معليه اسمحولي يابنات اسلوبكم والله اسلوب تطفيش مش اسلوب تعديل

النصيحه اتجي بكلمه طيبه مش بهجوم معليه سامحوني


بس انا بصراحه ماعرف شرد على صاحبة الموضوع ولكن انا اشوف انها تقوله دامك تبيني روح سيده عند اهلي

وخلها تقطع العلاقه وماراح يصير الا الي يكتبه ربي

دام الرجال نيته شريفه ويبغيها يروح لها ابرك وماتدرين ايش الي بيصير سواء اهلها ارفضوة او اقبلوه تسكر الموضوع

على الرغم من الخطأ في هذه العلاقة شرعا ودينا >>> لأنه محرم مثل هالعلاقات .

وعلى الرغم من الخطأ في هذه العلاقة اجتماعيا >>> أهلها ما راح يقبلون فيه وعايلته .

وعلى الرغم من الخطأ في هذه العلاقة نفسيا >>> لأنها ما تحبه ولا تبادله نفس الشعور .

اسمحي لي أقول ....... إن صديقتك ضعيفة شخصية ومهزوزه ما عندها ثقة في نفسها ..... وإلا شاللي يجبرها على علاقة هي ما تبيها لمدة سنتين ؟؟؟؟

وبعدين شحقه تعطيه رقم تليفونها علشان يكلمها ويأخذ ويعطي معها ؟؟؟؟

وبعدين شكلها ما عندها خبرة بهالأمور وصغيرة سن ....... ليش ما تسمع هالقصص الغرامية الكذابة ونهاية ضياع الفتيات باسم الحب ...... والذئاب البشرية تبحث عن فريسة جديدة كل يوم ؟؟؟؟

انصحيها حتى لا تتطور الأمور الى أكثر من ذلك من مواعدة ولقاء لأنه سيجبرها بأي طريقة على بقاء العلاقة حتى لو كانت طريقة شيطانية من تسجيل لأشرطة كاسيت وفيديو لأنه سيفقد صوابه وعندها لا ينفع الندم ........

بل تقطع العلاقة فورا وتتوب الى الله توبة صادقة وتحمد الله أنها لم تتورط أكثر من ذلك وتحفظ سمعة أهلها الذين أعطوها الثقة وسمعتها .

أسأل الله العظيم أن يهديها وينير بصيرتها الى الحق ويستر عليها وعلى بنات المسلمين ........... آمين .

السلام عليكم ورحمة الله وبركاته
في البدايه مشكورات جزيل الشكر اخواتي على ردودكن وماني عارفه شو اقول بس بصراحه كلامكم قاسي وايد وكله تجريح ....انا ابي اعرف انتو ليش كله ماخذين الامور من الصوب الغلط ومن الجانب السلبي بدون النظر الى الايجابيه عارفه انكم بتقولون انه اللي تسويه غلط لانها تعصي ربها واهلها وتخالف امر دينها ....كل هالشيء البنت عارفته وعلى الفكره البنت ملتزمه وايد وماتعصي وعلى تخالف اوامر ربها ،،،، وبعدين انتو ليش سميتوا الشاب ذئب بشري وكله كلامكم كان ضده؟؟ يعني مافي شاب في هالدنيا حب واخلص بحبه ؟؟؟ اولا الشاب توه متخرج ومخلص دراسه يعني مازال في بداية مشواره بس هل هالشيء يحرمه من انه يحب ويختار شريكة حياته ؟؟؟ الشاب انسان خلوق ومحترم وماعليه كلام وينشرى بالغالي ... بس المشكله انه مايقدر يتقدم ويخطب لانه ماكوّن نفسه ويبيله وقت ...بس صدجوني الشاب محترم ومايضحك عليها ...وبعدين البنت مو صغيره عشان يضحك عليها هيّ مازالت طالبه بالجامعه وبتخلص جريب ... وبعدين صارلهم مثل ماذكرت قبل تقريبا سنتين وخلال هالفتره هي عرفت الشاب واختبرته وتأكدت من صدق مشاعره وماعطته الرقم الا لانها وثقت فيه ... يا اخواتي الشاب يبي يتقدم للبنت اليوم قبل باكر يعني مو مشكله معاه بس مثل ماقلت لكم قبل ينتظر يكوّن نفسه وينتظر الوقت المناسب ...المشكله في اهل البنت اللي رافضين هالشيء بس الشاب دوم يقولها احنا بننتظر القدر ويمكن القدر يجمعنا يعني مايبي يخليها الا لما تتزوج غيره وخلاص ييأس انها ممكن تكون له بيوم من الايام ... وصحيح انا قلت لكم انه البنت ماتحبه بس هي ماتعارض الارتباط به يعني تميل له ومشاعر الحب ممكن تجي بعد الزواج ... هذي مشكلة اختنا العزيزه اللي متورطه الحين وتحس بتأنيب الضمير لانها تخون ربها واهلها بس في نفس الوقت حرام تعذب انسان بريء وتحرمه من انه يحب ويتقرب من حبيبته ...وهيّ تعيش نارين وحالتها حاله ياريتكم تقولون كلمه طيبه ونصيحه تدش القلب لاختكم الحائره ... الله لا يهينكم
++++++++++++++++++++++++++++++

شكر خاص للاخت رمايه على اسلوبها وتحياتي لك

.. شوفي عيوني صحيح الاسلوب شوي كان انفعال من البنات بس لا تنتظر ين مننا نشوف الغلط وانتي تستشيرنا ونسكت عنه ,, يعني انتي علقتي باخر الموضوع ان البنت لو عرفو اهلها بالعلاقه بيبهذلونها اهلها طيب ورب هالكون ماحسبتو حسابه الي مطلع على كل شي !!! العلاقه من بدايتها حرام هذا غير انها تسوي ذنب وتعصي وتعيد تعصي طيب ربي سترها سنتين ولا فضح امرها ليش مستمره بالغلط انسان تقولون خلوق بفكرك هالخلوق بيتحمل لو اخته تكون بالوضع الي صديقتك عايشه فيه ويسكت ؟؟؟ مافيه احد يرضى بالحرام يااختي الحلاال بين والحرام بين تبيني تعال لآهلي ليش اخون ربي وهو معطيني وساترني وبرضوه عندها استعداد كبير تستمر بالغلط لين يكون الاخ نفسه الي شاري الانسانه يدخل من حيث ماامر الله من الباب ويطلب طلب رسمي ان قبلوه هذا امر ربي كتبه وان انرفض بعد امر كتبه ربي وبالاخير مافيه احد يهتم بمصلحة صديقتك قد والدينها الزوج مكانها افضل منه اذا ارضت والدينها واختارت من يناسبهم اجتماعيآ ..
.. والله يوفق الجميع ..

مهما كتبت فلن أزيد عن ما كتبن أخواتي ولكن

قولي لصاحبة القصة هل تضمن أن تموت وسماعت الهاتف في يدها والله لن يفعها حب ولا الشاب الذي مستعد أن

يفعل أي شيء من أجلها وهو أول من يتبرأ منها 0 :24: