السلام عليكم ,
بداية أتمنى من الإدارة الكريمة السماح لي بالنشر أنا من المتابعين القدامى واستفدت صراحة من المواضيع , أنا رجل عمري 36 سنة طبعاً حبيت أكتب من باب التعبير لإنها حرقة صراحة في قلبي للآن بعد مرور 60 يوم على الإنفصال وعله أسمع نصائحكم بالموضوع لإني ما شاركت الموضوع كثير وكأنه هو عاصفة وانتهى فجأة.
بحاول أختصر وإذا سمحولي الإدارة إني أكتب أجزاء أخرى لإنها طريقتي الوحيدة بالتعبير ( العالم الذكوري لا يرحم ) فما أشارك الموضوع هذا في العلن.
أنا مولود ومقيم في السعودية شغل بيت كل الي أعرفه في الحياة العمل والشغل ويكاد لا يوجد لدينا دائرة اجتماعية ما نعرف أحد تقريباً مررت بعدة تجارب تعارف وأضطر في كل مرة إني أنزل بلد ( أهلي ) لي هو الموطن الأصل وأتعرف وأشوف وأتغاضى المرة الأولى جبتها السعودية رفضتها الوالدة ما كملت أسبوع ( بدون دخول ) وما سوينا عرس والله كانت نيتي صادقة صراحة بس حتى كان فيه خلافات تغيرت علي البنت أصلاً المرة الثانية ما كملنا بس البنت كانت عاجبة أمي وأهلي أنا مو كثير بس إني استمريت وما صار نصيب ( للآن نتكلم سلام فقط طبعاً لأنها محترمة ) المرة الأخيرة الطعة الكبرى ( الحمد لله ) الفارق أكثر من 5 سنوات يأست طبعاً لمحت لأهلي كلمتهم ما شفت رد إيجابي أو حماس على الموضوع كأنهم غير مهتمين صرت صراحة أكره نفسي يوم أكلمهم لإني المشكلة ما عندي وقت أو معارف أقدر أسأل عن بنات الناس فشفت صفحة زواج تعرفت على بنت نزلت البلد الأمور أوكي حتى لحظة انها أخفت عني إنها كانت مطلقة ( وسكنت سنة مع زوجها ) وما جابوا أولاد هنا أنا حسيت أني خدعت وكنت بهون لكن سبحان الله حسيت بوجعها لإنها قالت لي ما ودي أخسرك وكلام طلع بعدين كله كذب تغاضيت وبعدين عرفت أن والدها ( متوفي ) ووالدتها أيضاً مطلقين وسألنا عنهم ما أحد يعرف كثير عنهم المهم تغاضيت وبعد فترة سوينا خطبة جبت الأهل الأمور عادي بعدها اتفقنا نتزوج بدون عرس وحاولت أجيبها هنا طبعاً أمي ما عاجبها الموضوع هي ما تسلم وكانت البنت تقول أن أم طليقها أخفت عنها أن ولدها عقيم ( زوجها ) فيبدو عندها الفوبيا هذه فما كانت تكلم أهلي والمهم جت هنا وكان عندها ( دورة أذكر ثاني يوم ) ما عشت حياة طبيعية أجي البيت ولا كأنها زوجة وتغيرت ولا تلبس شي تصوروا تونا جلسنا في البيت وتعنيت فيه بيت جديد مرتب فرش جديد صح مو مكلففف الي قدرت عليه براد جديد غسالة ( والله أدمع وأنا أكتب ) أخلص شغل أروح البيت أرتب أسوي وآخرها قلت لها نروح نسلم على أمي لأنها كانت بتسافر ورحنا طبعاً أمي حاقدة عليها وبان الموضوع فبدت البنت تقلي لي جبتني هنا ومن هالكلام قلت يلا نمشي ومن نزلنا للسيارة على نفس النفس أنتوا جبتوني هنا تهينوني ومن هالكلام للفجر يومها حرفيا ما نمت وما نمت على السرير ولا زالت تتكلم ما تسكت تصوروا تونا متزوجين توي أذوق معليش آسف وثاني يوم نفس الكلام جيت تعبان في الليل مطفية الأنوار ( ما شفت كيد زيها صراحة ) ولا زالت نفس الكلام رحت أصلي وقلت لها ليش تفشي أسرار وبدت هي تجي تستفز وتلمسني بطريقة عدوانية وصار نقاش حتى طيحت جوالي الفولد انكسر وهنا أنا ولعت معي خلاص وانفجرت صراحة رميت ملابسها قلت لها خلاص اطلعي وهي تجي أمامي تقول لي هدي خلاص وتمسكني وأنا أعصابي مو راحت أتلفت أصلاً فصفعتها كف وكف على يدها علشان توخر عني وكلمت أختى وجت وكلمت أخوي وسويت لها خروج نهائي وودوها المطار أمها كانت على الخط ما رضت تكلم أمي أخوانها للآن ما كلموني ( كابوس يعني صراحة ) وودوها المطار ايش سوت راحت مركز الشرطة تشكي علي دقوا علي بالليل قلت لهم ما أعرفها وراحت بلدها وتأكدت أنها وصلت ومن يومها ما أحد كلمني منا اخوانها ولا زالت هي معلقة الآن الي عرفته تبغى فلوس وماني معطيها شي هذا الجزء الأول وأنا هنا صراحة ما أعرف أنا ايش سويت في حياتي علشان أستاهل الي صار معي وأهلي الآن خصوصاً أمي ينظرولي نظرة غريبة وطبعاً حاولوا أنه يشوفوا بنات بس أنا عارف هم غير جديين بالموضوع هذا أساساً فما أخفيكم أنا بحالة صدمة عاطفية البنت طلعت من عيني بعد لي سوته أصلاً وللأسف صرت مدمن عادة وإباحيات ( في بالي أنه يعوض الشق العاطفي ) حاولت أتعرف نية صادقة لكن كل بنت تظهر بطريقة غير ( التواصل الرقمي هو المشكلة ) وهذه تقريباً قصتي حبيت أشاركها معكم ادعولي بس وشاكر لكم وللمنتدى
Sam @samdam4580
عضوة جديدة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️