رمضان :

يا اختي صاحبة القصة نفسيتها مره سيئة وتقول احس ان موتي قرب واخاف اموت وهم لسا ماكبروا واعتمدوا على نفسهم تبي استشارة بناء على الاحداث الي شفتوها ومعاناتها منذ الطفولة الي مثلها مفروض يتعالج نفسيا لاكنها ارمله وكبرت بالعمر وتحتاج الدعاء من اكبر عدد من الناس وهي من طلب النشر على صناع المحتوى على يوتيوب لانه هو الي عندها وبتقدر تسمع قصتها وتقرا تعليقاتكم تحتاج جبر خاطر وتحس ان احد واقف معها وحاس فيها ومعطيها قيمه لانها تهمشت كثير ولحد يومكم هذا تقول انه والدينها بداوا يوزعون اموالهم وحلالهم على عيالهم واقاربهم عشان لو ماتوا ماتلقى هي شي هاذي الانسانه عانت كثير والى الان مازلت تتالم وماانتهت النهايه السعيد الي الكل ينتضرها او اغلب القصص تنتهي فيها طلبت من الي ينشرها انه عادي يوافق انها تنزل كروايه بما انها طويله جدا اوقصة على اجزاء الي بينزلها ياخذ راحته المهم هو محاوله تغيير بعض اسماء الكلمات او الاحداث الي مارح تخرب القصة سمعتها منها ب اذني وكتبتها بنفسي عشان اوصلها ب اوضح صوره

يا اختي صاحبة القصة نفسيتها مره سيئة وتقول احس ان موتي قرب واخاف اموت وهم لسا ماكبروا واعتمدوا...

عواطف تركي . :

عشرات السنوات عايشه صراعات وضيق وكدر وعسر ولسه ما اقتنعت ان اللي تحتاجه في حياتها هو القبول والرضى والتسليم ؟ وش باقي تنتظر وش باقي تتوقع وتطمح له بعد كل اللي شافته وعاشته من اهلها ؟ الحل هو الرضى بقضاء الله وقدره خيره وشره والقناعه التامه ان هذا ما قسمه الله لها وهذا نصيبها من الارزاق العائليه والماديه والمعنويه وسبحانه وتعالى له حكمته العظيمه في كل هذا الشي وارجع اقول لسه ما وصلت للقبول والرضى والتسليم ؟ وش تنتظر اكثر عشان تسمح لقلبها يدخله هذا الشعور وتعيش بسلام نفسي لا تحمل هم الماضي ولا الحاضر ولا المستقبل اللي كله امره عند الله للاسف هي تاركه الحاضر واللحظه الحاليه وعايشه في ماضي ماراح يرجع وفي مستقبل مجهول في الغيب وهذا اللي حارمها لذة الراحه وثقي تمام الثقه كلنا بلا استثناء عندنا من المشاكل والهموم اللي الله يعلم بها ومرينا في ظروف قاسيه لكن وقفنا من جديد وسلمنا الامر لله ورضينا وقبلنا احيانا الانسان ينحط في ظروف تغييرها وتبديلها وتعديلها مو في يده فلازم يرضى بالواقع ويسلم لله الامر وما ينهك روحه في مصارعتها ورفضها تخيلي مجرد الرضى والقبول والتسليم لله يطيح كل هذا الحمل الثقيل اللي محاصره نفسها فيه وثقي تمام الثقه ان اللي خلقها وخلق اطفالها ما راح يتركهم ولا يناسهم وبيسخر لها ولهم ملائكة السماوات وجنود الارض وخيرة خلقه لكن احيانا في ظروف ومواقف وشدائد نمر فيها ورب العالمين يبينا نفهم منها الرساله والدرس اللي جات تحمله لنا لكن بني آدم احيانا ما يفتح عقله وقلبه ويحاول يفهم نلقاه يتصارع ويعترض ويرفض الحال ويحب يعيش دور المسكين المضيوم المقهور ما يرفع الظلم عن نفسه ولا يحب يعيش الحياه يحب يبقى حبيسها حتى لو كان السند غايب رب العالمين يبيك تاخذينه هو سبحانه وتعالى السند وهو اقوى واعظم سند ويبيك تتوكلين عليه وتستعينين به وحده حتى لو في اسباب تبذلينها ورب العالمين يمكن يبيها تتعلم تكون قويه شجاعه تقدم للامام وما تخاف وتخلي اطفالها يتعلمون من امهم القوه والاقدام للامام مو تجلس تقضي سنين عمرها تلطم وتتحسر على الماضي وعلى السند والاهل و ... الخ من اشياء ما حصلت عليها هذي مو حياة يرضاها رب العالمين انفضي عن نفسك ثوب الذل والضعف والمسكنه وألبسي ثوب القوة والشجاعه والتوكل على الله اعتبري نفسك جيتي للدنيا وحيده وعيشيها بما يرضي الله بسلام وش فايدة الحلطمه والهواجيس على ورث راح وفلوس ضاعت لو هذي الافكار تجيب فايده كان كلنا جلسنا نندب حظنا ليل ونهار لكن صدقيني مافي أي فايده تذكر انا واللي لسه ماتزوجت ولا جبت اطفال مريت بظروف قاسيه ماودي اذكرها لكن شلت نفسي بنفسي ما جلست اندب حظي واعيش دور المسكينه لان اذا انا ماساعدت نفسي ولا عشت الحياه باللي يتيسر لي كان الله وحده يعلم وش راح يصير بي ما احب اشوف بنات او امهات يعيشون بضعف وهشاشه خاصة اذا عندكم اطفال وش ذنبهم تعيشونهم هذي المشاعر السلبيه والضيم هم يستاهلون حياه حلوه فيها رضى وتسليم وقناعه وانتي المسؤله عن صناعة ماضي وذكريات حلوه لاطفالك وصدقيني كل ما ركزتي على هذي الفكره انك تعيشين لحظات حلوه مع اطفالك وتخترعين لك معاهم اجواء ضحك ووناسه ونفسيه حلوه وتشجيع كل ما كانت حياتكم افضل واجمل خلاص اللي مضى راح مايرجع العوض بالحاضر اللي هو في يدك انسي اهلك وورثهم وفلوسهم انتي اصنعي لنفسك فلوس ومصدر دخل وان ماقدرتي على الشغل والوظيفه ربك راح يسرها ويزين امور اطفالك ودراستهم الى ان تجيهم وظايف تعزهم وتعزك مدري وش اقول اكثر واسأل الله العظيم ان يوقع في نفسك وقلبك حسن نيتي من كل حرف كتبته وان يجعله مفتاح خير وغلق لشر واسأل الله العظيم ان يسخر لك ملائكة السماوات وجنود الارض ويسخر لك خيرة خلقه وان يجبر قلبك جبرا جميلاً ويعوضك اجمل عوض انتي واطفالك يارب ايامكم القادمه تشهدون على جمالها ويسرها وانفراجاتها من كل النواحي

عشرات السنوات عايشه صراعات وضيق وكدر وعسر ولسه ما اقتنعت ان اللي تحتاجه في حياتها هو القبول...

فوفا 💞 :

مرة طويلة طفشت وانا اقرأ

مرة طويلة طفشت وانا اقرأ

عواطف تركي . :

طيب نعلق وش نقول بالضبط انتي وش فهمتي من القصه بما انك قرأتيها وش نوع الاستشاره اللي هي طالبتها بالعنوان لان القصه طويله جداً وحتى الذكاء الاصطناعي لما طلبت منه يختصرها لي ما قال شي عن الاستشاره كل اللي قاله نقاط عن مشاكل عائليه لا اكثر وانا سبق علقت على قصتها بموضوعها اللي قبل

طيب نعلق وش نقول بالضبط انتي وش فهمتي من القصه بما انك قرأتيها وش نوع الاستشاره اللي هي طالبتها...

farah :

اهلين عواطف كيف الحال.. انا طلبت تقرو القصة ونتفاعل معها لحتى تصل لاكبر عدد ممكن والدعاء والدعم لها. هى تتمنى احد ينشرها عاليوتيوب لكي يسمعها الاغلبية.. تطلب دعم والدعاء لها وانا لبيت النداء، وحبيت تدعو لها معي لكن اوافقك تماما في رأيك الصائب،،، اننا بدل ان نبكي وننهار،، يجب ان نقف ونتشجع ونقاوم ونجد حل،،، وانا تفاعلت مع القصة وطلبت منكن التفاعل قلت مرات احد من بلدها يسمع بالقصة يدعمها يساعدها، لوفيه منظمات تدعم المرأة او جمعيات،،، لانها مو من بلدي،،، ومن خلال اللهجة عرفت،، وشكرا لدعمك ولنصائحك القيمة،، واسأل الله لك سعادة دائمة وتحقيق كل ماتتمنين🤍🤍

اهلين عواطف كيف الحال.. انا طلبت تقرو القصة ونتفاعل معها لحتى تصل لاكبر عدد ممكن والدعاء والدعم...