قصة جارتي ونهاية زوجها المروج

هذه القصه هي لاحدىجاراتي التي تسكن في حينا ولا يبعد بيتها عني سوى مترات وهي من الجنسيه اليمنيه ولاكنها من مواليد السعوديه وحتى اجدادها مولودون هنا فهي لاتعرف شي عن اليمن سوى صوره التي تشاهدهت في التلفاز يعني بالعربي سعوديه لاكن لم تأخذ الجنسيه

المهم قبل اسابيع كلنا استقبلنا رمضان بالفرح والسرور حتى الاطفال سبحان الله يفرحون لمقدم هاالشهر لاكن جارتي الله يعينها استقبلته بالدموع لاكن قبل لا اقولكم ليش لازم اقول لكم سالفة جارتي من اول
من اول ماسكنت هالحي وانا اسمع عنها من جاراتي وعن طيبتها وكا ما سيرت علي وحده من جاراتي قالت ماجتك جارك اليمنيه تراها عسل وحبوبه وووو المهم وفعلا جتني وكانت انسانه ممتازه فعلا وطيبوه وذوق مره وكانت شياكه على الاخر هي وعيالها ماشاء الله واللي يمزها خفت نفسها المهم عزمتني لبيتها وماشاء الله بيتها مرتب واثاثها شيك مع انها كانت تقول ان زوجها مفصول من عمله من سنتين يعني هو بلا عمل ومع هذا تلبس احلى لبس وجوالاتها اخر موديل حنا ياللي ازواجنا موضفين ماحصلت لنا وحتى ولدها اللي بسادس ابتدائي معه جوال اخر موديل
المهم كانت وحده من جارتي (غيوره شوي الله يهديها) تلمح انو من وين لها وكذا فكنت اقول هذي زوجها يشتغل اي شي ويكسب ماشاء الله مو زي ازواجنا يالله دوامهم وبالغصب بعد
وقبل شهر جاني زوجي وقال لاعاد تروحين لجارتك اليمنيه قلت ليش قال بس شكل زوجها مو مضبوط قلت ليش شايف عليه شي قال ايه الرجال واضح من السيارات اللي توقف عند بيته ان فيه بلا قلت وشلون يعني عاد زوجي ماحب يدخل في تفاصيل وقال انتي ماعليك منه المهم لاتروحين لها وبس
وفعلا قبل رمضان بأيام اشترى سياره جديده اخر موديل وبعد ماشراها بأمام سمعنا خبر القبض عليه على طريق الطائف وفي سيارته كميه من المخدارات
يعني طلع زوجها مروج كبييييييير ويتعاطى ايضا ؟؟
واللي استغربت منه انها دايم تمدحه وماتذكره الا بالخير وفعلا باين عليها انها تحبه وان تعامله راقي مع اننا نسمع ان اللي يتعاطون مخدرات يبهذلون اهاليهم وحتى يضربونهم
سبحان الله معقوله كتنت تدري ان المال اللي يجيبه لها حرام وساكته ؟؟ ومعقوله هالعائله الطيبه يطلعون من الناس اللي تدمر شباب هالبلد اللي احتضنهم ؟؟ يمكن فصله من العمل هو اللي وداه لها الطريق ولاكن هذا ليس عذر ابدا؟؟
وقبل يومين طلع الحكم عليه بالسجن عامين والترحيل لليمن تخيلو
وهم مالهم ولا احد في اليمن ولا بيت ولا شي ولاليعرفو عنه شي
الله يعينها والله هالحين حالتها حاله مخلت احد في الحاره الاوترجته يدور لها واسطه تمنع ترحيلهم
وتبي احد يسجلهم بالجمعيه الخيريه لان اهل زوجها تخلو عنهم وابواها كبير واعمى
تكفون ادعولها يابنات واللي عندها فكره عن الجمعيات الخيريه تخبرني

والسلام