قصة حملي بعد ٩ سنوات تأخر ❤️

السلام عليكم جميعا
أنا سجلت بالمنتدى فقط عشان انزل هالموضوع و اعطي الكل امل ❤️
انا عمري ٢٦ سنة تزوجت وانا صغيرة بس واعية الحمدلله ماعانيت من مشاكل ابدا حياتنا كانت ولا زالت جدا جميلة ❤️❤️
من تزوجت ماكنت امانع بس هم ماكنت حاطة الحمل براسي لكن لما مرت سنة بديت اشك انه في مشكلة بس ماراجعنا ابدا و مرت سنتين هنا قلنا خلاص بنبدأ نراجع و كننا متفائلين جدا ، سويت جميع التحاليل و زوجي كذالك وكان كل شي بيرفكت وتمام .
قلنا خلاص بنخليها على الله . دام مافيننا شي و بننتظر ما اخفيكم بهالوقت بديت اتعب من التفكير وكل شهر اتأمل و انصدم لكن الحمدلله على كل حال . انشغلت بدراستي لكن هم كل مرة يجي موعدها اكتأب . بعد ٤ سنوات بدينا رحلة العلاج اهم ما مرينا فيه انو عملنا انابيب ٣ مرات و سبحان الله بكل مرة تفشل . بالرغم من صغر سني . مريت بأيام مايعلم فيها الا الله ، تدهورت دراستي و
قطعت الامل اني احمل و بديت ارسم لي خطط عشان نعيش حياة حلوة بدون اطفال
لانه بعد ما مرت ٩ سنوات ايقنت انه مستحيل احمل خصوصا انه حتى الانابيب فشلت ، و تسع سنوات ابدا مو قليلة .
لكن يرزق من يشاء سبحانه ، اراد الله لنا الحمل قبل ٣ شهور . الحمدلله رب العالمين على واسع فضله علينا
بدون علاج بدون اي شي . حتى ماكنت متأملة ابدا !
لما عرفت اني حامل بكيت بكي عمري مابكيته . حسيت ان الله يحبني الله معاي طول الوقت و هذي معجزة منه و هدية لنا بعد معاناتنا كل هالسنوات ❤️
لا تقطعوا الامل ❤️ . الله كريم ❤️
لكل منتظرة ، تأكدي ان الله معاك طول الوقت ❤️