قصة حمض الفوليك ... للتنبيه يا حوامل

يا حلوات
بقولكم قصه مره تزعل:44: عن وحده زميلتي في العمل
والله اني بنقلها لكم لاني فعلا اتمنى اللي صار لصاحبتي ما يصير لاي احد من حوامل المسلمين

باختصار زميلتي هذي انقطعت عنها الدوره اول شهر وشكت انها حامل وسوت التحليل في البيت وفعلا طلعت حامل
وهذا اول شهر

ثاني شهر تعيجزت تروح للدكتوره و قعدت تفكر في خرابيط الحمل والولاده والنفاس ولا فكرت تتابع لانها سبق وولدت فحست انه مافيه شي مهم في اول شهرين

الشهر الثالث راحت وقالت لها الدكتوره انتي اللحين في الشهر الثالث ووضع البيبي سليم بس تعالي الشهر الجاي نحدد لك جنس الجنين

وفي الشهر الرابع لما راحت هي وزوجها علشان يشوفون البيبي
تجمعوا الممرضات على الجهاز والدكتوره نادت دكتوره ثانيه وخبصه كان فيه شي
هذا الكلام في مستشفى الحبيب عند دكتوره اسمها سنيه الله يجزاها خير لانها ساعدت صديقتي نفسيا ومعنويا ودعمتها
للاسف الطفل كان عنده النخاح الشوكي طالع برا
لا تسألون عن الحاله الحاله معناها ان الطفل بيكون معاق لان فيه مشكله في النخاع

طبعا نفسية الام في الحضيض ونفسية زوجها وقرروا ينزلون البيبي
سألوا شيخ وقال لا تنزلونه
وفعلا ما نزلته وولدت طفله معاقه وبعد الولاده مباشره ساعدتها الدكتوره سنيه الى ان نقلوا الطفله مستشفى التخصصي و سوو لها عمليه لادخال النخاع الشوكي وعمل انبوب في الرقبه والظهر المهم عمله صعبه
بس الحمدلله نجحت لكن الطفله معاقه غير انها تعبانه جدا صحيا

والله اعلم بنفسية الام اللي تنولد بنتها بهالصوره بس الحمدلله على كل حال
بعد المراجعات بعد الولاده
اتضح السبب في خروج النخاع الشوكي هو
ان الام لم تأخذ حمض الفوليك في بداية اشهر الحمل الاول والثاني لان اول ما يخلق في الجنين جهازه العصبي وحمض الفوليك يحفز هذا الجهاز ويغلفه ويقويه
خاصه لدى الام الضعيفه صحيا زي صديقتي هذي

وما تتخيلون الندم اللي ندمته صاحبتي على هالموضوع
علشان كذا تكفون يا بنات اول ما تحملون احرصوا على هذي النقطه
حمض الفوليك
ترا احنا اجسامنا مو زي اجسام امهاتنا
كلنا عندنا مشاكل صحيه ونقص في كل شي
ليه نسبب لاطفالنا هالمشاكل وهالحياة الصعبه
والحياه الصعبه والله لنا ولهم
شوفوها اللحين من موعد لموعد ومن مستشفى لمستشفى البنت تعذبت والام تعذبت
والله اعلم بتكاليف علاجها ومشاكلها

وعلى فكره انا سالت دكتور قال حتى البنت ممكن تاخذ حبوب حمض الفوليك لانه تفيد حتى للبشره وللجسم مو بس الحامل ويمكن تساعدك البنت بعد الزواج اذا حملت
سعر الحبوب حوالي 8 ريال مدري 10 ريال

اتمنى الكل يستفيد من هالموضوع والله يوفق الجميع