قصة حملي بالولد بعد بنات

السلام عليكم كيفكم كروشات انا راح اقول قصتي مع حملي الله يجيبه بالسلامه انا جبت بنتين ورى بعض وكان الحمل والولاده متعبه كنت اتمنى ان بنتي الثانيه ولد ولقد لكن قدر الله والحمد لله على كل حال وبعد بنتي قلت ماراح احمل ع طول واستخدمت العزل لمنع الحمل وكنت اقول ان شاءالله راح اجرب الحميه اذ نويت احمل او حقن مجهري وبشهر سته اللي راح تاخرت الدوره وماتوقعته حمل وسافرنا وانشغلت بالسفر وهناك استغربت الدوره طولت قلت لزوجي ابي جهاز من الصيدليه بشوف انا حامل ولا لا مع ان زوجي يقول انتي موسوسه اكيد مافيه حمل والليله هذي مانمت زين خفت اكون حامل والصبح اول ماصليت الفجر سويت التحليل وكانت المفاجئه خطييييين يعني حااامل انصدمت مره وخفت وصحيت زوجي وقلتله جلس شوي مصدوم ماتوقع الحمل انا رجع لي شريط الحمل ببناتي وقلت انا بنزله ماراح اقدر حمل وبنتين صغار وبنفس الوقت خايفه تجي بنت لان كلام الناس اللي عندي جرحني مره وانا بس بنتين حتى زوجي يفولو له انت ماعندك الا بنات وثاني شي امي جابت ثمان بنات وتخيلو انا بكرها نظرات الناس وكلامهم عليها لنها ماتجيب الا بنات وزواج ابوي كله اثر فيني حاولت انزل الحمل واقرا بالمنتديات عن شي اقدر انزله استخدمت القرفه والانناس ومشيت كثير وشلت ثقيل والحمل مازال وامي قعدت تنصحني تقول حرام الله كاتب لك الحمل هذا خلاص اصبري ان شاءالله خيره لك انا استسلمت وتوكلت على الله وتركت كل شي استخدمه وماراجعت مستشفى ولاشي كنت متوقعه ان الحمل ماراح يستمر لان حملي ببناتي دايم الشهور الاولى نزيف واصير على ظهري ومثبتات ومره حلمت اني اشوف الملك عبدالله ببيتنا وكان جالس معنا كانه من اهل البيت جالس معنا بسروال وفنيله وشكله كان اصغر منه الحين كان جمييل صحيت من النوم وتفاءلت بالخير ان شاءالله وبعد اربع شهور قررت اروح الدكتوره وهذا خطا المفروض من بداية حملي اروح وبعد مارحت وكشفت كل شي تمام الحمدلله سالتها عن جنس الجنين قالت صغير مو واضح انا قلت اكيد بنت قالت الشهر الجاي اقوللك وبالخامس رحت قالت مسكر رجوله وماادري وشه انا انقهرت كان ودي اعرف نسيت اقول انا من الشهر الثالث وانا ادعي ربي انه يرزقني المولودالذكر واستغفر يوميا واتهجد بالليل وادعي واصلي على النبي اكثر من100مره وادعي ببعض الادعيه اللي اخذتها من النت مثل ياودود ياودود ياذا العرش المجيد وادعي باسماء الله الحسنى والح بالدعاء انا وصلت الشهر السادس ومااعرف وشه جنس الجنين ومره رحت الطوارئ كنت احس بمغص وكشف الدكتور علي وسالته دكتور واضح جنس الجنين قال بشوف وقعد شوي انا شفته طول وخفت مرررره بعدين قال شوفي الشاشه انا طالعت شي بس مو واضح قلت دكتور مو واضح يعني ولد ولا بنت قال شوفي العضو هذا كذا وهذا كذا ووراني العضو قال ولد الحمد لله قلت متاكد قال ان شاء الله انا فرحت كثير اللهم لك الحمد والشكر وتاكدت الموعد اللي بعده والحين باقي لي اسبوع على التاسع ادعوا الله يتمم حملي ويقومني بالسلامه واشوف مولودي بصحه ،،،،،قبل مااتزوج كل ماتحمل امي اتمنى الولد لكن قدر الله انها تجيب بنت وكنت احزن اتمنى تجيب لنا اخ انا كنت الكبيره ويوم تزوجت تمنيت الولد كلام الناس قهرني كاني انا السبب بحمل البنات كنت ادعي الله دائما اللهم لاتشمت بي الاعداء اللهم اكفني شر خلقك  انا طولت عليكم مرررره اعذروني واقول للبنات لاتياسو والحو بالدعاء فقط بلا حميه ولاشي وادعوا لي بتسهيل الولاده واشوف مولودي بصحه وسلامه