السلام عليكم ورحمة الله
بنات انا ما ابي اخوفكم....استودعو الله اطفالكم وهو خير حافظ
ويعلم الله اني ماكتبتها الا لاجل ان نكون على قدر من الوعي وان الواحد اذا شاف خطأ او امر مريب مايسكت
القصة انتشرت وقتها ويمكن هالموضوع بيخلي الاقارب يعرفوني بس مو مشكله المهم اني ابري ذمتي
بنات القصة هذي حصلت من كم سنة وانا كل يوم ابكتب عنها لكن الحقيقة اني ما ابغى اتذكرها
بس من اشوف الاطفال يروحون ويجون مع باصات للمدارس يمغصني بطني واحس بضيق عشان كذا قلت كتبت الموضوع عشان ابري ذمتي مثل ماذكرت...نصيحة انتبهو لاطفالكم
السالفة ياطويلات العمر اختي ساكنة بشقة كانت كل ظهرية تطل من الشباك عالشارع عشان تشوف ولدها وهو جاي من المدرسة..طبعا هالشي مو دايم بس احيانا
المهم ذاك اليوم شافت باص مدارس خاصة وقف عند مبنى شقق عشان ينزل البنات لاهلهم..وكالعادة الباص تشوفه يوميا ينزل طفلة من جنسية عربية
الحاصل تقول اني شفت العامل نزل من عند باب السواق ولف عشان يفتح باب الباص اللي ينزلون من عنده الطالبات تقول بعد مافتح الباب وبدال ماتنزل البنت ركب واغلق الباب...الباص كان صغير نوعه ميكرو كانت شبابيكه مظللة يعني ماتقدر تشوف اللي جوا الباص..تقول اختي مغصني بطني
ليش ركب السيارة..المهم بعد يمكن عشر دقايق السواق فتح الباب ونزل بنت يمكن عمرها 7 سنوات..والبنت شكلها خااايفة
البنت راحت لبيتهم...والباص راااح...تقول انا عقبها حسيت ان فيه شي ماهو طبيعي وكلمت زوجها بالسالفة قال انتي موسوسة وكيت وكيت
من بكرا اختي ماصدقت تجي فترة الظهر وسنترت عند الشباك والباص جا على موعده..وينزل السواق وياخذ اللفة ويفتح باب الباص ويدخل جوا ويغلق الباب تقول كان فيه جزء من زجاج الباص مافيه تظليلة يعني التظليلة مقطوعة تقول اشوف راس السواق بمؤخرة الباص بس الصورة ماهي واضحة ...شوي ويفتح الباب ووتطلع البنت والمصيبة انها شافته يعدل ثوبها..ثم نزلها وراحت لبيتهم
هنا اختي صعقت من المنظر..الباص ماكن فيه احد وقت مافتح الباب..والسواق شكلة مرتبك والبنت باين انها متخوفة المهم خبرت زوجها بالقصة وسين وجيم وحلفت اختي انها ماتسكت يا انا اروح لاهل البنت يا انت تروح لهم..المهم اتفقوا انهم يروحون للشقق ويتكلمون مع اهل البنت...بس المشكلة مايعرفون اي شقة بالضبط...قالت اختي بنطق على اول شقة ونشوف..ومن حظهم ان اول شقة طلعووا هم طبعا لانهم هم الجنسية العربية الوحيدة اللي بهالمبنى
استأذن زوج اختي منهم بالدخول واختي دخلت عند صاحبة البيت..مسكينة امها كانت مستغربة وش هالناس اللي درعموا عليهم..طبعا اختي تدرجت بالقصة وسألت الام اسئلة عرفت الام بعدها ان بنتها فيها شي..
وبعد ما مسكوا البنت وسألوها كم سؤال جلست تبكي وترتجف ودروا ان المجرم سوا فيها شي
المهم انهم تشكرو من اختي وزوجها...واتصلت بنفس اليوم على اختي وقالت ان بنتها خبرتها باللي سواه السواق بالتفصيل
وبعد كم يوم اتصل ابو البنت وقال اننا اشتكينا للمدرسة ومدير المدرسة انكر و بعدها رفع دعوى على السائق والمدرسة وقال القاضي نبي الشهود
شويتين واكملكم..عندي مشكلة بالنت
عدلت الموضوع يابنات
نزلت التكمله هنا عشان مايصير فيه تقطيع
اعتذر عالتأخير النت عندي بطيء
المهم يابنات اختي وزوجها ترددوا بالبداية السالفة فيها محاكم وشهود
واختي اللي عمرها مادخلت محكمة بتظطر انها تدخل هناك والمصيبة بتكون شااااااهد...يعني انواع الرعب
المهم ابو البنت طمن زوج اختي وقال حنا مانبغاها الا تقول كلمة بس يعني اللي شافته وتمشي على طووول عشان نثبت القضية على هالمجرم
تقول اختي استخرت وقلت لاجل هالبنية المسكينه والله ماخليه ينفذ بجلده
المهم حددوا يوم للجلسة وراحت اختي وزوجها ودخلوا عالقاضي وكان فيه الام والاب وبنتهم ..وعلى ما اظن كفيل العامل
المهم القاضي سأل اختي عن اللي شافته بالضبط..وقصت له القصة... شويتين الا ويدخلون السواق..البنت لما شافته صارت تبكي وترتجف وتبولت على نفسها..والصوره هنا اتضحت
وسألووها هذا اللي تحرش فيك وهي ترتجف تقول ايه
المهم تقول اختي احنا طلعنا والقضية ماخلصت
والبنت وصفت لهم وش سوا فيها
والكلب اعترف بجريمته بعد ما انكشف
وبعدها بكم يوم اتصلوا اهل البنت على اختي وقالو انهم حكموا عليه بالجلد والسجن لكني ماني متأكدة سجن او تسفير المهم
هذا الموت بحقه شوي هالمجرم
وكل ما اتذكر السالفة تجيني بكوه على حال هالبنت خصوصا لمن تبولت..اكيد اللي شافته شي ماهو هين
الزبدة يابنات انتبهو لاطفالكم لاتسجلونهم بالباص الا ومعهم مرافقه
الشي الثاني راقبوا موعد عودة الباص يعني لو يتأخر دقيقة لازم تتواصلون مع المدرسة وتأكدون عليهم بعدم التأخير خليهم يحسون بالمسئولية والخوف...
تذكرت سالفة البنت اللي قبل كم يوم ماتت بالباص ومحد درا عنها يعني لو معهم عاملة تتابعهم وتشوف من نزل من ركب افضل من سواق الباص اللي يمشي ولا يهمه من ركب من نزل ترا الرجال يختلفون عن الحريم
نصيحة اخيره
يابنات انا اللي الاحظه ان كثير منا لما يشوف شي غلط يقول انا وش دخلي
البلد خرب وانتشر فيه الفساد بسبب تقاعسنا
ليش ماننكر المنكر..؟؟ ليش ماننصح..؟؟
اقلها بنصيحة بكلمة..هذا مجتمعنا ليش مانحميه..؟؟ خلونا نكون يد وحدة ضد الفساد والمفسدين
خلونا نكون يد وحدة وحب لاخيك ماتحب لنفسك
ممكن اليوم القصة تحصل مع جارك
بعدها تصير معك لاقدر الله
اللهم اني استودعتك ابنائي وابناء المسلمين
الله يحفظ اطفالنا من كل مكروه
U-TURN @u_turn
محررة برونزية
قصة حصلت مع اختي شخصيا وهي شااااهد عليها.. قضية تحرش بطفلة...القصة كاملة بالداخل
191
35K
يلزم عليك تسجيل الدخول أولًا لكتابة تعليق.
صمته ذبحني
•
الله يحمينا ويحفظ بناتنا وبنات المسلمين
الصفحة الأخيرة