قصة حملي

بسم الله الرحمن الرحيم
اللهم لك الحمد حتى ترضى ولك الحمد اذا رضيت ولك الحمد بعد الرضا ولك الحمد على كل حال

في البداية صباح الخير للجميع

قصتي للعظة والعبرة لجميع المتاخرات في الحمل
وتذكري غاليتي قوله تعالى :"ان مع العسر يسرا"
معه وليس بعده
فقط توكلي على الله



في يوم من الايام وبعد تفكير وحوار بيني وبين زوجي قررنا انا نتوكل على الله ونسعى للحمل
علما بأنا كنا نستخدم وسائل لمنع الحمل بداية بالحبوب "ياسمين" ثم بالعزل..

جلسنا حدود السبع اشهر نحاول
ولكن في كل مره تشرف الاخت الدوره

انا ماكنت مره ابي الحمل لاني لسا صغيرة بالعمر وادرس
لكن لما شفت لهفة زوجي عالاطفال سعيت في الموضوع

بعدها دقيت على مستشفى كذا عالنية وقلت ابي موعد مع دكتورة نساء وولادة
حتى ما ادري مين دكتوراتهم وهل هم كويسين والا لا

قالت لي موظفة المواعيد حددي
قلت ما اعرف
بس ابي مساعدة عالانجاب
وحجزت لي موعد مع دكتورة سعودية حسيت كأنها أمي

المهم سوينا التحاليل انا وزوجي وطلعت سليمة
وصارت تتابع التبيوض معي

ثم اعطتني كلوميد
وحملت بعده

بقى عالدوره يومين
وقلت لزوجي يجيب تحليل
وجاب لي
ورحت شربت علبتين مويه من الحماس عشان اقدر اسوي التحليل
بس ماقدر الشريط يحدد مسكين لان كل اللي طلع مويه

بس اانا احس اني الحين غير
فابي احلل مره ثانية
عصب علي زوجي
وقال مافيه
وفمره وانا راجعه من الدوام مريت وشريت وطلعت حامل الحمد لله
واروح ارككككككككككض اكلم زوجي ابشره
واصاااااااااااااااارخ

هو عصب عشاني شريت التحليل من وراه
بس فرحان بالحمل فسكت ماقالي شي
بس قال يالله مع السلامه

ولا هو مصدق لحد ماتأخرت الدورة يوم ورحت حللت دم وسمعت الممرضة تقول مبروك حامل
وقمت وضغطت على يده من الفرحه لين تخولفت اصابعه


بس سبحان الله ماحملت الا بعد ماداومت عالاستغفار
والحيت على الله بالدعاء
وحسيت نفسي مليت من روحه ورجعه عالمستشفى
وكنت اروح فعل للسبب
وقلت خلاص مليت ان ماحصل حمل خلاص
ماراح اروح بخليها على رب العباد سبحانه
طبعا قبلها امي تجيب لي من هالادوية الشعبيه وكنت ارفض اخذها



مقتطفاات..
1.كنت اجلس بالانتظار واسولف مع البنات اللي ينتظرون
وكانو يجيبووون لي احباط
اللي لها سبع سنين واللي اكثر
فكان يحبطني وكنت اقول للدكتوره تقول لاتوسوسيين كل احد له حاله خاصه
كانت لي ام ثانية الله يسعدها



2. اخر زيارة لي قبل ما احمل قلت للدكتورة
دكتورة انتي تولدين
قالت اقول انتي احملي ويصير خير
قلت لها لا صدق
من باب التفاؤل بالخير
وطلعت من عندها على هالكلمة
وسبحان الله ماخيب رجائي وظني



3.كنت كل ما مر شهر ولا حصل الحمل اقول الحمد لله والشكر
خيره يمكن لوحملت يطلع الولد مو بار فيني والا مشوه لاسمح الله
فكنت اصبر نفسي واطمنها بنفس الوقت



4.لم يحصل الحمل الا بعد سنه تقريبا من المحاولات ثم العلاج




بزيارتي الاخيرة سويت تحاليل الحمل من ظمنها السكر وداء القطط
وطلع كل شي كويس الا السابق ذكرهما
فعادت لي الدكتورة التحليل عشان تتاكد اذا داء القطط خامل أو لا


ياااااااااااااااااااااااااااااااااااااااااااارب خيب ظنونهم
وعديني وجنيني الشر
وارزقني بطفل جميل صالح سليم معافى من غير زيادة او نقصان




ياااااااااااااااااااااااااااااااااااااااااارب