قصة حملي بعد أربع سنوات زواج ..

الف مبروك حبيبتي والله يتمم لك على خير وعقبالي انا وكل متأخرة الله يرزقنا بالذريه الصالحه عاجلا غير اجلا

ماشاء الله الله يتمم حملك يااختي يااااااارب ويفرحنا لا تنسين ترقين نفسك ياقلبي

الف مبروك الله يرزقك شوفته وبره لك وان شالله انه من الصالحين

أميييين يارب ويرزقكم من واسع فضله ..

اختي احساسي أنا انا فعلا ما رقيت نفسي كثير وامي ما شاء الله ماقصرت أسبوع من تحليلي وكل الناس درت القريب والبعيد والجيران وحمولتي طبعا انا علمتهم اول ماحللت أصلا اخت زوجي هي الي كانت معي بس الخبر انتشر عند معارفهم كلهم ..

أنا والله ما خفت لأن علاقتي بالجميع كويسه وماعندي مشاكل مع اي احد وبالعكس قلت اكيد كل من عرف بيدعي لي أن الله يتمم علي ..

لما وصلت نهاية الثالث نزل معي دم بس شافتني الدكتوره قالت كل شيء تمام .. و اخر يوم من الشهر الخامس نزل معي دم بعد ورحت الطوارئ وكشفت الدكتوره لقت الرحم فتح 2 سم والكيس والطفل نازل مررره تقولي اشوف الكيس .. الله يعلم بحالي ذاك الوقت وتوقعت اني خلاص بفقد جنيني لكن ما يأست ودعيت الله (( يارب بقدرتك الي رزقتني اياه انك تحفظه لي ولاتفجع قلبي ))

قالت الدكتوره لازم تسوي ربط لعنق الرحم ونسبة نجاحها 30 % بس لأنه اثناء العمليه ممكن ينفتح الكيس والطفل يطيح لأنه كبر حجمه ونازل تحت ,, وعادة الربط يسوونه في نهاية الثالث .. ولو ماسويت العمليه راح ينزل اكيد ومستحيل يعيش .. توكلت على الله وسويتها وأول مافتحت عيوني بعد البنج في غرفة الملاحظه خالتي عندي اسالها والصوت يالله يطلع وماغير دموع اقولها فيه ولا راح ؟؟ تقول فيه واحلفها وتحلف تقول والله مانزل البيبي ..

وانادي الممرضة قلت سمعيني دقات قلبه وتحاول فيني تقول بعدين لين تصحين ورفضت واصريت وجابت الجهاز ولما سمعت صوت قلبه نمت من التعب ما قدرت ولا ابتسم ..

طبعا تنومت شهرين في المستشفى الحمدلله على كل حال والحين في بيت اهلي ممنوعه من الحركه ..

أنا ما اقول أنها عين ولا أحط في ذمتي شي ممكن أنا ماريحت نفسي ودوامي كان صعب شوي اوقف ساعتين واحيانا ثلاث لأني ادرس في الجامعه .. بس فعلا الرقيه شي مهم وانا غفلت عنها ..

الله يتمم علي ويرزقكم جميعا عاجلا غير اجل يااااااااااارب

الله كريم يثبته لك وتشوفينه بخير