق سفرة تنظيف
اي شي انتي تحبينه
ومطلوب منك بس تتعلمين مونتاج عشان تطلع فيديوهاتك كيوت وبس
هذي بعد فكرة حلوة للي يبي يعمل فيها
والله يفتحها في وجه كل وحدة تسعى لطلب الرزق ويوفق كل مسلم ومسلمة اللهم امين
ملاحظة
ماراح ارد الا على العضوات المحترمات
اللي اشوف منها تعليق سيء او استهزاء او سب
راح احظرها وبس
ماراح اخليهم يخربوا موضوعي هذا مثل ماخربوا اللي قبله
وشكرا
حسستوني اني وزير المالية وانسان خارق تر كل شي سهل
بس فكري صح وتعملي
أثاريني مزيونة! @atharyny_mzyon
عضوة نشيطة
يلزم عليك تسجيل الدخول أولًا لكتابة تعليق.
رايو
•
اخخخخخخخ مره فخوره فيككك 😭👏🤍
ما شاء الله تبارك الله
عاد وانا بعد نفسي اشتغل🙄 << بدال القعده عاطله باطله 🌚
بس مدري
احس اني مو نفسك عندي الهام واشتغل فيه 😐
ما شاء الله تبارك الله
عاد وانا بعد نفسي اشتغل🙄 << بدال القعده عاطله باطله 🌚
بس مدري
احس اني مو نفسك عندي الهام واشتغل فيه 😐
ما شاء الله تبارك الله ممكن اسم الاسهم ؟؟؟ ايش العمل اللي هاجموك فيه ؟؟؟؟ما شاء الله تبارك الله ممكن اسم الاسهم ؟؟؟ ايش العمل اللي هاجموك فيه ؟؟؟؟
الله يسعدك قلبو ادخلي ملفي وشوفي موضوعي السابق💕
رايو :
اخخخخخخخ مره فخوره فيككك 😭👏🤍 ما شاء الله تبارك الله عاد وانا بعد نفسي اشتغل🙄 << بدال القعده عاطله باطله 🌚 بس مدري احس اني مو نفسك عندي الهام واشتغل فيه 😐اخخخخخخخ مره فخوره فيككك 😭👏🤍 ما شاء الله تبارك الله عاد وانا بعد نفسي اشتغل🙄 << بدال...
وانا فخورة فيك حبيبتي الله يسعد قلبك💕
ما شاء الله تبارك الله ممكن اسم الاسهم ؟؟؟ ايش العمل اللي هاجموك فيه ؟؟؟؟ما شاء الله تبارك الله ممكن اسم الاسهم ؟؟؟ ايش العمل اللي هاجموك فيه ؟؟؟؟
مافيه سهم محدد هذي الشركات حقات المواد الغذائية
احيانا تنزل اسهم واشترك فيها
هذا الكلام قبل سنوات مدري الحين نفس النظام اولا
احيانا تنزل اسهم واشترك فيها
هذا الكلام قبل سنوات مدري الحين نفس النظام اولا
الصفحة الأخيرة
ممكن اسم الاسهم ؟؟؟
ايش العمل اللي هاجموك فيه ؟؟؟؟