السلام عليكم ورحمة الله وبركاته
صبحكم الله بالخير/ مساءكم الله بالخير
كان فيه واحد شمالي شاعر كان يحب له وحده حب خيالي قوي وانعرف بحبها وكانوا متفقين يتزوجون بس للأسف مالله قسم ولا تزوجوا زوجوها اهلها واحد ثاني غيره .
وراحت سنين وانقطعت علومها وهو كان يدرس وتخرج وعينوه بديره بعيد بالجنوب وراح الرجال وداوم
واول يوم دخل الصف ثاني ابتدائي اللي كان يدرسه وهو يشوف كل الأطفال يلعبون ماغير واحد
شد انتباهه جالس لحاله وهادي ومؤدب .. من ناظر له الأستاذ الشمالي اعطاه نظره وابتسم له يوم شافه الأستاذ
ابتسم وناداه وسأله عن اسمه قال انا فلان بن فلان
وهذي كانت المفاجأه قال الأستاذ امك فلانه ؟
قال ايه
طلعت الحبيبه السابقه
سبحان الله عمر ولدها سبع سنين وتذكر الأستاذ الماضي وهلت عبرته وحضن الولد وكتب له هذيك القصيده
الراااااااائعه واعطاه قال ودها لامك
والقصيده كانت تقول :
غابـت ثمـان اعـوام حــل وتـرحـال
غــابــت ثــمــان كـلـهــا مـدلـهـمـه
دورت عنهـا سنيـن وشهـور وليـال
مـافـيـه قـطــر غـيــر وجـــه يـمــه
وعقب الثمان اللي تعبها برى الحال
جـاب الـزمـان الكـارثـه والمطـمـه
جانـي ولدهـا مبتسـم بيـن الأطـفـال
ومن بسمتـه ذكـرت انـا بسمـة امـه
ركضت له ودمعي على الخد همال
من كثر شوقي قمـت بلحيـل اضمـه
ساعة حظنته والطفل في يـدي مـال
شميـت ريحهـا علـى اطـراف كمـه
واليوم بنت النـاس فـي بيـت رجـال
حب على غيـر الشـرف لـي مذمـه
مجبور اعود واشتكي لكل الأجيـال
بـنـفـس حـزيـنـه تـايـهـه مستـهـمـه
برجـع غريـب مسكنـه بـر ورمــال
يـحـيـا يـمــوت ويـنـدفـن مـايـهـمـه
وسلامتكم ....
يلزم عليك تسجيل الدخول أولًا لكتابة تعليق.
الصفحة الأخيرة
هنا شيمه الرجل الاصيل
سلمتي