قصة حملي ..... بالرغم من ضعف الحيوانات المنوية لزوجي

في البدايه احب اسلم عليكم وأقول لكم أني مشتاااااقه لكم كثييييييير

أنا عضوه قديمه ولكن انقطعت عن المنتدى لظروف مع أني أتابع من فتره لفتره
ما أنسى وقفتكم معاي ما أنسى أني استفدت منكم كثييييييير

ويحارب يحقق لكل وحده كل اللي تمناه ويرزقها يا رب :26:


المهم


أنا عانيت مثلكم ولا زلت أعاني

تزوجت وعمري 29 سنه ومرت السنه الأولى دون حمل وبعدها قررت أن اكشف
والحمد الله جميع الفحوصات تؤكد أنني سليمه

وبعدها قرر زوجي أن يكشف وهنا كاااااانت الصدمة
العدد مليون والحركة صففففر مع أن هرموناته سليمه

بدا رحلة العلاج والإبر والخلطات وكان نوعا ما يستجيب وصل إلى اربع مليووون ومن ثم إلى سبع مليووون

وكان الدكتور اللي يعالج عنده يقول له استغلوا عمركم وسووا أنابيب

وكنت ابكي وأدعي ربي أني احمل طبيعي

ولا صار الحمل واستمريت معاه سنتين ونصف دون حمل
وبعدها صار بينا مشاكل وانفصلت عنه سنه ولكن ماكان السبب ضعفه وعدم قدرته ع الإنجاب

وبعدها رجعت له وقبل ما ارجع له كنت استخدم عسل بغذاء الملكات فقط
وكنت مب حاطه في بالي الحمل

مجرد أخذه عشان البشره ونشاط لجسمي فقط

رجعت له توني مخلصه الدوري الشهرية وكانت تنزل معاي مو نفس كل شهر
نزل معاها بلاوي اعزكم الله

المهم رجعت له وأنا توني مخلصه من يومين ومر شهر وما جاءتني الدوري وقلت مستحيل أني أكون حامل

قلت مو خسرانه بشتري التحليل المنزلي وشريته
وكانت صدمه يوم شفت الخطين
وعرفت أني ربي كرييييييم ويستجيب الدعاء

ولكن شاء القدر انه يموت في الشهر الرااااابع

انصدمت وبكييييييييييييت بكا بحيااااتي ما بكيته
ولكن كنت أردد اللهم أجرني في مصيبتي واخلفني خير منها

والحمد الله حملت بعد شهرين من إجهاضي وجبت ولد قريب السنتين الحين

أمانه ادعو لي أن الله يخليه لي ويرزقني
وما أخفي عليكم اني أحاول احمل من خمس شهور وما صار لان عمري 35 سنه

وزوجي حلل مره أخرى وطلع عنده ضعف مع انه قبل ما احمل وبعد ما حملت صارت النسب عنده طبيعيه وحملت مرتين


وهذي قصتي باختصار

ولأي سؤال أنا حاضره

ودعواااتكم لي ولولدي